22
اخر ربيع
مساء الخير
للكاتبه بنت الرافدين
.......
اكول امشوا بلحمام نكمل لاانتي راح تفضحينا
بهاي ضحكتج.
اكلج انتي لاتمنين علينا احجي بسرعه لو اطلع واعوفج سويتها قصه عنتر بن شداد
مشينا تلاثتنا للحمامات
وظلت تحجينا وكلي شوفي هدى
يمكن انتي حاسه او انتي هم تشاركيني
نفس الي احس بي
وهل الشي واضح من نظراتج الج وابتسامتج.
الي تلاحنكي
يحجي وعيونه بيهن لمعه وفوك هيبته خلتني مسطوره ولساني انبلع ماعرف شنو ارد.عليه
رد واني انسان واضح وصريح مااحب الف وادور ياهدى انتي دخلتي كلبي وكلشي بيج.
يعجبني
اله جان احساسج اتجاهي
نفس الاحساس فيابنت الناس
اكلها الج من الاخير وماريد
اثر عليج وانتي عندج امتحانات
بس بعد ماعندي طاقه اصبر
فانطي خبر لاهلج واره الامتحانات
ادز اهلي حتى يصير كلشي رسمي
هي كالت هيج
واني هلهلت باعلى صوتي
وكمت اصفك
وشبكنا الحكومه وبئينا ئرايب
وشبكنا الحكومه وبئينا نسايب
التفت على نجلاء الفاهيه هاي بس تصفن
زعرطي ياختي بعد لادراسه ولا نشيل هم الامتحانات والنجاح صار بلجيب
استاذ ظاهر وصار نسيبنا
انجبي لج وشعليها خطبتي بنجاحج
اي لعد.شون منو يرسبنا بعد.
حبيتي احنه ماعنده واسطات اهم الشي النزاهه
اكول امشي خلي نطلع هاي
مادري نلكى سياره منتظرتنا
مادري نلكى الشارع يصفر
منو باقي بهل الحر
طلعنا وهي ساعه تغني ساعه تتماوع
والله خطيه الاستاذ وكع بهدى
طلعنا وابو نجلاء غادي
نار اول ماشافها انهد.
بيها ليش متاخره وين جنتي كل هل الوكت
احنه عافنها حتى ماسلمنا على ابوها
خفنا منا
بيوي عليج ياهدى من وراج البنيه ترزلت
اني شعليه غير انتي والملحه
مالتج اله تعرفين شكو
وتردين القصه بلتفصيل
وصلنا للسياره زين لكينا وحده بعدها واكفه
صعدنا اني وياها نفس
مكانه ما نغيره حتى لو غير
سياره بس دائما اختار هذا المكان
وجريت حسره واني اباوع على مكانه
هدى حست عليه هي
تكول انتي بيج انفصام بشخصيه
مارديت عليها بس اسمعها
ساعه تضحكين وصوتج شعلوه
وساعه ناصبه فاتحه
شبيج انتي بلضبط ارسي على بر
والله مو بيدي ياهدى
لج هذا الكلب ابن الكلب واشر على كلبي
مايريد ينسى كليلي شون
وشنو اسوي
حبيتي الله يصبرج خلي عينج بعين الله
وادعي بكل صلاه
وهو كفيل ينسيج ويضمد.جروحج
والنعم بالله ماعندي غيره هو سندي
نزلت هدى اول
واني وراها
وصلت للبيت فايره على الاقل
يوميه بهجت سياره حديثه حتى تبريد
بيها اوصل مااحس بلحر اليوم متت من التعب
بس هم نفس الشي هم. نتعارك.
ويعكر مزاجي
الايام الي بعدها جانت عاديه مابيها احداث
واني شاده حيلي وادرس بهمه
وبهجت لسى مسافر
مرتاحه منه ومن انتقاداته
وهدى يوميه وراه كل امتحان
تختفي وتجي مايعه
واظل استجوبها ودكول جنت عنده بلمكتب
٠٠٠٠٠٠٠٠
واليوم اخر يوم النه واخر يوم
يجمعني بصديقاتي كان
هذا اليوم كلش قاسي عليه
واتجمعت عليه كلها
طلعت من القاعه واني
واودع؛ حتى الجدران والكراسي
وكلشي حلو ومر بيه
طلعت مخنتكه كلش اجر النفس
كوه بطريقي للحمامات غسلت واني اودع حتى المغسله وماعرف حياتي الجايه
والسنه شنو راح اشوف بيها
اجوني البنات لان يعرفون
حالتي طلعنا وكعدنا بلحدبقه
على للرغم المكان بي ذكريات مؤلمه
الي بس ماتمنى اعوفه اريد عيني تشبع منه
