اخر ربيع
٢٧
للكاتبه بنت الرافدين
طلع واني عيني من الشباك اباوع
واشوفه سنسل الباب الخارجي
صرت اغلي من العصبيه
لاهذا مو طبيعي مخبل
مو عاقل شنو هل التصرفات بالله
لهل درجه وصلت بي يسنسل الباب
هيج ماعنده ثقه بيه
لو شنو يتصور اطلع من وراه
ظليت اخذ شهيق زفير
اكررها اكثر من مره بس اريد
اسيطر على جسمي
وارتاح
بقيت بنص الساعه هيج.
الى ان استقر النفس طبيعي
طلعت من المطبخ مريض الرجال
بي مرض الوساس
لازم اكعد.احجي وياه
بس اني خلكي
زغير كلمتين اسوي منها
عركه واله بقيت هيج مستلمسه
هو يتفرعن عليه
بس الي معجبني هو ليش
يتصرف وياي اله احنه
اتفاقنا سنه بعد.ليش
يريديحكمني شعليه بيه
اوووه اني هم بطرانه افكر بي
اليوم تجي عمه واحجي وياها
والشد والعقد.
بيدها
والاتفاق صار بيدها هي
هو مسوي نفسه رجال بس
براسي ويتحكم بيه
كمت على شغلي ومثل
كل مره اغسل البيت كله
احس البيت بدء يطلع شكله
والعتمه بدت تروح بقت بس الزعابيل
من تجي عمه اكولها حتئ
ابدي ارتبهم
حتى المعرض الي بلهول
مليان شغلات مالها لازمه
ماعرف المن يتحفظون بيها وهما نفرين
كملت تنظيف والرديوا
يمشي وياي وين ماروح
مشغلته صار ونيسي ابد.
مااستغني عنه
كملت وفتحت الشبابيك حتى يتبدل الهواء
البنكات كلها مشتغله
فول هيج
من استنشق ريحه نظافه
ارتاح.وهواء نقي
وهم المكروه ماموجود
دخلت للمطبخ
سويتلي ريوك وتريكت
وفتحت الثلاجه فكرت
شنو اسوي غداء هو موصي يريد.
غداء مرتب
اليوم محتفل حبيبته حتجي
طلعت لحم وباميا وكلت
اسوي مرك باميا
وتمن
بديت اطبخ واغني
وماباقيه اغنيه ماحافظتها
لاعريبه ولاعراقيه
وهذا صوت التلفون مابطل كل
ساع داك حتى دوخني اخر
شي سديت باب الهول
حتئ الصوت يكون بعيد.عليه
هسه مايعرفون بهيج وقت هما طالعين
بعد شكو العالم دك.
كملت المرك وطبخت التمن
والزلاطه طفيت النار
وشريت الملابس
ورحت اسبح لبست دشداشه
مرتبه شكلها مثل الدراعه هم خرز وكذا
بس مو ثكيله وردنها نص أو أقل
وخليت مكياج متحضره
حتى استقبل عمتي الحنونه
مادري شريكتي
شنو اسميها برايكم منو احلى
واني استوني نازله
اسمع صوت الباب الكراج انفتح ودخلوا
غميتهم من وراه الشباك
لاهله ولامرحبا
هسه طولوا شويه
باتوا هناك.
كلش بلوقت
اخاف ارتاح شويه منكم
حتى لو هذا بيتهم بس هما مكروهين
كعدت بلمطبخ
ودخلت
عمه لابسه حجاب وتنورا طويله
وعريضه وقميص هم عريض
والدين يخرر منا ومنا
ماشاء الله بركاتج ياشيخه عفاف
سلمت عليه
وهي ردت بكل غرور
هلو اسيل
وهي بعيده عليه مااقتربت
مني اني هم ظليت نفس البعد.
ورديت عليها
هلو عمه شونج
زياره مقبوله
