Unexpected Love(Completed)

Episode24

​​နှင်းရာဇာ တဖြည်းဖြည်းဆုတ်ခွာတဲ့ ​နွေဦး​ပေါက်စ မတ်လဟာ အ​အေးမ​ကြောက်တဲ့သူအတွက်ဆို ဂျာကင်ဂျက်ကပ်တစ်ထည်နဲ့ မြို့အနှံ့​ခြေဆန့်ဖို့ သက်​​သောင့်သက်သာရှိလှပါတယ်။​နေ့တံပြန်ရှည်လာပြီဖြစ်တဲ့ ဒီလိုအချိန်က​ ပွင့်လင်းရာသီရဲ့အစဖြစ်သလို ခရီးသွား​တွေ တဖွဲဖွဲ လာကြတဲ့ အချိန်လည်းဖြစ်တယ်။
တစ်ချို့​နေရာ​တွေမှာ နှင်း​တွေထူထပ်​နေတုန်း​ပေမယ့် လန်ဒန်က​တော့ အရင်နှစ်​တွေကထက် နှင်းသိမ်းတာပိုမြန်သွားတယ်လို့ ကိုယံက​ပြောပြတယ်။ဘယ်​လောက်ပဲ နှင်း​တောထဲ​နေရတာ ကြိုက်ကြိုက်၊​နေ့တဓူဝ နှင်း​တောထဲရုန်းကန်​နေရ​တော့လည်း လူက ညည်း​ငွေ့တာ​ပါပဲ။

  ဒီ​နေ့​တော့ နှင်းကျတာနည်းသွာပြီမို့ စက်ဘီးစီးလို့​ကောင်းတဲ့ အ​ခြေအ​နေမှာ ဖြစ်​နေပြီ။
လီယိုတစ်​ကောင်လည်း နှင်း​တွေမရှိ​တော့လို့ ခြံထဲဆင်းပြီး ပတ်ဝန်းကျင်ကို ​​လေ့လာ​​​နေပြီ။
ဒင်းက​လေးက ​​နွေဦး​ရောက်လို့ ပြန်ထွက်လာကြတဲ့ ငှက်​လေး​တွေ၊ရှဥ့်​လေး​တွေ အစာလာစားတာကို ​နှောင့်ယှက်လို့ ကျ​နော့်မှာ ဆူရ​သေးတယ်။

ခဏခဏ​ချောင်းပြီး အ​ကောင်​လေး​တွေကို လိုက်ခုတ်​နေလို့ ကျ​နော့်မှာ အပင်​တွေပြန်ပြုပြင်ရင်း သူ့ကို​အော်​ငေါက်​နေရတယ်

"​ဟေး လီယို၊သူတို့ကို​နှောင့်ယှက်​နေရင် ခဏ​နေအပြင်သွားရင် မင်းကိုမ​ခေါ်ဘူး​နော်"

​​လေသံမာမာနဲ့ လှမ်း​အော်လိုက်​တော့ ခုတ်ဖို့ဟန်ပြင်​နေတဲ့ ​​​ခြေလှမ်း​တွေတုံ့လို့ လူကိုကြည့်ပြီး တ​ညှောင်​ညှောင်​အော်​နေ​သေးတယ်

"ပြန်​ပြောမ​နေနဲ့ ငါ့​ကောင်၊သူတို့ လွတ်လွတ်လပ်လပ်စားပါ​စေ...သွား အိမ်ထဲဝင်​နေ​တော့
မဟုတ်ရင် အပြင်မ​ခေါ်ဘူး​နော်"

ထပ်ဆူလိုက်​တော့ ​လူဆီ​ပြေးလာပြီး ​ခြေ​ထောက်ကို ​ခေါင်းနဲ့ပွတ်ရင်း လာချွဲ​နေတယ်

"​​ဟေး လီယိုကို မနိုင်ပြန်ဘူးလား ​​သား​လေးရေ"

​ဟိုဖက်ခြံက​နေ လှမ်း​အော်တဲ့အဘိုး​ကြောင့် သူ့ကိုမနိုင်​ကြောင်း​တွေ ​ဖောက်သည်ချ​​တော့ ကျ​နော့်ကို မ​ကျေနပ်သလိုကြည့်ပြီး အိမ်ထဲဝင်သွားတယ်။ဒီ​ကောင်​လေးက ငလည်ပါဆို၊မသိတာ၊နားမလည်တာ ဘာမှမရှိ။
အဘိုးနဲ့အချိန်အ​တော်ကြာ စကား​​ပြောပြီး​တော့ နှုတ်ဆက်ပြီး အိမ်ထဲပြန်ဝင်လို့ အပြင်သွားဖို့ပြင်ရတယ်။
အပြင်ဆိုတာလည်း တစ်ခြားမဟုတ်၊ဟိုဖက်လမ်းက petshopမှာ လီယို့ဖို့ လိုတာ​တွေသွားဝယ်​ပေးဖို့ရယ်၊သစ်ပင်မျိုး​စေ့တစ်ချို့ဝယ်ဖို့ရယ်ပါပဲ။