8
اخر ربيع
مساء الخير
بطريقنا للحمامات حتى تعدل ملابسها
قبل لانوصل احس واحد.سحبني من ايدي
بكل قوه احسها انخلعت
التفت عليه واشوفه قصي هو يجرني قوي
وعيونه ناطه من العصبيه
دفعته بكل قوته شبيك تخبلت شون هيج
تلزمني ايدي راح تنخلع
امشي اسيل
وين امشي وانت شون تسمح لنفسك
هيج تلزمني ها
صك على سنونه امشي اسيل
دروح عدل اسلوبك اول
وتالي احجي َياي
عفته ودخلت للحمامات غسلت وجهي
مخبل مو عاقل
كتل فرحتي بلتعين مادري شايف نفسه
هدى تسال شكو وشبي
هو اني لو اعرف تشوفيني ادردم ويه نفسي باوعت بعد ربع ساعه للمحاظره الجايه
طلعنا هو بعده علئ وكفته
اجه عليه
اسيل امشي وياي
مااروح قصي
والله مااخرج. كلها كلمتين
جريت نفس واستعديت للعركه
كلشي ولا واحد يتمادى وياي
إله هما كلمتين بعد علئ شنو هل الهوسه
رفع شعره ليوراه
وزفر هواء
هسه تجين لولا
لا
باوعت لهدئ كالت روحي
مو اكثر من خمس دقا يق
ذب الجكاره
وهز راسه تمام
رحت واني أدردم
شاف نفسه عليه لان سولفت وياه وصعدت وياه بتكسي يريد يتملكني
بعده مايعرف اسيل منو
اشرلي امشي مشينا كعدنا على مصطبه بعيده عن الطلاب
جر نفس وكال اسيل وين جنتي ؟
بلحمامات
قبلها ؟
بلمجله
وشعندج بلمحله هاي مو اول مره ترحين هناك
وثاني شي انتي مو دكولين اني مااضرب محاظرات لعد اول البارحه شون طلعتي
لك. انت تراقبني
اروح ارجع محد إله علاقه بيه
فرك وجهه من العصبيه
اسيل شويه خلي عندج
احترام.
والله اني محترمه
زين بس شوف تصرفاتك انت
واني ما مجبوره ابرر لاحد تصرفاتي اني اعرف وين اروح
وشنو اتصرف
وانت هسه جايبني حتى دكلي وين
جنتي وشنو تسوين
اي عادي طلعين وطريق كله تتمضحكين وانتي
وهاي صديقتج مادري شون شكلها
بس اني من كتلج اريد احجي وياج قبل كم يوم
طلعتي الف حجه
وماعندج وقت مووو
قصي مااسمحلك تحجي هيج وياي ولاعن صديقتي
وكتلك اني مااحب ابرر تصرفاتي لااي احد
وهسه اني رايحه لان الحجي ضايع وياك.
عفته ومشيت
والله يالله بعد ماناقصني اله يتحكم بيه
وصلت للقاعه وجهي احتقن من الحراره اخذت سجلي وقلمي من الاستيج مالتي
ورحت على صديقتي نجلاء جانت تكعد يم الشباك كتله نبدل المكانات لان مختنكه
كعدت مكانها وفتحت الشباك واتنفس
اجتي هدئ
شبيج وليش عفتي مكانج
هدى عفيه عوفيني تعبانه شوي
خطيه هي بعد ابد ماسالتني ابد
كملت المحاظره
والمحاظره الي بعدها بديت اتحسن
رجعت لمكاني كملنا وطلعنا واني ادعي ربي كون مااشوفه
صعدنا بلسياره وبلفعل مااجه
شكد.رتاحيت
وصلت للشارعنا واشوف احمد واكف هو الشله مالته بلركن وكل واحد.جكارته بحلكه ولايغيرون من طبعهم شكد عديم المسؤوليه
باوعتله واني بلجه الجهه الثانيه من الفرع
