7
اخر ربيع
مساء الخير والسرور
مااحس اله الولد. الي يكعد.مقابلي يوميه اجه ودفعه كله مو دكلك محجوز بعد ليش تلطش
رد عليه وانت شكو تدخل
كله بنت منطقتي واجبي احميها
اني ظليت صافنه بت منطقته
ظلوا واحد.يعيط على الثاني واني بنصهم
ياربي شنو من حظ عليه لازم بين فتره وثانيه
تعلك وياي عركه
اجوا الطلاب الي ويانه والسايق هم دخلوا
والسايق ماقبل كله هاي البنيه يوميه هذا مكانه مايصير تكعد يمها
وياها صديقتها واني بسيارتي احب النظام كلمن يكعد.مكانه والي معاجبه ينزل
واخذوا الولد بعيد عن مكاني وهم
وبعدهم يصياحيون
شويه ورجع هذا الولد كعد وبمكانه وذاك راح لي كدام وصارت هدوء بسياره
درت وجهي للشباك اتنفس سريع هاي عندي طبع من انقهر تجيني حاله مثل الاختناق او ضيق التنفس يصير عندي
اظل اهفي على وجهي واخذ شهيق سريع لحدما ارتاح
بقيت الى ارتاحيت اباوع السياره نصها نازله
ومشاين مسافه مو قليله هاي كولها واني مادري بنفسي
وصلت السياره الموقف الي انزل بي اني اباوع الولد هم نزل وياي
سوالي مجال نزلت قبله
هو نزل ورايه وكفت انتظرته اجه عليه
كتله اني اشكرك
على شنو تشكريني واجبي هذا ماسويت شي
لابلعكس موقفك جان حلو مو كل واحد.يسوي هيج وشفت بعينك شون اكو نماذج تعبانه
عادي لاتاخذين بالج واي شي تحتاجي بس امري
انتي زينه يعني تكدرين تكملين طريقج لان شفتج مثل اتخربطتي
لا اني طبيعيه
شكرا لاهتمامك يالله اني راح اروح مع السلامه عفته ومشيت
اسمعه صاح اسيل
وين يعرف اسمي التفت عليه
شكو ؟؟؟؟
كال ديري بالج على نفسج وحاولي تخففين عصبيه هو يبتسم
هزيت راسي وكملت طريقي وصلت للبيت
ميته تعب ساره جانت دوامها ظهري
مو بلبيت بس اني
ومثل كل يوم اكل وكفه بملابسي بسرعه حتى
مااتاخر
غسلت وصليت وبديت اشتغل على المكينه وتطريز كمت اخلي بليل من اكعد على تلفزيون
اتابع المسلسلات
وامي هم تخيط ويمه كومه نسوان لو تروح توصل الملابس
كاعده اخيط ماحس اله عيوني انسدن وحدهم
من التعب استمريت اخيط
غفيت واسمع اله ساره تكعدني
اسيل كومي ليش نايمه هنا
فزيت يوووو
غفيت واني مادري بنفسي
كومي كملي نومتج بلغرفه
لا بس اغسل واصحح شوكت اجيتي
هاي قبل
عشر دقايق واشوفج نايمه على الميز مال المكينه
تغديتي لو بعدج؟؟
لو فد.مره نتعشى سوه
زين عفيه بس سويلي جاي
احجي وياها واني اروح للحمام اغسل وجهي
جابتلي كوب ورجعت اشتغل الى ان صار اليل
وسوت عشاء ساره تعشينا ورجعت نظفت المطبخ
والملابس جمعتهم ونظفت البيت
