33
اخر ربيع
مساء الخير
مو جنج غرتي
شنو اغار
اوووع
علئ شنو اغار
الف عافيه عليك
اني اسيل مااغار
ههههه هسه لو عفاف وهيج. كايلها صوت عياطها وصل للشارع
هههههه هي بدون مره تغار عليك
بعد مو دكلها مزوج
لابس صدك
وين متغدي؟؟؟
وج وين متغدي يعني
بالمكتب ويه العمال اشترينا لفات وأكلنه
هههههه
لعد مرتي ومرتي تالي لفات فلافل
والله عبالي متغدي قوزي هبيط
اي هسه اكل مفطح وشحم منج
لاوالله
اي لعد هذا اللحم والشحم الطالع كله كدامي
المن
بقئ للعصر يمي ونزل تغدئ جوه
اني ماكل تمن ومرك.
اسوي حميسه اومخلمه
مااحب هيج اكل دسم من جنت عند اهلي
اني طبعي هيج
مرات اسويلي كيكه او كليجه او اي نوع حلويات
يعجبني
اكمله فوك وانزله اشوي بالفرن جوه
يطول عندي مايخلص بسرعه
والعجيبه عمه كامت دزلي اكل من طبخها
لو ماعون كبه مرك لو كبه كلي
مطبك دجاج هيج شغلات
مرات ارجعهم ومرات أكلهم
واكول مايرد الكريم إله البخيل
هي هاي الشغلات الي تعرفهم كبب ومطبك
لاكيك لامعجنات ابد ماتسوي
مو مثل قبل اجوع أو احتاج اكل
عندي متوفر كلشي
مرت الايام متشابهه واني بنفس الغرفه
لو اكعد ارسم لو انحت بلخشب
جوه بس الصبح انظف واصعد
الئ أن اليوم اول دوام للكليه
الطلاب يباشر ون دوام
بيو مها دخلت بكائبه وعزله وعبالك عندي عزاا
قفلت الباب عليه حتئ اكل مااكلت شكد صعبه عليه
لعام شون جنت متفائله وكل امل واحلام
واحسبلها حساب شوكت تخلص واسافر واشتغل
وهسه
مبحوسه بلغرفه راحت عليه السنه هيج ظلم
سنه واتخرج احس نفسي
لاعندي هدف بالحياه ولا شي
مر كم يوم يالله رجعت لطبيعتي
هوايه سألني بهجت وحتئ عمه صعدت
إلى فوك تسأل شبيه
ماجان عندي جواب بس مخنوكه ومالي خلك
اتمنى اطلع بروحهم على الشي الي سوا بيه
وهما بدوا يتعلمون علئ
طبعي عافوني براحتي الئ أن تحسنت
ورجعت لروتيني حياتي
بين الشغل َتلفزيون والرسم
وعمه بدت بسالفه جديده وظلت تضايقني
بسالفه الحمل وليش لهسه ماصار عندج حمل
ويوميه مطلعتلي شغله ساعه دكولي خاف تشربين
حبوب
لازم تراجعين دكتورا
مرات ارد عليها ومرات اسكت عنها
وهاي اني مر علئ زواجي اربعه شهور
وهما خانكيني يكول صارلي اربعه سنوات
وتلح علئ سالفه الحمل
من غير الطفل إلى وكعته
تريد من اول يوم احمل
واني هذا الموضوع حيل مخوفني وادعي من ربي كون مايصير طفل
وهي هيج تحجي وياي
مره واني مقهوره علئ دوامي وعلئ
آخر سنه إلى وهاي سنه تخرج والاخيره
المفروض اني هسه بقمه سعاَدتي وفرحتي
الله يحرمكم راحه البال
مثل ماحرمتوني من دوامي
وحياتي وصديقاتي ماعرف عنهم شي
اشتاقيتلهم و للبنات الي بلمجله
حتئ ساره ماعرف دوامت أو لا
أحمد اخويه ماعرف عنه شي عنه
كلش مشتاقتلهم
بس بهجت يدز الهم الشهريه بيد أركان وحتئ
مسواك يدز ماكاطع عنهم وهذا الشي مطمئنه
منه علئ الاقل الهم متوفر مصرف
بس اني مااروح
الهم
