اخر ربيع
مساء الخير
فتحت الباب وشمرت نفسي هو صرخ بكل قوه
اسيلللل
قوه السياره دفعتني بعيد رحت ادحرج مثل الطوبه
من اثر، الوكعه احس جسمي كله متكسر
وانه بعدني اندفع
ظليت ارجف
كدرت اتوازن واكعد. والف نفسي
بس، شنو شبه فاقده
واسمع ناس، تجمعت عليه كومه اصوات
ظليت اصرح بكل قوتي من الخوف والالم
هوايه اصوات الي يكول شبيه
والي يكول حمد. الله عايشه
كدرت اميز صوته وهو يكولي
اسيل انتي زينه بي شي
احجي وياي
ولازمني من ايدي واني مستمره بلعياط.
والالم. ماخذني
اسمعه ظل يتعارك ويه واحد. ثاني
ماعرف منو
شوف انت شنو سويت بسيارتي
دمرت السياره
يابويه راح تعبي سيار،تي،تفلشت
بعدني حتى مامنطي نص،فلوسها
اويلي على حظي الاعوج وين انكط وجهي
يااخي انت لو موكد.السياقه شكو تسوق
عاط.بهجت هسه اني بيا حال ماتشوف
زوجتي بين الحياه الموت وانت تحجي بلخساره اله صاير بيها شي منو يعوضني
اني خسار شنو تريد اعوضك هاي سيارتي
اخذها
عفتهم يداهرون ورحت بعيد عنهم
ظليت امشي وماعرف وين اروح بهليل
واعرف اني وين
وصلت نهايه الشارع
واباوع لرجليه كله مزلغه وتجري دم
ودم ينزل عليه ماعرف نزف ماعرف جرح
وايدي احسسها تتتلولح مخلوعه واحس الالم بيها نار وياكل بيه
وجع ابد.مايحتمل كلها تجمعت عليه
امشي،واجر النفس كوه على الرغم شهر الرابع
والهواء عالي وبارد.بس اني شح الهواء،بصدري
واجتني الخنكه
ماكدرت امشي واصلا هي مشيتي مثل الي اترنح اروح منا واجي منا
امشي واتعثر واحس احد.لزمني
عطت مو خوف لا من الوجع
امشي اسيل وين رايحه بهل اليل
انتي تخبلتي عليه
عطت اخ ايدي
عاف ايدي بس هو مايصور اني متاذيه
او بيها شي
امشي منا العالم كافي،فضايح خلي نرجع للبيت
ارجع لسيارتك.عوفني بهجت انساني احجي وامشي
كافي لهنا روح مارجع وياك
رجع لزمني
هو صاك على سنونه وقميصه طالع جهه وجهه داخله بلنطرون
والشعر مكوش،صاير مبهذل فد.مره
اسيل امشي وخلي اليله تعدي على خير مارديت عليه
سحبني قوي يريد.ياجر تكسي
بس اني انتهيت من الوجع
وكفنا قريب الشارع هو لازمني قوي اخاف انهزم منه
ظلت تتعداه السيارات علينا والضواء،يعكس عليه
هو باوعلي وشاف الدم وهو تخبل ظل يضرب بكصته بكل قوهو
انفعل فد.مره
اجر تكسي بسرعه للمستشفى
والطريق كله يلح على السايق بسرعه وبسرعه
وصلنا واني ايدي موتتني
بطوراى طلبوا تقرير بلحادث
كلتهم حادث سياره اصطدام
دخلوني على الدكتوا اول
تالي رحت للغرفه الطوارى نمت على السديه
بعد.توصيات بهجت وفلوسه ضمدوا جروحي وهاي هي
كالوا
لازم اشعه حتى يشوفون شنو بيها
كسر او رضوض
بهجت يدخل يشوفوني ويرجع يطلع
واني منتهيه من الوجع
