اخر ربيع
جمعه مباركه
مساء الخير
بس الولد رفع شوفه وباوعلي
ظليت مذهوله معقوله إلى داشوفه لو اني عيوني مغوشه ومااشوف عدل
وهذا يبجي ذابح نفسه
اووه انخبصت طلعته للحديقه عنده بايسكل
استوه يتعلم عليه
الحديقه بجهه المطبخ يعني بعيده عن الاستقبال
ظليت العب وياه الئ أن سكت ونسى عفته َدخلت
للمطبخ اكمل شغلي
بس عيني عليه
الئ أن طلعوا
وكفت باب المطبخ اباوعله اي هو
اني ماغلطانه ابد
اعرفه من ميه شخص
احس اخنتكت كوه مشيت هي كم خطوه
بس متت تعب
رحت كعدت علئ الكرسي واني أجر النفس كوه
اجاني بهجت
واخذ ايدي باسها حبيتي اني طالع محتاجه شي
ماكدر احجي بس اهز راسي لا
هو شافني تخبل
شبيج. اسيل
اشرتله براسي بمعنئ مابيه شي
شنو مابيج دشوفي وجهج. شون احتقن
كومي ياعيني كومي اخذني من أيدي
للحمام وغسلي ورجعني للغرفه
هو يكلي تمددي
لا اروح للمطبخ يوسف بقئ
وحده
دنامي ياروحي واني اجيبه الجَ
تمددت وهو شغل المكيف إلى
واجه شايل يوسف
كلي راح أخذه وياي
وين؟؟؟
هنا اشتريله
جيبه بس خلي صدري
اسيل شبيج. وين رايحين احنه هههه
قربه مني وحظنته قوي
أخذه ابوه وراح
واني ظليت مسطوره
مامعقوله تشابهه لا هو
اي هذا قصي
شنو جابه مو مسافر والمن جاي
شون وصل لبهجت ويشتغل وياه
ولا معتمد عليه بشغله
يالله شنو الي ديصير وياي
اني ماناويه تصفئ حياتي خلصت من عفاف طلعلي قصي
لا جماله يمدح بي
ياربي سترك
يعني طلع كلامهم جذب من يكولون مسافر
زين معقوله صدفه يشتغل هنا
واني هيج اجاني يوسف يركض وبيده طوبه
وابوه وراه كمت أني وشلت يوسف
حظني بهجت هو يسألني شونج.
الحمد الله احسن لاتشيل هم كلشي مابيه
شوفني اني واضحك وبعد يفقد على ضحكتي ظل حاظني
ويتغزل بيه
تالي كال
اني كم مره كتلج. لاتشيلين مو زين عليج.
وانتي حامل
شويه هو خفيف
حبيتي ديري بالج علئ نفسج. لاتخليني افكر بيج.
بهجت كتلك
مابيه قابل أول مره اني اختنك روح علئ
شغلك. الله وياك
تمام بس مااطول
انتظرك
اطلعي بلحديقه احسن من البيت
اي
طلعنا اني يوسف يلعب بلطوبه
مالته
يالله شبيه هيج. انكلب كياني معقوله اني بعدني احبه
لاابد مااحبه طلعته من كلبي من آخر مكالمه بينا
لعد شبيه اني هيج.جسمي كلي يرجف
يجوز اخاف يحجي عليه يم بجهت او اركان
لااسم شنو هل الكلام
هاي اني شبي خايفه ومسويتها قصه
. لعبت يوسف تالي دخلنا جوه اسوي عشاء
اجه بهجت وتعيشنا ورحنا
للغرفتنا
واني متردده اسأله منو هذا وشنو علاقتك وياه
بس بهجت وين ينطي مجال دوم ذايب
ويريد هذا الوقت إله مايريد كلام او سوالف
بأي موضوع بعد من ندخل للغرفه ينتهي الكلام
يبدي الغرام
كلت ثاني اسأله وهم والتهي بيوسف والبيت لو يجي متاخر وهيج
سكتت وهم يوم عن يوم الموضوع ينسى
