46
اخر ربيع
مساء الخير
طلكني بهجت واني بعدني احجي
ضربني على حلكي قوي.
ظليت لازمه حلكي
هاي جديده اسيل
تخبلتي انتي اكيد.تخبلتي
جان يحجي،بصوت ناصي صح منفعل بس يراعي حرمه البيت
استغليتي حبي الج
وكعدتي تتدلعين عليه واني امشي وراج
سويت كلشي الج واكول خطيه انظلمت خلي ادللها اعوضها
بس ظاهر انتي مو مال دلال
مال حبس بلغرفه مثل قبل
لج.شنو ناقصج وشنو مقصر وياج بشي
حتى دكولين هيج.
كافي بهجت كافي هذا انت كلشي عندك.فلوس
مقصر ومامقصر قصدك.على العلاكه الي تجيبها
ترا حتى الحيوان ينطوا اكل
ولادكول استغليتي اني بحياتي ماجنت استغلاليه ولاعندي طمع بكل خيرك
بس تعبت ياعالم تعبت
يوميه مشكله شكل وانت
متباهي ودكول احبسج.بلغرفه هو الشي بعدني عنك.
لك.اني،بشر احب الحريه عندي مستقبل عندي دراسه
الي من وراك عفتها هم تريدني اعوفها السنه
انت شنو تعرف عني بهاي السنه الي عشتها عندك
شون عايشه شنو اكل
تعرف عمه شون جانت تعاملني وكلامها هي مرت اخوك
كلما شافوني خرابه البيوت وخرابه البيوت
لك.تحرم.عليه الاكل اله وجبه بليوم كله
وانت شنو تصعد.بس،تفرغ شهوتك. وتمتع نفسك وتنزل
و تعيرني،بفقر اهلي وبامي
كافي بهجت كافي هذا الدلال الي دكول عليه
كافي الي شفته مامستعده اخسر نفسي لو امي
لو ابني
هاي عمه مستعده تحرك العالم كلها بعد مو اني
اصلا اني مو كدها صرت اخاف
وثاني،شي انتم مو اتفقتوا سنه وننفصل وهاي السنه
كملت بعد.على شنو نبقى سواه
استغفر الله ياربي منين الكاها منج لو من عفاف لو من الشغل
اني طلعني خارج قوس من حياتكم.اني من البدايه مكاني غلط.بينكم
يمكم وحياتكم وانتي منو ها منو
مو حده من عائلتي مو مرتي مو ام ابني لو اني غلطان
بس،اني،صوجي يجوز ماعرفت شون احكم بيتي
ملتهي بلشغل وعفت عفاف تسرح وتمرح.بكيفها
وانتي لسانج شطوله ماعرفت اكصه الج.
لكن من اليوم ورايح.كلشي يتغير بحياتي
اعرف شون اتصرف وياج
والله سوي الي تسوي الي عندي كتله
احجي واني مدنكه.اشيل بفراشي اخذته
وفرشته بعيد عنه بطرف الغرفه واخذت يوسف
خليته يمي هو يباوعلي
هههه والله عقل عليج شنو يعني بعيده عليه ماكدر اوصل الج.
درت وجهي عنه
وتغطيت مابيه احجي اصلا اني تعبانه من الولاده
لليوم
غطيت بلنوم اكعد.بس وكت كعده يوسف مارضعته من صدري
امي محذرتني اله مقهوره
ماارضعه
سويتله ممه ورضعته ورجعت نمت
باوعت عليه هم نايم.
للفجر،هم.كعد.يوسف هم سويتله ممه ورجعنا نمنا ماكعدنا الضحى
اباوع بهجت ماهو طالع بدون مايكعدني
طلعت من الغرفه لكيت امي وساره يخيطون
سلمت عليهم وغسلت ورحت للمطبخ اسوي ريوك
لكيت صينيه مغطايه رفعتها لكيت طاوه بيض وطماطه وصحن جبن قوري جاي
بس،بارد.ابتسمت فدوه لعمرها ساره مكمتله الي
حميت الجاي والبيض خليت بصينيه وخليت باقي الريوك
وجبتها يمهم كعدت اتريك وهما يشربون جاي
اكول يمه بهجت شوكت طلع ؟؟
وراه الفجر سمعت باب المطبخ وباب البرا انفتح
من سمعت سيارته حركت طلعت قفلت الباب
اسيل يمه على كيفيج ويه الرجال
موهيج يابعد.امج.الرجال يجي،تعبان انتي تتلكي تعال طلكني
يمه احسن الي واله ماكدر اعيش،وياه
ماريد عمري .اخلصه بس،مشاكل ومناكر وهبطات من عمه ومنه
يمه حياتهم صعبه مااكدر عليها
وابنج شون يااسيل ودوامج شون
الله كريم.نساعد اني وانتي وساره عليه الى ان
تخلص السنه واشتغل اوكف على رجليه واربي،ابني
