اخر ربيع
مساء الخير
.......
من اخذتهم من المدرسه واحنه بلطريق
ظل يحجي
فاروق
كلي ليش، يوسف عفت البيت
والله البارحه أبويه مانام
للصبح هو بغرفته
حتئ دكيت عليه الباب
كم مره
يالله رد وكوه يحجي وياي
صوته مخنوك
شنو بيدي. فاروق اسوي
هو الي وصلني لهنا
ماشفته اسلوبه
مايهم ارجع واتفاهم وياه
مااكدر والله مااكدر
وصلنا للمطعم
كعدنا وطلبنا اكل وهم رجعوا سالوني
زين هسه انت وين تعيش
بيت امي
امي!! ردوا اثنينهم
اي امي
اي حبيبي امي عدها بيت موبعيد عن بيتنا
واخر أيامها سجلته باسمنا تلاثتنا
وبيبي هم
بس بعدين خالي تنازل عن حصه بيبي
هيثم انت منليك هاي المعلومات
عرفت بعد
وهسه شنو رايكم نروح ونشوفه وتالي اوصلكم للبيتَ
اي نشوفه طلعت اني عندي بيت
واني ماعرف
لعد ما دكول من زمان
وشنو تسوي
هههههه هو اني من فتره يالله عرفت
يالله كول
اوكف عليك. الله
شكو يحجي ويضحك
والك من وراه ماطلعت
طلعت َوراك للحديقه واجتي ربئ
وسألتني شكو هذا الصياح عدكم
على اساس احنه يوميه هادئين
وحجيتلها على إلى صار
اشو هاي
صفنت تالي كالت
يوسف يريد نور
تحجي هيثم
اي والله
وظلت تبجي وراحت للبيتهم تركض
اي بعد اني ناقصني بس ربئ
كوموا يالله ماعندي وقت
طلعنا واني بلطريق خابرت المره إلى تجي تنظف عدنا
انطيتها العنوان
وكتلها اله وصلتي قبلي اتتظريني بلباب
وصلنا للبيت
فتحتلها ودخلت واخواني خطيه متعجبين
البيت صح مو جبير مثل بيتنا
بس حلو ومرتب
ظلوا يفترون بي وهيثم ير جع ويكول
اريد اعرف احنه لشوكت عايشين بهل الغموض
أبويه ماخذنه بصياح. والعصبيه
شنو بيها لو يكولنا او يحجنا عن عن حياه هو وامي
يمعود
هذا هو أبويه
اجيتي المره وكتلها اريد كله يتنظف
اجي المغرب الكي كامل
هي هاي شغلتها يعني اروح واني مطئن
طلعت وصلت فاروق للبيت
وهيثم مثل كل مره يروح للجم وللكوفي
تالي يرجع
رحت اني للشركه وهم ماالتقيت بابريه
يعني بينا كم غرفه
لاهو إلى يدز عليه ولاني
رحت عليه بعدني ماخذ بخطاري منه
والعجيب حتئ باجتماعاته ويه أصحاب الشركات
كام مايدز عليه
مااهتميت كملت شغلي
وطلعت من وكت بعد ما وصيت الحراس، يقفل الشركه
وصلت للبيت لكيته يهلث نظافه
بس فارغ تماما
قفلته ورجعت للفندق
نمت والصبح رحت للكليه
كم محاظره وطلعت
جنت ناوي اثثه للبيت
بس فكرت بعد وكت خلي اخطب واني نور نثاثه سواه
بعد هذا هم بيتها
يجوز ذوقي مايعجبها
رحت جبتلي دوشك نفر وبطانيه
ووغلايه ومايكروا احمي بي الاكل
حتى كنتور ماجيت للملابسي
اعلكم علئ الحايط
وهيج استقريت بي
اول يوم وثاني شويه مامخذ على الوحده والفراغ
تالي تعلمت وكمت اخذ عليه
اخواني اجبيهم من المدرسه او هما يجون قبلي نتغداء
وارجعهم للبيت
.......
نهايه الأسبوع مثل كل مره رحنا اني اخواني بيت خالتي
بس نبهت مايحجون شي
التهينا سوالف وشقئ ونلعب بلى
وخالتي تحتارشنو تطبخ
لكل واحد واحد الشي الي يحبه
من غير تجهيز فاروق
وحبيبتي كبال عيني
صح كعدنا سواه
بس كافي اشوفها يمي
سألت خالتي هيثم عن دراسته
