43
اخر ربيع
مساء الخير
بس، سمعت صوته اخذته القابله تبدله
واني بقت تغسلي وتبدلي وحده لاخ
بس،يوسف ماهو
واني كل ساع اسال القابله وين ابني
كالت طلعناحبيتي،يم عمتج.
وانتي هسه طلعين وترضعي
يارب
يس،غير،تخلو بحظني اتصور مثل الافلام
الي شوفها بس الواقع مو هيح خصوصا بزمن الحصار والامكانيه محدوده وقله الادويه
حتى القطن والجراجف من عدنا ماكو بلمستسفى
طلعوني للغرفه ونموني على السرير
جان اكثر من مره موجوده
اباوع على سرير الطفل فارغ
فتحت عيني واني تعبانه وكلت للعامله بصوت تعبان
وين ابني
ماعرف يجوز بي شي واخذوا للخدج
يمه شبي ابني
بس ماكالوا مريض
ماعرف بس،راح اسال الممرضات وارجعلج
بس شو انتي وحدج.وهاي المره الس وياج
ماهي حتى مانطتنه البشاره
تمددت وجسمي كله يعورني
بس كلبي نار وتسعر بي وعيني على الباب
هسه تجي عمه وبيدها الطفل
يجوز كاعده بغير غرفه
ردت اكوم ماكدرت
رجعت نمت تعبانه كل قوه ماعندي
غفيت وعيني على الباب ماعرف شكد.
فزيت ويه شهكه كل النسوان الي موجوده ردت عليه اسم الله
اباوع هم المكان خالي يارب ليش،وين صاروا
عمه و الطفل
صحت على وحده من النسوان الي بلغرفه
عفيه خاله ممكن شويه
اي اجتي اله فدوه خاله ممكن تنادين لوحده
من الممرضات
اي هسه راحت المره واجتي
دكول هسه تجي
اجتي الممرضه سالتها كالت ماعرف
شنو وين راح
هاي بيها مسؤوليه ليش وين جنتي هسه تحجين
طلعت واجتي وياها ممرضه ثانيه
بيدها جنطتني وعبايتي
كالت المره الي وياج اخذت الطفل وراحت وهاي شغلاتج.
اني مسمعت هيج.ماحسيت على نفسي اغمى عليه
كعدت لكيت بيدي مغذي والصبح طالع
وكلبي،يبجي وبس عيني صلفه ماتنزل دمعه
ظلت تسالني الممرضه وكان متعاطفه وياي بس اني ماكدر احجي
بس سالتها عفيه بيج.الساعه
كالت سته اله ربع
شكرا
تحتاجين شي
لا
اله محتاحه شي اني غرفتي بنهايه الممر
دوامي يخلص بثمانيه وراحت
ظليت ساعه اشهك وساعه ارجع انام
اكثر من مره تكررت عندي الحاله
اجتي مره يمي
سالتنيي شبيج خاله كل ساع فزيتي وتشهكين
اشرتلها مخنوكه.وبدون كلام.
ظلت المره تهفيلي
تحسنت شوي وتمددت
ظلت تسالني وين طفلج
من كالت هيج تجت عيني بعين البنيه الى وياها
وهي مخليه طفلها بحظنها وترضع واني حظني خالي
رديت عليها راح ابني
الله يصبرج.يعوضج.تتصور ميت
اني،سكتت
وهي رجعت لبتها ماعرف جنتها
واني،بقيت على حالي بداء الدوام الصباحي وصارت حركه بلمستشفى
لازم اطلع وارجع للبيت ماابقى هنا على طول حتى اشوفلي حل
ارجع بيت اهلي كلشي انتهى
لبست عبايتي خليتها على جتفي
وكعت واحس،بدوخه الدنيا افترت بيه
اجتي المره سندتني ورجعت كعدتني
وهي تصبرني، بكلمات مالت الامهات الفاقدات
خاله اطلب منج.. طلب
كولي حبيبه
عفيه خاله بس طلعيني للشارع اريد اروح لاهلي
