Unexpected Love(Completed)

Episode4

မ​ရောက်ဖြစ်တာ ၃နှစ်​ကျော်ကြာသွားတဲ့ အခန်းက မ​ပြောင်းမလဲ အရင်လိုပဲ ဖြစ်​နေတယ်ဆိုတာ ​မေ​မေနဲ့ မရီးရဲ့ စီမံမှု​တွေ​ကြောင့်ပဲဆိုတာ ​​အထူးတလည် ​တွေးကြည့်​နေစရာ​မလိုပါဘူး။

နားထဲဝင်လာတဲ့ တ​ယောသံ တိုးငြိမ့်ငြိမ့်​ကြောင့် အသံလာရာကို နားစွင့်မိ​​တော့ ကိုယ့်​ဘေးအခန်းက ဖြစ်​နေတယ်။မမမြတ်ရဲ့​မောင်​လေးပဲ ဖြစ်မယ်။​ရှမ်း​သွေးစပ်တဲ့ ကပြားရုပ်​လေးမို့ မြင်တာနဲ့ကို ​​ချော​ချောလှလှ​လေးမှန်း သိသာ​စေတဲ့ရုပ်က​လေးပဲ။ဆံပင်​တွေကို အလယ်ခွဲဆန်ဆန်နဲ့ ပါး​တွေမဖုံးတဖုံး ချထားတာ​တော့ မျက်နှာ​ပေါ်ရှုပ်​နေတာ မကြိုက်တဲ့ ကျ​နော့်အတွက် မြင်ရတာ နည်းနည်း ကသိက​အောက် ဖြစ်​စေတယ်။​
သူ့ဆံပင်​တွေကို လက်နဲ့သပ်ပြီး နား​​နောက်ညှပ်​ပေးချင်စိတ်ကို မနည်းထိန်းထားရတယ်။
သူမို့ မျက်နှာမယားဘူးလား မသိ၊ကျ​နော်ဆို မျက်နှာ​ပေါ်ဆံပင်ကျတာလည်း မကြိုက်လို့ အမြဲ​ပြောင်ရှင်း​နေ​အောင် ညှပ်ထားတတ်တာ။

နားထဲတငြိမ့်ငြိမ့်ဝင်လာတဲ့ တ​ယောသံက လက်ရာ​ကောင်းမှန်း သိသာ​စေတယ်။
မမမြတ်​ပြောပုံအရဆို သူ့​မောင်​လေးက လူ​ကြောက်တတ်သလို၊​​ဘယ်သူနဲ့မှလည်း သိပ်မ​ရောတတ်ဘူးတဲ့။ပန်းချီဆွဲ၊တ​ယောထိုးရင်းသာ ​နေ​​နေတတ်တာတဲ့။အခု​တောင် မီးငယ်ပူဆာလို့၊​မေ​မေတို့ကလည်း အတင်း​ခေါ်လို့ ဒီအိမ်ကို ဧည့်သည်လာလုပ်တာတဲ့။ဟို​ကောင်​တွေ ပြန်မ​ရောက်မချင်း အခန်း​အောင်းမယ့် ကျ​နော်​တော့ ​နေ့တိုင်း တ​ယောသံနား​ထောင်ရ​တော့မယ် ထင်တယ်။

အဲ့ဒီ​နေ့ညက တ​ယောသံနဲ့ အိပ်စက်ခဲ့ရလို့လားမသိ၊အိပ်ယာအ​ပြောင်းအလဲမယ်​တောင် အိပ်​ရေးမပျက်ဘဲ နှစ်နှစ်ခြိုက်ခြိုက်အိပ်​ပျော်ပြီး အိပ်မက်​တွေပါမက်လို့ပဲ။

​နောက်တစ်​နေ့မနက်

မနက်စာစားဖို့ အခန်းထဲကအတွက် တိုက်တိုက်ဆိုင်ဆိုင် သူ့အခန်းထဲကထွက်လာတဲ့ ဟို​ရေခဲတုံး​လေးနဲ့ ​တွေ့တယ်။
ဘာ​ပြောရမှန်းလည်း မသိတာ​ကြောင့် တစ်​ယောက်တစ်လဲပြုံးရင်းပဲ ​ခေါင်းငြိမ့်ပြရင်း ​အောက်ထပ်ဆင်းလာခဲ့ရတယ်။