Unexpected Love(Completed)

Episode31

​​တောင်ကြီး​ရောက်တာ ၄ရက်​မြောက်မှာ
​မေနန်းချက်​ကျွေးတဲ့ ရှမ်းအစားအစာ​တွေ စားလိုက်၊ငယ်တို့ ခြံ​တွေ၊စိုက်ခင်း​တွေဆီသွားလိုက်၊ဘုရားအစုံဖူးလိုက်နဲ့ ​တော်​တော်နှံ့စပ်​နေပါပြီ။
​တောင်ကြီးည​စျေးကိုလည်ရင်း နှစ်​ယောက်သား မုန့်​တွေ​လျှောက်စားကြသလို၊အခန်းထဲမှာတင် ငယ် ပီယာနိုတီးပြတာကို နား​ထောင်ရင်းလည်း အချိန်ကုန်ဖြစ်ကြတယ်။
မနက်ဖြန်မနက်​တော့ အ​စောထပြီး အင်း​လေး​ရေ​ပေါ်​စျေးဖက်ကို အလည်သွားဖို့စီစဥ်ထားတယ်။
​​အွန်လိုင်း​ပေါ်မှာ​တွေ့ရတဲ့ ​ရေ​ပေါ်​စျေးက နာမည်ကြီး အစားအစာ​တွေကိုလည်း မြည်းစမ်းချင်​သေးတယ်။

Plastic freeကို ဦးတည်တဲ့ရည်ရွယ်ချက်ရှိတဲ့ ထို​စျေးကို ကျ​နော်သ​ဘောကျစိတ်ဝင်စားတာ ဟိုမှာတည်းကပဲ။ဘိုးဘွားအ​မွေအနှစ်​တွေကို မတိမ်​ကောမပျက်စီး​​အောင် ထိန်းသိမ်း​စောင့်​ရှောက်ချင်ကြတဲ့ သူတို့စိတ်ဓါတ်​တွေကိုလည်း သ​ဘောကျတယ်။
​ဝရံတာမှာ မတ်တပ်ရပ်ရင်း ခြံထဲမှာ ဘကြီးထွန်းတို့နဲ့ စကား​ပြော​နေတဲ့ ငယ့်ကိုကြည့်မိတယ်။
ဘာ​တွေ​ပြော​လို့ရယ်​နေမှန်းမသိ​ပေမယ့် ငယ်က ရယ်လိုက်ရင် သိပ်​လှတာ​တော့ ကျ​​နော်သိတယ်။
ဆွယ်တာလက်ရှည်အနီရဲရဲနဲ့ ရယ်​မော​နေတဲ့ငယ့်​ကြောင့် နှင်းဆီရဲရဲ​တွေ​တောင် အ​ရောင်မှိန်ကုန်ပြီထင်ပ။
​ခဏကြာ​တော့ ​မေနန်းကထွက်​ခေါ်လို့ ငယ် တိုက်ထဲပြန်ဝင်လာတယ်။ငါးထမင်းနယ်၊အာလူးထမင်းနယ်​တွေ လုပ်ပြီးလို့ ငယ့်ကို ထွက်​ခေါ်တာ​နေမယ်။သိပ်မကြာပါဘူး တံခါးဖွင့်သံနဲ့အတူ လင်ဗန်း​ကိုင်ထားတဲ့ ငယ်တစ်​ယောက်ဝင်လာတယ်။
"ကိုး မုန့်ရပြီ၊ဝရံထာမှာပဲစားမလား၊ဒီလာမလား"

"ဒီယူခဲ့​လေ ငယ်၊ဒီနားမှာ ​​​နေလို့​ကောင်းတယ်"

"​ဝေါင်း အနံ့ကရှယ်ပဲကွာ..ဗိုက်​တွေ​တောင်ဆာလာပြီ"

"​မေနန်းလက်ရာကို မြည်းကြည့်ပြီးရင် ပိုပြီး​​ကြွေသွားမယ်၊ကျ​နော်ဆို ​ဆိုင်​တွေမှာစား​လေ့မရှိဘူး၊​မေနန်းလုပ်​ကျွေးတာပဲ စားတာ"

ငယ် ​ပြောသလိုပါပဲ၊အချိုမှုန့်မပါတဲ့ ငါးအချိုသပ်သပ်နဲ့ ငါးထမင်းနယ်​ရော၊​မွှေး​နေတဲ့ အာလူးထမင်းနယ်​ရောက တစ်ကယ်ကို ​ကောင်းတာပါ။