37
اخر ربيع
مساء الخير
اجتي بوستني وهي دكلي مبروك.حبيتي
بكلبي اكولها مبروك.عليج
عفاف انزلي سويلها ريوك.من الفجر وهي بس تتقيا
روحها طلعت
اي من عيني دقايق
نزلت عمه
تقرب عليه وباسني واني عطت
ادري شبيج.تكهربتي مني
مو هاي عفاف استوها
تبوسج بيج
وامح وامح لو بس مني
اني شعليه هذا ابنك.
اويلي هذا من هسه طابك ويه امه عليه
ليش مادكول طالع عليك.هم غيور مثلك.ويريدني بس اله
اسيل
العصر حضري نفسج.نروح للدكتورا هاي شغله ماينسكت عليها شنو كلما اتقرب كلتي وخر
والله لو اعرف اشتري العلاج ب10الالف
ولاهاي الحاله
ولاواستوني جاي من السفر
سحب ايدي وباسها
اصبر نفسي بيها على ما الله يفرجها
ههههههه
بس عفيه ابتعد اكثر
صفن بوجهي وكان تذكر شي
وضربني خفيف على ايدي اله تعرفين نفسج حامل
شون البارحه كمتي للغرفه تنظيف وشيل وحط.
لعدما شفتها شون كلها غبار شوم انام بيها
يحجي هو لازم ايدي
لو اعرف اني انظفها
يعني مو علمودي .علمود.ابنك.
الله شكد.حلوه كلمه ابنك.
اتمنى اسمعها من زمان
الله يسمع منج اسيل ويجي ولد.يشيل اسمي
لج.خلصت عمري كله محروم
من كلمه بابا
خله ايده على بطني
شوكت يجي للدنيا
اووه بعد.هوايه
يارب واخيرا تحقق حلمي جر حسره وتنهد.وكال
تعرفين جان اقرب الناس الي
جانت تشمت بيه لو من يشوفوني يتبهاون باولادهم.
من اني موجود ويحجون بدرجاتهم
وباي صف بلمدرسه
من غير اسمع هواي تجريح من الكلام
باوع على السكف
هو يكول يارب الك.الحمد.والشكر
الي كرمتني وماحرمتني يارب اجعله من الصالحين
ظل يدعي وعيونه مدمعه
حتى اني انقهرت عليه
صح اني مافرحانه بطفل واحس حيورطني وياهم
ويخربط حياتي
بس،بهجت جان بقمه السعاده
هو يناجي ربه دخلت عمه وهي شايله صينيه الريوك.
شكدها كوه شايلتها ومااحجليكم شنو مخليه بصنيه
يمكن باقي جبن ولا عسل وكيمر ولابيض
والصمون حار
حتى بعرسي ماقدمولي هيج.ريوك.
كمت اريد حتى اخذ الصنيه منها
ماقبلت اكعدي ارتاحي
خلتها على الميز قريب عليه
رد بهجت شوفي اسيل دلع البنات تعوفيه.
تاكلين زين
مااشتهي مااحب ماريد اسمعهم
هاي الصنيه كلها تاكلي وكل وجبه بوجبتهاا
هو يحجي واني رافعه حاجبي
لاتباعلي هيج
سمي واكلي
لادير بال اني راح اشرف على اكلها
بنفسي
ولاتشيلين شي ثكيل وبعد.ماكو صعده ونزله
بهجت لازم تاخذها للدكتورا
اي هو اني كلت العصر نروح
اي عفيه
ولاتخليها تتحرك هوايه لاسامح الله يروح مثل ذاك.الطفل
اسم الله تفائل بلخير.
هما يحجون ويخططون
واني وكعدت اكل بس صدك جنت جوعانه اكلت هوايه
ولان ماشميت ريحه الاكل تقبلته
