16
اخر ربيع
للكاتبه بنت الرافدين
رجعت راسي على الكرسي وغفيت
ماعرف شكد.مر من الوقت واجتي الممرضه
بنات اكعدوا امكم تريدكم.
اباوع ساره هم غافيه هي الكرسي
عفتها ورحت اركض لغرفه امي
ذبيت نفسي عليه واني ابوس بيه
صاحت اخ اخ بصوت ضعيف
ياعزززااا
هاني شسويت زين ما فتكت العمليه
كمت بسرعه ولزمت
ايدها يمه اسفه حبيتي والله
من لهفتي عليج
شونج زينه
اي الحمد.الله
وين اختج.
احمد.ماجه
هياته ساره رحت اركض
وتنورتني ضيكه ياساعه تنشك وانفضح
كعدتها ولج ساره امي
انتهبت وتريدج.
فتحت عيونها عليها على وسعهن
وهن حمر من النوم با وعتلي
يمه متت خوف ورجعت نامت
رجعت اهز بيها ولج شبيج اكعدي امي تريدج.
ها امي وين طفرت مشت باتجاه الممر
ورجعت البنيه مو طبيعيه
اخذتها من ايدها ودخلتها لامي
من شافت امي يالله انتبهت
راحت عليها واني لزمتها
من اكتافها اخاف هم تذب نفسها
عليها مثلي وتروح المره بيها
كعدت بالارض على ركباتها
ولازمه ايدها بقينا بنص ساعه
وياها ونسالها شونج وشنو تحسين
الى نامت واحنه تمددنا
يمها اكو قنفه وكرسي ساره نامت على الكرسي ومدت رجليها على الطبله
واني تمددت على القنفه
امي كل ساع تفز
ودكول عطشانه ومايقبلون
ينطوها ماي بس نبلل شفايفها
الى صار الصبح كعدنا متكسرين
بس الحمد.الله
امي احسن بهواي
اجه الدكتور ونقلها لغير غرفه
بيها حمام داخلي وكنتور وتلفزيون
دخلت سبحت وغيرت
ملابسي لبست تنورا من ساره طويله
ومشطت شعري
احنه مجهزبن عده كامله لامي
مشط.شامبو جراجف ملابس
عطر فرجه ومعجون
جنطه كامله والملابس الوسخه ناخذها نغسلها
ساره هم سبحت بس امي ماقبلوا
اجنتي الممرضه غير لتها ملابسها الداخليه
وبس
مايصير تغسل مي
وغيرنا حجابها
اجتي ام حسين كامت
تهلهل وطشت جكليت عليها
احنه استغلينا وجودها بيقنها
يمها ورجعنا للبيت
ميتين تعب اني وساره للبيت
اول ماوصلت بدلت لبست داشدشه
فرشت بالارض وتمدت مكسره من الكراسي
ساره طبخت غداء النه ولام حسين
ونظفت البيت ونامت
للعصر كعدت جسمي مكسر على صوت الباب
يدك.
صرت اضوج من يندك.الباب اتصور
خطيبي المكروه يجي
رحت افتحه اني
زين طلعوا نسوان جيرانه يسالون على امي
وطلبوا عنوان المستشفى حتى يزورها
ماقبلوا يدخلون بلباب
لان شافوني تعبانه سلموا وراحوا
واني تغديت
وسبحت وبدلت كعدت
ساره لان عدها خياط ورحت للمستشفى
بدلت ام حسين كالت قبل لاتطلع يردوج
بغرفه الدكتورا
شفت امي وكعدت احجي وياها
واطمنها على البيت
واكولها الجيران كلها تسال عنج
ويردون يجوج يتحمدولج السلامه
خطيه تفرح
شربتها عصير وشوربه بس كلش قليل
ونطيتها علاجها.
رحت للدكتور وبيدي فايل امي
سلمت عليه ونطيته الفايل
كال عدنا عينه من الرحم مالها
مكان المرض نريدها
للزرع اخذيها للمختبر
نطاني ورقه رحت استلمت العينه
وديتها للمختبر
بطريقي واني امشي اسمع واحد
.يصيح باسمي
اني طبعي من امشي ابد
.مالتفت ولااهتم لااي احد
