أخر ربيع
٥٣
مساء الخير والسرور
كتلها
وثاني شي بهجت مو قبل كم يوم اجه اخذ يوسف
اخاف واحد من عمامهم
هو زياد بعد وجذبه وفيكاته يجوز هاي، جذبه
منه
يجوز.!!!!
يارب ان شاء ابو يوسف مابي شي
امين يارب ان شاء الله مو هو
ها اسيل شنو حنيتي
عابت أن شاء الله غير آمن علئ دعائج
علئ شنو حنيت بالله للمشاكل لو للحبسه بس اني احن لهيج حياه
قابل شنو عندي وياه انفصلنا وكلمن راح لحاله
لااكرهه ولااحقد عليه
نيمت يوسف واني هم نمت لأن النهار كوله واكفه علئ رجليه
ثاني يوم جان دوامي ظهري كملت شغلي وطبخت
وعزلت إلى اكل
ويوسف هم واحتياجاته وطلعت علئ وقت لأن
رحت للكليه بس ماجان عندي
محاظرات رحت اجيب كتب من المكتبه احتاجهم للبحث
طبعا اني من اطلع الصبح اخذ وياي ملابس إلى البسها بلمعمل
وغداي وكتبي بعد ماارجع للبيت لليل
وصلت للكليه أخذت الكتب الئ احتاجهم
ورحت سلمت علئ الاستاذه لأن جان قاعتنا فارغه
وطلعت لكيت بعد وكت
رحت اسأل علئ قصي بلكي الكي واحد من
جماعته اسأله عليه
دورت طلاب ماكو ولاواحد
حتئ علي صديقه إلي يدرس ماجستير هم ماكو
رجعت للمدرسه كملت دروسي وطلعت قبل
وكت لان اني مطبقه مو تعين
للمعمل إلى جان بي قاعات كبار بيها مكاين خياطه
وكل واحد عليها خياطه
كل قاعه بيها عشرين وحده واني المشرفه عليهم
اسجل حضروهم وهما يبدون شغل واني اراقبهم
وتالي هم احسب القطع إلى يخيطوها
واسجلهم بلسجلات
وادزهم لهشام
مر كم يوم وساره مارجعت خبر عن الفاتحه
إلي عد أهل زياد
واحنه كلمن لاهي بشغله منو يسأل عن الثاني طبعا
عمه قطعت علاقتها بينا تماما
حتئ صديقاتها إلى جانوا يخيطون
عدنا هم انكطعوا عنا
خفه من شكلها
الئ أن صار وقت يروح الهم يوسف
الصبح بدلتله وجهزت أغراضه ودعته ماكدر اشوفه من ياخذوا انقهر ورحت علئ
دوامي
من رجعت لكيته موجود سألت امي شوكت اجه
كالت هو اصلا محد اجه ولاراح
شعجب
ماعرف
يالله خفه هو هم مايحب يروح الهم
ويظل يبجي
بقينا كم يوم صادف يوم جمعه واني بلبيت
اندك الباب وراحت ساره تشوف منو
اجتي كالت اسيل ابن حماج يريدج
منوو
أركان
اي كولي أركان بعد منين اجه ابن حماي
كلمن راح لحاله
هسه دكومي الولد واكف للباب
اي رحت عليه
هلوو أركان
اهلا ام يوسف شونج.
الحمد الله اني زينه
انت شلونك
الحمد الله
دزني عمي علئ يوسف يريده
لعد شعجب مااجتيوا بنفس الموعد
مو جان عدنا فاتحه
فاتحته منو
عمي شاكر
لااله إله الله ابو رائد توفئ
شون
بحادث
انا لله وانا اليه راجعون
البقيه بحياتك
ياربي والله الخبر مؤلم
حياتج الباقيه
تفضل بين ماابدله
لاميتحاج
هنا ابقئ انتظر
علئ راحتك.
دخلت وحجيت لأمي َانقهرت وهي حتئ ماتعرف
بس البشر عزيز مو هين واحد يسمع بواحد متوفي
لبست يوسف واني ضجت لأن اليوم جمعه
اريد يبقئ ويأه تالي يروح
كملته هو فرحان ويكولي دادا
حبيبي مو دادا يقصد أحمد
إلي علمه علئ الطلعه
انطيته لأركان وهو مات بجي لأن مايعرفه
جان واحد وياه يسوق هو شايل
يوسف
كلش انقهرت عليه
سلم عليه
كلته أركان عفيه مااوصيك علئ يوسف ورجعه قبل الليل
اي تدللين ام يوسف
وأمانه سلم علئ ام رائد وكولها البقيه بحياتج
أن شاء بس اني مااشوفها هي فوك.
ماتنزل
حتئ لو بيد البنات
تمام
سلم وراح و َيَوسف ذابح نفسه
دخلت واني كلش ضايجه علئ يوسف
وعلئ ابو رائد
بقيت كاعده بالغرفه متكئبه
وانتظر وقت رجعته
تالي تعبت ورجعت اخيط
وساره عدها امتحان
الئ أن صار المغرب
سمعت الباب اندك. رحت عليه
وطلع صدك أركان أخذت يوسف هويذب نفسه عليه
تشكرت منه وأريد أسد الباب
ام يوسف انتظري
شكو
فد لحظه
راح فتح الصندوك. وظل يطلع مسواك
ويخلي بابنا ورجع مره اللاخ
أركان اوكف التفت عليه
خير أم يوسف
هاي شنو
خلي اكمل اول
كول بالأول
هاي مسواك
لاعفيه أركان رجعه الحمد الله عدنا خير من الله
