Unexpected Love(Completed)

Extra(Happy Myat Thaw Ka Day)

"​ဖေ့ အဲဒါဘာ​တွေလုပ်​နေတာလဲ"

​နေဇယံတစ်​ယောက် kitchen counter​ပေါ်က ပစ္စည်း​တွေကို ဘယ်ကစကိုင်လို့ကိုင်ရမှန်းမသိဖြစ်​နေစဉ် ​သား​တော်​​မောင် ကိုအ​မေးထူ​​လေး​ရဲ့ အသံ​ကြောင့် လှည့်ကြည့်မိ​တော့ မနက်က သူ့ပါပါး​ပေးသွားတဲ့ ​ပြောင်းဖူးကိုကိုင်ပြီး ​စူးစမ်းဟန်အပြည့်နဲ့ ဘေးနားမှာရပ်​နေသည်ကို ​တွေ့လိုက်ရသည်။
ထုံးစံအတိုင်း ဆံပင်ရှည်​တွေကို ခပ်မြင့်မြင့်စုစည်းထားပြီး Jumperဝတ်ထားတဲ့ ကိုပဲများ​လေးဟာ မနက်က သူ့ပါပါးပြင်​ပေးခဲ့တဲ့အတိုင်း သပ်သပ်ရပ်ရပ်နှင့်ပင်။

"​ဖေ့ Apple​မေးတာ ​ဖြေဦး​လေ ​ဖေရဲ့၊ဒီတိုင်းကြီး ကြည့်​နေ​တော့မှာလား"

မျက်ခုံး​ကြော​တွေတွန့်ပြီး ဆူသလို​ပြောလာတဲ့ ​လေးနှစ်အရွယ် ဆရာ​​ကြီး​ကြောင့် ​နေဇယံ ​ခေါင်း​မော့လို့ အသာရယ်လိုက်မိသည်။ဒါဟာလည်း ကိုပန်းသီးလုံးရဲ့ လက်စွဲ​တော်စကား​ပေမဟုတ်လား​လေ။
ဒီ​ကောင်​လေး ဒီအရွယ်​လေးနဲ့ လူကြီးစကား​တွေကလည်း အ​တော်ကို​ပြောတတ်တာပါပဲ၊သူ​မေးတာမ​ဖြေဘဲ ဒီလိုလုပ်ရင်လည်း စိတ်ကဆိုးတတ်​သေးသည်။

"ဘာမှမလုပ်ပါဘူး သားရယ်၊ သားက အခန်းထဲမှာ ကာတွန်းကြည့်မ​နေဘူးလား"

"နိုး ​ဖေ၊ ကြည့်ချင်ဘူး
​ဖေ ဘာလုပ်တာလဲ ကြည့်မှာ"

​ပြောင်းဖူးကို ရှဉ့်ကိုက်သလိုကိုက်ရင်း ​ခေါင်းတရမ်းရမ်းနဲ့​ဖြေသူ​ကြောင့် ​နေဇယံရယ်မိရပြန်သည်။
ဒီပုံစံအတိုင်းဆို သူတစ်​ယောက်တည်း စိတ်ကြိုက်ဖွမဲ့ အစီအစဉ်မှာ သား​တော်မောင်ပါ အဆစ်ပါလာ​တော့မည်ထင်ပါရဲ့။ဒီ​က​လေး​ပေါက်စဟာ ဒီအရွယ်​လေးမှာ အခွင့်အ​ရေးရ​နေတာ​တောင် tvကြည့်မယ်မရှိ။လူနား လာရှုပ်ချင်​သေးသည်။
သူ့ပါပါးရဲ့ အုပ်ထိန်းမှု​အောက်မှာ လိုက်​လျောညီ​ထွေစွာ ကြီးပြင်းလာတဲ့သားဟာ သူ့ပါပါးကွယ်ရာမှာ​တောင် screen timeအတွက် အချိန်အများကြီးမသုံးတာလည်း ချီးကျူးစရာပါပဲ။

"​​ချောကလက်​တွေလား ​ဖေ၊အယ် စ​တော်ဘယ်ရီ​တွေ ​Appleကြိုက်ကြိုက်"

သူ့အရပ်နဲ့​​သေချာမမြင်ရတဲ့​ကောင်တာကို ခုန်ဆွခုန်ဆွလုပ်ပြီး ကြည့်ရင်း ​အော်​​နေတာ​ကြောင့် ​ပွေ့ချီပြီး ​ဘေးက ခုံ​ပေါ်ကို တင်​ပေးလိုက်ရသည်။ခုန်ပါများပြီး ​​ဟတ်ထိုးလဲမှ ​​counterနဲ့​နဖူးနဲ့​​ဆောင့်ပြီး ကွဲလိမ့်ဦးမည်။