23
اخر ربيع
للكاتبه بنت الرافدين
يمشن ويضحكن وام حسين جنها حصان مو عبالك من ساعه اخت الميت
سالتهم بشروا
ها خاله شونج هي بس تبتسم
وامي دكولي
اسيل افرشي فراش لخالتج
اي
فراش،!!!!
رحت للغرفه
وجبتلها فراش وماحجيلكم عن الوجه
يمكن بحياته ماشايف المي
فرشته الها وهي تمددت
يمه شنو شبيها ام حسين
امي وام عبيد يضحكون
ضحك خير شكو
ها ان شاء الله خير
بس ام حسين طلعت حامل
وهابط ضغطها
وهن كعدت يم رأسها
حامل احس اريد استفرغ
يمه اني رايحه عفتهم
وبسرعه لبيتنا شنو هل القرف
وينج وين الاطفال بطريقي للحمام
اجلف بجسمي جلف من كميه
الزباله الي شلتها
طلعت حتى دشداشتي ماغسلتها
نكعتها مي حار
شنو من مره هاي ولا وحامل
دربي هذول وبعدين زيدهم
يووو اني شعليه
نشفت شعري وسويته ذيل
ورحت للمطبخ اكمل عشاء
وساره هم سالت
من كلتها لعبت نفسها اكثر مني
كملنا العشاء واحنه
ننتظر امي وامل حتى نتعشى
اجتي امي وكالت سوي عشاء لجهالها ورجلها
خطيه المره مابيها تعبانه
كلت لساره تسوي لان انهد حيلي بنتظيف بيتهم
راحت ساره تكمل العشاء الهم
واني دكول
والله مانجازيهم وحق الجار
اعرف والله بس صدكي تعبانه قابل
وهاي كامت ساره تسوي
اي يمه الله يرضى عليكم ويسعدكم
فعل الخير هو الي يبقى
اجتي امل وخلينا عشاء وامي
اخذت عشاهم وراحت طولت يمهم
احنه هم ماانتظرناها كعدنا ناكل
وهاي كلساع تعدل وترفع بحمالتها واكو شي يخرخش
بس ماسالتها شنو عندج
اكول امول
شنو ؟؟؟؟
سمعتي اخر الاخبار
شنو راح ينفتح الحصار
حظي مو كدامج كوفي عنان وادري بلحصار
ولج هنا بلمنطقه
شكو منو عرس
هاي انتي تفكرين بس بلعرس اني راح اعرس
اعرف بيج راح تعرسين
لعد شنو
ولج ام حسين طلعت حامل
هي جانت تشرب جاي شركت
شنو حامل؟؟؟
اي والله من ساعه حللت الحلوه
ولج شنو بزونه مو بزونه
والله وطلع ابو حسين بي البلى
يوميه نافخ المره
ولاجنه طوله نص متر
هههههههه عزااا بعينج امل
ولج اسكتي قبل لاتجي امي
والله اله تغط راسج بلصينيه
ياا قابل اني شنو كلت وشبيج انتي مستحيه
مو عكب باجر عرسج
وهم راح تصيرين مثل ام حسين
اووع اسكتي مو هل الدرجه منو يوصل الها
واحنه دنحجي دخلت امي وعم الهدوء
كعدت وفتحت حجابها وتهفي بيدها
عاشت ايدج اسوله خوش منظفه البيت
اووي يمه اسكتي لعبت نفسي
قرف مو طبيعي
يمه لاتحجين على المره ماتلحك
اي حقها اذا هلكد.عدها اطفال
اسيييل
هاي سكتت
اتعيشتوا
اي
لعد.كوموا خلولي عشاء حتى اخذ علاجي
ليش ماتعيشتي ويه ام حسين
وين هي بس خليت الصينبه بلكاع
صار هجوم عليها الك ياخفيف
