٥٩
اخر ربيع
بارت حزين
بهجت :
من رجعت اسيل واني احس الفرحه ماسايعتني
كلت رجعت الدنيا تضحكلي ورجعت للبيت فرحته
وراح اعيش مرتاح
والاحلئ من حملت ولدت هيثم
يعني احس الخير مغطيني وربي عوضني من الحرمان
إلي عشت بي سنين هسه بدل الواحد ثنين صاروا
عندي ومره مثل اسيل حلوه زغيره
شنو اريد من الدنيا
بس الهم والقهر مايعوفني مامر كم سنه إله اشوفها تذبل وتتالم
ظليت محتار بيها يوميه دكتور يوميه كلام. شكل وهاي تكره العلاجات وتكره الأطباء
كم مراجعه َعاندت ماتروح.
وماديفيدها شي
ظليت محتار دزيت وارورقها للادن وظليت
منتظر علئ أحر من الجمر اريد اعرف شنو بيها والقلق
ياكلني واني
ومنتظر النتيجه
بس جانت صدمه عمري الي خلتني
َماعرف
شنو. اسوي هو يكولي عدها سرطان الكبد
ومرحله مطوره وبيها من زمان يعني توقعت
قولون معدتها بيها شي بس الخبيث
ابد ماتصورت هيج مرض
بمنو باسيل إلى كلها طاقه وحيويه
باسيل إلى ماتشبع من الدنيا
وشكد تحب الحريه معقوله هيج الدنيا غداره
بس جان مو بمراحله الاولئ
اخ اخ
كال الدكتور إله اول مرحله جان تلاحكنا
بس هسه
صعب
حملت نفسي السبب لأن اني هواي هملتها واذيتها
لو من اول مراجع بيها علئ الخنكه
إلي دائما تجيها
بس،؛ شنو بيدي اسوي
هواي ظروف صارت بيني وبينها
ماعشت وياها حياه طبيعيه خلصتها مشاكل
حتئ اهتم بيهم.
من مشكله لمشكله
طبعا الخبر جان كلش حزين مو بس الي منو الي يسمع يتاسف
ويدعيلها َويصبروني
بهواي كلمات
بس جانت مصبيتي جبيره
ويوم عن يوم افقد الامل
واني اشوفها تتعب يوم بعد يوم
والحمل والي خلاها حالتها تزيد
شكد حاولت وياها تنزله
ابد عاندت وكالت
شون انزله هو قطعه من روحي
شكد حاولت وياها شكد توسلت واني اكوله خطر عليج
تنزله بس عاندت
ترد عليه شرايحلي اروح شهيده
أظل اعيط بيها كافي مابيج. شي بس تولدين تسوين العمليه
وكافي لاتجبين سيره الموت بعد مره كدامي
بس هي تظل تصبرني
اصفن عليها
واني اكوله ماريد هيج. تحجين وياي
اريد السانج اريدج. من تردين الكلمه بعشره وين اسيل القويه
ماكو قوى بس الله القوي
لعد انت هم اني اريدك. قوي لخاطري لخاطر أولادنا
٠٠٠٠٠
دخلت الشهر السابع ولازم تدخل مستشفى
وراها بكم يوم قرروا يسولها عمليه
بيوم عمليتها اجوا أهلهم
امها وأحمد ومرته وساره وزوجها
بيت ابو زياد هم.
طبعا جان مستشفئ خاص
لهذا محد يمانع تجي العالم
الكل جانوا يدعولها للشفاء وتطلع سالمه هي وابنها
الكل جان لسانه يلهج بدعاء هو
ومنو مايتمنى تعيش إله هي مثل النسمه
مايوم اذت احد
شكد شافت ضيم ابد ماتشكي
اني ماتحملت من دخولها عمليه وهي توصي
شكد توسل بيها حتئ اعصب عليها واني اكولها
لاتوصين
انتي زينه
قابل اول وحده تتمرضين لو اول وحده تدخل عمليه
مو هاي امج هم صار وياها نفس المرض
وتحسنت
انتي هم.
بس هي جانت مايسه
ومصره توصي
دخولها عمليه
طبعا وقعت علئ مسؤوليتي لأن حياتها بخطر
والطفل هم
ماكدرت ابقئ هم.
هجيت من المسشتفئ
كله
رحت افتر بسيارتي واني ماعرف وين اريد أظل
اعيط اصرخ
كعدت علئ النهر
لمن راح صوتي ياله سكتت
واني اعاتب ربي ليش ياربي
اعرف بنفسي
مخطى بس تنطيني فرصه اخيره خليني اعوضها
خليها إلى بعد كم وقت
والله مو وكت موتها
