45
اخر ربيع
مساء الخير
جمعه مباركه على الجميع
حاركات كلبي هذن الشفايف
اموت عليهم
لاوالله
دكت الباب ساره وجابت صينيه الريوك
وخلته كدامه بيها كيمر وكاهي
باوع عليها تفضلي عمو تريكي. وياي
لابو يوسف الف عافيه عندي شغل
طلعت
واني اباوع على كيمر من هذا اكيد هو جابه
ظل هو ياكل ويسولي لفات
ماريد استوني اتريكت
اي لخاطري ماتعرفين شكد مشتاقلج
لسوالفج لضحكتج لعطرج
اوووه شنو احجي وشنو
اني ساكته ومخليه يوسف بحظني
اخاف عليه
الى ان كمل وراح يغسل
واني شلت يوسف للغرفه
كمل واجه ورانه
باوع على الغرفه
هاي مو حاره الغرفه عليكم اسيل
اي البارحه نمنا بلهول بس هسه خليتنا هنا
ظل يحك بذقنا ويتلفت منا ومنا
سد الباب واجه لزمني من خصري
اني رفضت بس هو اقوى مني
واخذشفايف بكل لهفه هو حاظني
كوه بعدت نفسي عنه
شبيك بهجت وخر
شنو مسوي غير مرتي ومشتاقلج
سمعنا صوت امي اجتي
عدل نفسه وابتعد
ههههه الخوف رحمه
شنو اسوي غير هل الايام عصبيه امج اخاف تهد عليه للغرفه
هههههه ظليت اضحك وصوتي مبحوح
تقرب مره لاله واخذ شفايفي
لج قبل ضحكتج مخبلتي وهسه انمزجت بلبحه
صارت جنون
بقى يمي نص ساعه
تالي
وصاني على يوسف وطلع
سلم على امي وردت عليه عادي
طلعت وياه لباب الهول ورجعت
تعبانه اريد اتمدد
رحت شلت مواعين ريوكه للمطبخ
امي باوعت
للصنيه شنو هذا
بهجت هنا تريك.
وليش ماعدنا ريوك.
يمه هو هذا طبعه مايعرف يجي، فارغ
قابل اني كايلته
اباوع على المطبخ مليان مسواك.
وساره تغسل بلدجاج
شنو هذا المسواك.
راح اسوي غداء لوجه الله وشرف النبي من رجع ابنج. لحظنج.
بدون مشاكل ومحاكم.
اي والله الف الحمد. والشكر يستاهل الحمد
شنو توزيعي؟؟
اي للجيران كم.بيت
بدوء،يشتلغون وساره ماقبلت اشتغل وياها كالت
ابقي يم ابنج.ارتاحي وين انتي وتساعدني
هسه تجي امل وياي
رحت للغرفه وعيني مانزلت من يوسف
حبيبي ابني حتى هو نايم اني حاظتنه
امي تحجي عليه ودكلي لاتخافي عليه ،
ربج الي رجعه الج قادر يحمي
يمه مو بيدي
اجتي امل وامها وبيتيها وخبصوا البيت بلهلاهل
حتى اني،فزيت
اجوا عليه ولزموني البوس شنو عرست البارحه
ومادري على الهلاهل
الى كالن قره عينج برجعه ابنج
اووه والله راح.من بالي ديباركولي على يوسف
كعدوا بلهول
شويه هم وصلت مجموعه جديده
الظاهر امي من راحت للسوك.طشت الخبر
بلمنطقه
وظلت تجي النسوان كل ساع مجموعه للظهر،
متت من السلام والمباركه
وامل ظلت تساعد. ساره واني امي نستقبل النسوان
احس، صار عندي صداع رحت تمددت بلغرفه وهما بدوا يوزعون
واني بديت اسوي تمارين الرضاعه ليوسف
ويظل يبجي اكثر من ربع ساعه تالي انطي ممه
وظل اسوي التمرين 3 مرات بليوم
وامي واكفه على راسي اكولها يمه خطيه
يتاذى
دكول خلي البجي يوسع صدرها
والقابله تجي.العصر تشوفه وتنطيني ملاحظات عليه
