19
اخر ربيع
للكاتبه بنت الرافدين
امي خويه عندي موضوع ياك.
عدل كعدته وكال
اي تفضلي ام احمد اسمعج
خير ان شاء الله
اي ان شاء الله كل خير
بس احنه مااتقفنا
وياكم على على الغرفه
او السكن صح لهسه مانعرف
وين تكعدها لا اسيل
شون مافمهت شنو تقصدين
وضحي اكثر حجاها
وباوعلي وكاني يكول الج ايد.
بلموضوع
واني حتى مادري شكو
شنووو؟؟؟؟؟
وين تكعد غير بيتي لعد.وين
لاخويه ماريد تصير
بيتك شون هي و عمتها
بفد.بيت
وعفاف بيتها عزيز
عدها واغراضها اعزاز
مايصير تجي وحدها
تشاركها بي مو كافي
تشاركها بزوجها
وتعرف الضره مره
تباوعلي امي تخزر بيه
والغيره تكتل
واسيل عصبيه
واخاف من المشاكل
والحل
اكول لو تكعدها بيت وحدها احسن
اني مو صعب عليه
البيت بس ام احمد.
بس اني على طول طالع
ومرات اسافر وابقى ايام
شون تقبليها بنيه بعمر اسيل تبقى وحدها
واله على المشاكل ان شاء الله ماكو
لان عفاف بموافقتها واختيارها
ماجابرها اني
مو شرط بيت بعيد.
حتى لو الفوك وتخليها
درج وحدها وباباها وحد
طلع جكاره ورثها جرنفس
ورد اني ماعندي اشكال
بلبناء اله تريد شقه وحدها تدلل
ماتغلئ علئ اسيل
بس هسه مااظن الوقت كافي
يجوز مالحك اكملها بس
اوعدج بعد.الزواج
واله صار عدها اطفال
اكيد اسويلها بيت وحدها
ولاتخافين كتلج اني
قبل اسيل بطن عيني
ربي امي شدتحجي
هواني شنو اسوي بلبيت
هي سنه وافلت بجلدي
٠٠٠٠٠٠٠
ردت عليه
كلامك صحيح والي تشوفه صح سوي
اني من الباب الحرص
حجيت وانت تعرف طبعي
مااحب القيل والقال والمناكر
حقج ام احمد.واني عاذرج
بعد.محتاجين شي
تسلم ماتقصر اله هاي لعد.
اني اترخص
باوعلي وانتي اسيل محتاجه شي
لا هزيت راسي
سلم وطلع واني رحت للحمام
جان يوم متعب سبحت
ودخلت للمطبخ ميته جوع
لكيت ساره وظلت تسال بيه
ساره تعبانه اني
هسه
بليل احجيلج كلشي
امي ابد.ماسالتني عن العقد.
او شي اكتفت كلامها ويها بهجت
٠٠٠٠٠٠٠
احمد.بعد
كم يوم راح لدوامه
وامي اليوم عدها مراجعه تاخذ الجرعه
تأخذها مدينه الطب ولازم تنام يوم كامل
الصبح راحت وحدها لان عندي امتحان
من اخلص اروح الها
