مساء الخير
اخر ربيع
الاخيررر
.......
كول يوسف بشنو اخدمك
تريدني اكولك عمو لو استاذ
إلي يعجبك.
عمو اريد أسألك. عن امي
شنو ؟؟
ارتبك وعدل كعدته
وطلع جكاره وقدملي
شكرا ماادخن
عفيه عليك
ما ورآها بس المرض
شغلها وجر نفس
وسكت وطول بالسكوت
ها عمو
شنو الي تريده تعرفه
كلشي
ابني عوف هاي الشغله
ماتفيدك
لاعفيه عمو
لاتخاف اني ماريد مشاكل
أو افتح دفاتر قديمه
بس هم اريد اعرف عنها شي
عن حياتها
ليش، انت ماتعرف
ابد بس قبل فتره يالله
قريت حياتها
تق بيا بنفس الوقت الي الي تعرفت عليك
ابوي ابد مايجحي بس متحفظ كلشي لنفسه
يعني شنو. إلى تريده تعرفه
كلشي
ابني، لاتخاذ صوره مو حلوه علئ امك
الله يرحمها
مايهم هم اريد اعرف
اوك.
شوكت عندك وقت
انت حدد اي يوم واني اكون جاهز
تمام
اتفقنا علئ يوم
سلمت عليه وطلعت
واني ماعرف شنو الي داسوي
وين اريد اوصل
هاي واني عاهدت نفسي مااهتم للي اقراه
بس من قريت حياتها تحمست اتعرف عنها اكثر
واعرفها اكثر
بقيت بيتي وامي دزلي
اكل بيد اخواني الي يوميه يتغدون عندي
ومرات فاروق يبقى وياي لليل
ابويه بعد ماجاني
بس يسال عليه اخواني
وهم بلشركه مانتلقي
إله الشي ضروري
وتعامل بينا رسمي
بعد ماحجينا أو سولفناه بذاك الموضوع
وكان هو اطمن وارتاح والي يريده صار
واني هم سكتت ماأحب اخذ شي غصب
أو بي مشاكل احس يصير نقمه عليه
عفته للزمن
والي كاتبه الله
صح نور تستاهل واحد يقاتل علمودها بس اني هيج
طبعي مسالم
........
وراه كم يوم التقيت بقصي
مو بلمكتب لا
التقينا بكوفي
اول جان متوتر
بس اني حلفلته اريد اعرف عن حياتها
َوبس احيبني غريب
شنو الي تريد تعرفه
ياابني يعني انت هم طالب وشاب واكيد عندك
مشاعر يعني البنيه إلى تحبها
تعرف بالمستقبل راح اصير إلك.
تعرف بسقمه رب العالمين شنو
شنو مقسوم للبشر
رجع راسه لليوراه. وغمض عيونها
وكان يحجي ويه نفسه
أو وأمام طبيب نفسي
أو معالج ود يطلع إلى بكلبه
وبد بلحديث
هيج الله كتبلي شنو بيدي اسوي
اني حبيت
بنيه شابه وكلها حياه
مااقصد بس شكلها او جمالها الخارجي
يجوز اكو احلئ منها بهواي
بس عدها ثقه بلنفس
عناد .... عنفو أن
خلطه عجيبه ماموجوده بكل بنيه
وحتى لو موجوده يجوز مو بكل زمن
حبيتها
وعشت الحب الصادق الحقيقي
وبنيت امال
وخططنا للمستقبل
ونعيش، سواه ونبني حياتنا
نسافر هيج طلبها ماتريدتبقى بغداد
احنه نريد
والله يفعل مايريد
وشاءت الاقدار وتصير كل الظروف الي تفرقنا
وتصير قسمتها لغيري
تعرف بيوم زواجها
اني جنت َواكف من اجتي الزفه
يعني شايف هيج عذاب
واني اشوفها
كدامي تنزف لغيري
شكد قاسي
هذا المنظر
بس اني اريد عقلي وعيني يصدكون
هي مو إلى
تعرف ايام واني اوكف بابكم
وعيني علئ البيت ابجي
لمن امل وتالي ارجع
صجتي دهورت
تعبت كلش وأهلي هم تعبوا وياي
اخر شي جبروني اسافر. اعوف العراق
وبلفعل سافرت
لسوريا
ومره للأردن
حتئ قدمت لجو للدول الاوربيه
تصدك من سافرت وهاي اول مره اسافر
واتغرب
بس ماحسيت بغربه
ابد
يجوز لأن أن عشت الغربه واني بلدي
أو يجوز كلبي مات الاحساس
بس
سبحان من خلق النسيان
والحياه لازم تستمر
بديت اتاقلم ويه الوضع الجديد
اشتغلت شغلات بسيطه واني صاحب شهاده
