15
اخر ربيع
مساء الخير
للكاتبه بنت الرافدين
عشتار
.........
عمتي حددت يوم العقد
واني حسيت دنيا افترت بيها
وعيني ماتشوف بس شي اسود.
كعدت على هوسه
يمي اباوع مخليني بسرير
وعمتي على راسي وياها
ممرضه ومغذي بايدي
فتحت عيني
وكلام
عمتي يرن براسي باجر العقد
تصورت هذا حلم وصحيت منه
حمد الله على سلامتج شبيج هبطتيني عليج
شنو صار ؟؟
مو جنت احجي وياج وكعتي
اذكرت يعني مو حلم كان
واقع
عقلي يريد.يهرب
لاي مكان ان شاء الله لعالم
الاموات بس يخلص من هل الشي
بس الظاهر ماكو مهرب
ورايه ورايه
الممرضه هم واكفه اخذت ايدي وقاست ضغطي
الحمد.الله هسه تمام
يخلص المغذي وكومي عادي
عمه امي شونها
الحمد الله
صحت على الممرضه عفيه شيلي المغذي
لاميصير
حبابه امي وحدها
كيفج
اجتي تشيله الي
كمت عدلت ملابسي وشعري
ورحت لامي
اني وعمتي لكيته نايمه
على المسكن الي ينطوا الها
ردت عمتي يالله اني اروح وعلى اتفاقنا
هزيت راسي اي
سلمت وطلعت تمددت على القنفه والدوخه بعدها وياي غمضت عيني
يارب طلع روحي قبل مااعقد
شي اكبر من طاقتي
غفيت من التعب
الصبح
اجتي العامله جايبه رويوك جبن وبيض وحليب وصمون ماجنه حصار
تريكنا اني وامي
هي شربت بس حليب واكلت شويه
صمون
صدك لو كالوا ماعنده فلس
مايسوى فلس هناك
بلعام
جانوا ينطونا بيضه سلك زفرتها توصل
للحديقه مالت المستشفى
من ايد العامله للزباله اذبها
اجتي ساره هم جايبه ريوك
كتله بعد.لاتجبين شي
ليش؟؟؟
دينطون اكل هنا
اسيل اريد احجي وياج وتباوع لامي
اي هسه نطلع واسمعج
امي كالت شكو
هيج يمه على الملابس
وحده زبونه
وليش ماتحجون يمي
يمه نامي ارتاحي هل جاي نحجي
يمج قابل احنه وين
ها اي
اريد اسيل ترسميلي بصمات
واريد.كصات مال قمصان
وغمزتلي اني فهمت
سكتنا
الى ان امي نامت
طلعنا بلممر
لج اسيل صدك كلام احمد
شنو ؟؟
راح تتزوجين عمو بهجت
اي صح وعكب باجر يعقد عليه
عزااا بعينج يااسيل ولطمت على خدها
شون ورطه هاي شون وافقتي
اله هذا شرط عمتج
ترديني
.اعوف امج تموت
مو كدامج روحها داتطلع
يوميه
واحنه ونباوع الها
اي وترجعين روح امي
تروحين تموتين نفسج
وتتزوجين هيج زواجها
شنو بيدي كولي
شنو بيدي اكو حل ثاني
لج حتى محمد ابو الفرن رحتله
برجلي ورفضني
هينه عليه واني ازوج بكد ابويه
واضحي بحب عمري
اوووف ياسيل الله يعينج على بلواج
الله كريم ساره ارجعي لامي وديري بالج
عليها
واني رايحه للبيت
بس ها امي ماتعرف شي ديري بالج
٠تفلت منج كلمه
اعرف بدون ماتوصين
رجعت للبيت اجتي ام حسين وكم وحده من الجيران ويسالون على امي
واني مره اجاوبهم
ومره اصفن بزماني وبحيرتي
