38
اخر ربيع
مساء الخير
ظليت ابوس واحس خدي انشلع
الى ان خلصوا التفت على امي لكيتها طالعه
لبهجت عيب الرجال واكف بلباب
واني رحت للساره للغرفه لكيتها تدرس
متمدده على الارض، ويمها الحاسبه وكومه اوراق
هلووو
هلووو جاوبت ببرود. ورجعت تكتب
جانت منطيه ظهرها للباب ماشافتني
اجيت عليها وغمضت عيونها
منو. اني
انتي وهي تتلمس، بايدي
اسيل
والله اسيل و
رفعت ايدي وحظتني
منين طالعه الشمس شعجب اسيل عدنا اليوم عدنا
شنو ترديني ارجع
لايمعوده والله عندي عيد. واني اشوفج. داخله علينا
بس لاهم عمو مسافر
هههههه لامامسافر موجود
اجتي امي
حظتني شونج يمه حبيتي اسوله
الله يسلمج انتي شونج.
والله فرحت بشوفتج
بعد. عمري انتي
واني اكثر
اكلج.اسوله ليش رجلج.جايب هلكد.مسواك والله عندنا خير من الله
الله يرزقكم.يمه هو هيج بهجت هذا طبعه
مو اني كتله
انتي شونج على الحمل
من كالت هيج.راسا مزاجي تغير
حتى ضحكتي اختفت
زينه كلتها بتعب
فرحانين بلحمل؟
اكيد. يفرحون
اكول احمد. شوكت راح
شوكت يجي
اهووو بعد. هواي يالله يجي
استوه التحق
تحجي وهي تباوع بوجهي وكان عرفت اريد. اغير الموضوع
يالله اكوم النسوان وحدهم عيب منهم
اي روحي
طلعت وساره رجعت حظنتني مشتاقلتج موت
وانه اكثر والله
قبل كم يوم اجتي هدى وتسلم عليج هوايه
وحلفتني امر عليها
ياحبيتي الله يسلمها
ودكول ليش ماتخابرني اله عدهم تلفون
طلبت رقمج
بس اني مانطيته اله اكولج.
اي عفيه
ليش شكو اله خابريتها
يمعوده بهجت طبعه معقد.
وهل الايام مسوين عليه
حصار ممنوع انزل والتلفون جوه
مخليه ايدها على خدها ليش،بلله
يخافون على البيبي
هههههه اذكياء والله
شعبالج.لو شايفه عمتج.صايره الي ممرضه
كلشي بوقته الاكل والعلاج.
والله
والله لعد.شون هذا ولي العهد الي منتظري من اسنين
اكيد.هيج.يسون بالله عوفينا منهم ماريد احجي بيهم
سوالفهم.تاخذ الروح وهي كلها كم ساعه
وكليلي المخبله امل شونها
هاي البذات
بس راح الحبيب بعد.اختفت
هههههه بعدها على خبالها هو ماكو ابد.مايحرك.ساكن
اي بس من يشوفني مشغوله وهي موجوده يطلب منها لو غداء لو جاي
خطيه والله اموله دره وين يلكه مثلها يارب تصير من نصيبه
اكولج.هاي السجلات الي،يمج.قليله
اوووه اسكتي اسيل
عندي امتحان وفد.مواد.صعبه حيل شكد.ماندرس مانلحك.
يالله شدي حيلج.وانتي شاطره وقويه واني اليوم
اني اسوي عشاء عنج
والله اني اليوم مدلله
اعوفج.تكملين دراستج.بس لاطولين حتى نكعد. لان اجازتي بدت تخلص
لاوالله
اي والله بعد.المغرب ارجع
عفتها ورحت اعزل المسواك واسوي عشاء،
لكيت امي مسويه كبه
كت اكلي وسويت زلاطه.
رحت للهول لكيت امي ماهي والنسوان طالعه
رجعت للمطبخ اكلي وكوه واكفه
واني ساده خشمي
اجتي امي جايبه لفات فلافل وسبوسه
وصمون حار
هاي شنو شدسوين اطلعي اني اكمل اخاف تلعب نفسج
لاكملت مابقى شي
بس عفيه انطيني هاي العلاكه.لان راح اتخبل على الريحه
