28
اخر ربيع
مساء الخير
دخلت للغرفه
ولكتيه لازم الورقه بيده عيونه صايره بكصته
ويروح ويرجع
خليت ايدي على حلكي ينعل ابو حظي
لك فد يوم صير وياي
دوم تمشي عكسي
تف عليك من حظ
هم اني مثل الناس
جريت نفس
باوعت عليه هو ياشرلي
بايده بمعني شنو هاي
ياربي شنو احجي وشنو اكوله
لهنا وكافي اسيل
كافي
سمعتي كافييييي كالها بعلو صوته
بعد طاقتي نفذت منج
لايفيد كلام ولاتهديد وياج
اني اكولها واريحج من هذا كوله
لامانع ولاتفكرين شون
تتخلصين مني
اني راح اخلصج
هذا الباب والله وياج
اسيل
اكولها الج اني ماريدج من هل
اللحظه
روحي اسيل ارجعي لحياتج.
ماراح اجبرج عل شي
ورقتج توصلج مهرج الج بلعافيه عليج.
وهاي غرفتج الج
اخذيها بالي بيها
وهو يحجي واني على وكفتي
تعدئ من يمي ودفعني وطلع
من الغرفه نزل جوه واني
من المواقف البايخ ماعرف شنو اسوي
اضحك ماعرف اضوج
بدلت ملابسي
واسمع صوته على أكثر
رحت و
ظليت واكفه يم الدرج واسمع
هاي سوايتج عفاف وين صلتني
شنو هل القهر الي جبتيها الي
لج.كتلج.
اريد اتزوج واريدلي طفل
ماكتلج.جبيلي هيج وحده.
لاعقل بس عناد وعرايك
وغرور
تردين تموتيني ناقص عمر انتي
شبيك بهجت شكو شنو صار بينكم
مصار شي
بس هاي وياشر على الدرج
ماريد اشوفها بعد.خلي تروح بحال سبيلها
ماريد.اصير ناقص غيره
واطردها بهليل
يطلع الصبح وتروح لاهلها
سمعتي عفاف لو اعيد.
هي ساكته سمعتي لو اعييييد.
اي هاي تامر الي تريده يصير .
بس غير اعرف شكو
لج الصوج بيه اني
اي اني
من طاوعتج ومشيت وراج.
شنو شفتي بيها وجبتيها الي
من ملابسها الي تفضح
اكثر ماتستر
لو من لسانها الي دكول منشار
صدك لوكالوا شاورهن وخالفوهن
وهاي اني الي وكعت بيها
عساج ياعفاف بحركه كلبي
عاط بيها روحي جيبي جكايري وسويلي سم
بلكي اتسمم واخلص من هل العيشه
راح للهول
واسمع صوت تكسير مو أعين
وهي هم وراه
واني رحت للغرفتي على
الرغم من كلامه الجارح
بس اني كنت بقمه الفرح
واخيرا راح اخلص منهم
الحمد.الله والشكر يارب
زين من صار رجال وتفهم اني ماريده
وطلعت منه
اوووف كون هسه اشغل
المسجل اعلى صوته واكعد.اركص؛ للصبح
انتصرنا والناصر الله
وظليت اهز جتاف وحدي
سديت غرفتي وطلعت جنطه
وخليت بيها قسم من ملابسي
وذهبي وفلوسي
كلت والباقي بعدين اخذهم
حتى بس الصبح يطلع
اطلع بدون تاخير
تمددت واخيرا راح اعوف هاي الجربايه الي
كسرت عظامي
وأنه هيج.
دخلت عليه عمه
عدلت كعدتي وهي اجتي صوبي
لج كليلي شخمصتي
شسويتلج من سالفه
خلت الرجال طار عقله بهل اليل
