اخر ربيع
٢
في احدى احياء بغداء الفقيره سنه١٩٩٤
في احد البيوت القديمه والبسيطه في اثاثها وشكلها
الغنيه بعزه نفس أصحابها و لكمه الحلال
الطيبه
هو بيت بطلتنا ندخل نتعرف عليهم
بسم الله
اسيل :
عمري ١٩ طالبه كليه مرحله اولى كليه اداب
جامعه بغداد قسم لغه عربيه
واليوم حروح استلم النتيجه
كعدت الصبح صارلي فتره من خلصت امتحانات واني مااكعد.الصبح او حتى لو كاعده ابقى افتر بلبيت او اسوي ريوك انظف
اليوم لا كعدت سبحت لان الجو حار وحضرت ملابسي ولازم اكون بكامل اناقتي لبست تنورا قصيره
وقميص عريض هيج جان الموديل
وبديت اسشور شعري ورفعته من جهه بماشات
والباقي بقى مفتوح
وخليت مكياج.
بس حمره وكحله ماأحب الكثره أو الألوان الغامقه
وحذا كعب عالي
واغني اغاني هيثم يوسف عشقي هل الفنان
هذا الحلو نور ونار
منه صحت ياستار
خايف تصيبه العيون
واني بجماله مفتون
كعدت ساره اختي الى ازغر مني
لج ياستار من شكولك ان شاء الله
هاشكو من الصبح هاي الهوسه
شسوار وصوتج.ووانتي تغنين
خفت راح تصير حرب لاخ
هههههه
هذا صوتي العذب دكولين عليه
حرب
منو يمج ها نامي
لج ماشوفين نفسج ناس دكول يالله وانتي
الحلو نور ونار
شعندج.من الصبح وين على الله مبدله
اويلي غير هو حبيبي شعندي غيره أحبل
اجيب
اسكتي يمعوده لاتسمع امي والله تحرمج من الطلعه
ههههههه
صدك. والله
تحرمني من الطلعه تصدك هو حبيبي
صدك وين رايحه
رايحه للكليه اليوم النتائج ادعيلي
هسه على الكشخه كون تجيبين امتياز
ان شاء الله ليش لالعد.احسن مني الي يجبون امتياز
لا مو احسن منج بس مو مثلج متلهين بلعرايك
لو بهيثمج هذا الي ماخذ نص وقتج
طلعت من الغرفه ورجعت عليها ماافوت شي لج شنو قصدج واني اضربها علئ رأسها وهي تغطي نفسها بلطانيه
شايفتني شقاوجيه ولج واعارك.
لاابد انتي اعقل وحده بلفرع بس هل الكم يوم الشارع مرتاح من مشاكل هاي كم اليوم الي كعدتي بيهم
اليوم الله يستر كم عركه حدما تجين
والله الانسان الي مامؤدب لو تحارش يستاهل
يعني شنو تردين اسكتلهم لو اغلس اكيد
اطيح حظهم حتى مره لخ محد. يتجراه يحجي وياي
هو منو الي يتجراه يحجي وياج.
بس اكيد هذا مايعرفج
لو انغر بشكلج. ويكول شنو هل البراءه شنو هل الهدؤ
إلي عد هاي البنيه
هههههه تالي يحصل يحصله
يمه منج تخوفين عبالك نسره مو اخت
اي حبيتي تعلمي من اختج الجبيره
واخذي حقج بيدج حتئ بعد ماحد يوصل حدج.
كملت لبسي وشعري واباوع لوجهي بلمرايه
واني بكامل اناقتي طلعت على امي كاعده تخيط خطيه من الصبح مكسور ظهرها على المكينه
سلمت عليها وكتلها يمه ادعيلي راح استلم
النتيجه
ان شاء الله ربي يفرح كلبج ومايضيع تعبج
امين يارب يسمع منج.
