ا14
اخر ربيع
للكاتبه بنت الرافدين
رجعت للبيت واني ميته من تعب الامتحانات
راح تخلص بعد عندي امتحان واحد بعد يومين
نمت واني افكر باجر شنو شكد.
مدبره من الفلوس عمتي
جانت عندي عطله
بايته ويه امي بلمستشفى
وماخذه ماده الامتحان
وياي ادرس وامي على نومتها
ينطوها ابره شويه تخفف الالام كعدت ادرس
الصبح بعد مااجتي الدكتورا وشافتها
ماسجلت شي يعني بين قوسين دكول ماتفيد
بعد
رجعت للبيت
وطبخت وغسلت الملابس مالت امي جبتهم وياي البيت نظيف منظفه ساره
حضرت الاكل والملابس
اجتي ساره اخذت الغداء وكتبها وراحت الها
وجهها اصفر قله نوم وسهر وتعب ودراسه
وتخصصها صعب كلهن تجمعت علينا
هيج صرنا يوم هي ويوم اني نبات وياها
تبقئ كم يوم تطلع وتنكتس وترجع
٠٠٠٠
تغدينا وبدلنا
طلعنا سوه وقفلنا الباب هي للمستشفئ
واني رحت لعمتي
اعرف مابيها حنيه علينا بس
هاي شغله انسانيه
واني ماريد.صدقه كتلها دين
بلكي يرأفون لحالنا
وصلت لها وقت الظهر هي كالت تعالي بلعشره
بس مافرغت
واني ادعي ماالكه زوجها
حتى تحجي براحتها وياي
وصلت اول دكه جرس طلعتي
هلو عمه
هلو اسيل هاي ليش تاخرني
مو كتلج بلعشره
ياعمه مو بيدي امي بقت وحدها بلمستشفى
الله يساعدج شونها امج ماتحسنت
كولي حالتها جاي تسوء
يوم عن يوم الاطباء يعجزون عنها
حجيت هاي الكلمات بحسره والالم
الله كريم حبيبتي تفضلي ادخلي
هاي كلها نحجي واحنه بلباب
اخاف عمو هنا
لا مو هنا زين اليوم مسافر على عينج
يالله
كعدنا بلمطبخ هي عمتي كل وقتها بلمطبخ
حجيت اني ماريد اطول وراي دوام
ها حجيتي ويه عمو
لا
لعد شون دكولين عندي موضوع
وياج
تصورت دبرتي المبلغ
زين ماتعرفين احد.يديني
هي ساكته
اكول عمه خلي نروح اني وياج لام رانيا
هي الله رازقها بلكي تكدر تديني المبلغ
هي تعرف امي زين
وتقدرها بلكي تتعاطف وياي
اسمعيني اسيل اني اكدر على المبلغ
ومايحتاج ام رانيا ولاغيرها
بس
بس؟
شنو ؟؟؟
والله احسبيهم دين اله امي تحسنت
صدكي نكدر نجمع المبلغ
اسمعيني للاخير اسيل وبدون مقاطعه
اي عمه اسمعج بس بالاول
اريد.كلاص ماي
راحت فتحت الثلاجه طلعت دولكه استيل
وجابت كلاص وخلته يمي شربت كلاصين ماي
هي عينها بعيني
شوفي اسيل القصه ومابيها
تعرفين اني مايصير عندي اطفال والسبب بيه
والرجال ماقصر وياي
من ذاك اليوم لليوم وصابر عليه
وعالجني هواي
بس ربج. ماراد
احجي بداخلي
اهووو هاي عمتي
مثل ذاك المتبرع لمن نطاني
قائمه اسماء ادعليهم
هسه عمتي هم تريدنا ندعليها
عمه فدوه اختصري ورايه دوام
