١
اخر ربيع
بقلمي الكاتبه(عشتار) بنت الرافدين
٠٠٠٠٠٠
جنت نايم بفراشي والجو بارد الغرفه دافيه
ظلمه
واسمع فوني يرن
غطيت راسي بلمخده مابيه ارد
بلكي يسكتون من الدك
رجع دك مره ثانيه يالله مابيه اكوم دفو الفراش
وبعدني ماشابع نوم احس جسمي كوله متكسر
اني صوجي ماخليته صامت وخلصت
مديت ايدي وفتحت الخط بدون مااشوف منو
واجاني صوتها يالله
خلاني كلي نشاط
وحيويه وهي دكلي الووو
رديت الووو
وهي ردت هلووو
شون صوت ناعم وبي بحه عبالك موسيقى تناغم روحي
جريت نفس طويل وكتلها
شنو الصوت الي يخبل
خجلت وسكتت َ
اويلي يالله
نور
ماترد
نور انتي وياي
اي
لعد شبيج صوتج راح
ها
شونك
من سمعت صوتج صرت زين
لامو بس زين كلي طاقه وحيويه
انتي شونج
حمد الله زينه اني
شعجب اليوم خطرت على بالج
مو اني ماما كالت خابري عليه
ها يعني لو ماخالتي تذكرج انتي ماتخابرين
لامو هيج بس والله ماعندي وقت
وقتي كله للدارسه
اي عفيه اني هم اريدج تدرسين
مو تهملين دراستج.
لا شنو أهلمها من غير خالتك. إله واكفه علئ راسي
مامنطتني مجال اتنفس
أن شاء الله انتي كدها
أن شاء الله
نسيت اكولك
شنو؟؟
ماما دكول باجر معزومين عدنا على الغداء
حبيتي خالتي شونها هي زينه
اي الحمد الله
نور
باجر ماكدر خليها بغير وقت عندي شغل
لا والله ماما تزعل وياشغل هذا مو باجر جمعه وماعندك دوام هي شكم ساعه فرغ نفسك
والله ماعرف بس اشوف
ان شاء الله افرغ نفسي باجر كلشي ولازعل خالتي
يالله شكد احبها من تحجي اتمنى تبقى على طول
اي هيج صير حباب ومن اول كول موافق
ليش اني مو حباب
لاحباب بس مرات تعاند يالله اني اروح باجر موتنسى انت واخونك تجون
ان شاء الله سلمي على الكل
باي
باي وسديته منها
اخواني هما وينهم اخواني كل واحد حاير بنفسه
عدلت نفسي اباوع للساعه سبعه بليل
هاي شكد نايم. اني
شعجب امي ماوعتني
اهووو هسه اكيد ابويه بلبيت واني هذا الوقت كوله نايم يظل يحجي عليه
اخذت منشفتي وطلعت للحمام غسلت ورجعت امشي وانشف بشعري وانطخ بفاروق
لك انت اعمى ماتشوف ضربته على راسه هاي عيونك شنو شغلهم والعب بشعره
اهوووو عوفني شبيك هسه اني ماشوف وانت شبيك
سالته اكولك ابوي وين ؟
طالع مو بلبيت
وامي جوه ؟
هياته بلمطبخ يعني وين من شفتها وشافتني
كاعده بلمطبخ
لك انت خبل يعني وين ترديها تروح
وهم يالله تطبخ الك لان انت كرشك شنو يمليه
اهوووو شبيك اليوم وياي قابل بس اني اكل بلبيت
انتم. لا
ههههههه
كلنا ناكل
روح حبيبي اشاقه وياك والله مشتاقلك. لاتصير ثقيل
بدلت ونزلت يم الحجيه جانت كاعده من شافتني صاحت هلا بابني صح النوم
يمه فدوه رحت لهل الوجه الحلو
