44
اخر ربيع
مساء الخير
بهجت:
سافرت للاردن عندي شغل
طبعا اني موكل اخوي،شاكر بلشغل
بس هذا ماوراه بس المشاكل
كل ساع مخابرني تعال الحك على الشغل
الشغل بغداد.شبه ميت بسب الحصار والوضع الاقتصادي لذءلك حولت شغلي للاردن
اقتصادهم مستقر وسوكهم مفتوح
بس،شنو بيدي اسوي لااكدر ابقى هنا على طول
ولااكدر اعوف شغلي وبيتي بغداد.
لذلك.اسافر بين فتره وفتره
خابرني هو يكلي ضروري تجي
هو انت طول عمرك.مادبر شي
يااخي شغل وفلوس،عندك.
وعمال منهدسين جوه ايدك بس وجههم بعد.شكو اني اجي
اله اجي واني اشرف عليهم.
واني بالي يم اسيل الي راح تدخل بشهرها
واني اصلا احس مقصر وياها هوايه خصوصا
وراه اخر مشكله وياها
كلش قسيت عليها وهي هم.ماقصرت
وياي بقت ايام زعلانه عليه
ومامصدكت راضيتها ورجعنا كم يوم حلويين ومرتاحيين
واحس اللبوه الي بداخلها تروضت
واله توحشت تخوف افترست تحرك.الاخضر واليابس
طلعتلي سالفه السفر سافرت وعلى عيوني
كلش ماجان اريد.افاركها احس نفسي مااشبع منها
شكد.ماابقى يمها
ودعتها وصيتها ماتطلع على الرغم اني اعرفها اسيل شنو
واعرفها ماتكسر الي كلمه
وتستغل فرصه عدم وجودي
بس هيج اني هواي اغار عليها
ويه عفاف عادي علاقتي بارده وهادئه
حتى قبل نفس الاحساس
بس هذا الاحساس مااحسه اله ويه اسيل
على كولتها اني اختلف اي والله صدك تختلفين
لج لعبتي بيه لعب
وهم وصيت عفاف على البيت وعليها وتتحملها وماتضوجها
جنت اخابرها مره ردت عليه
وراها بيومين ماردت
واني الح على عفاف اله تجي
وعفاف ماترد.اضطر اسد.الخط.لان دولي يصرف
وبدء،الشيطان يلعب بعقلي
ليش ماترد.
زين راحت
اخاف طلعت
اخاف راحت لاهلها
دكيت بليل عليها وهم كالت عفاف ماتقبل عطت بيها
اله هسه تحجي وياي
والله ياعفاف وحق الله هسه اجي واعرف شغلي وياج.وياها
هاي شبيك.ياعيني موجوده والله بس ماتعرف اسيل ومزاجيتها ودلعها
ها عفاف بدينا اني شنو وصيتج.قبل لااسافر
هو اني،شنو مسويتلها
ديلله بلالغوه هسه بعد.نص دقيقه ادك اريدها هي ترد.
وصدك.دكيت اول ردت عفاف هم عطت بيها
بسرعه انطتني اسيل بس جان صوتها مخنوك
واني جنت بقمه غضبي
وحلفتها بس لازم تسبقني بلحديث و يصير الحق وياها
كلش،عصبت من موقف عفاف وكلامها
وظلت تحجي وغيرت مزاجي وخلتني اشتاق الها اكثر
كملت المكالمه وياها
ثاني يوم بشغلي خلصت يومي بين العمال
وشفت الخرائط وعمل المهندسين
لليل يالله رجعت لبيت اختي تعشيت وجنت وحدي بصاله كاعد
هما هيج.نظام شققهم.ماعدهم هول صاله وتكون مفتوحه على البيت من مطبخ والغرفه
كاعده هم اتصلت بعفاف
رزلتها ماتسوي مشاكل ويه اسيل وداريها وعدتني
خطيه البنيه بشهرها الاخير وفوكها ايدها حتى شعرها ماتكدر تلفه
ثاني يوم نزلت خابرتني وحجت وياي
وراه كم.يوم.هم خابرت عليها كالت تعبانه ماكدر تنزل
واني اعرف هي وعفاف مزاعلات مالحيت عفتها
واني جان عندي لود.بلشغل مو فارغ لمشاكلهن
