49
اخر ربيع
مساء الخير
احس، روحي طلعت من لزمته الأيدي
ابد ماتغير هذا الرجال هو هو
مايشوفني إله وكت راحته ولرغبته
بقيت اتلوه منها الئ أن تحسنت ونزلت
هو طالع
اكمل شغلي الجوه طبخت من وكت قبل وكتي يوميه
سويت الزلاطه والبن وخليتهم علئ الطاوله
والمواعين فارغه غطيتهم
وطفيت علئ الاكل وصعدت فوك
كملت الملابس
الئ أن صار وقت جيته نيمت يوسف ونمت اني هم
وقفلت الغرفه
اجه اول هدوء
صاح عليه اكثر من مره بس مارديت
تالي بدء صوته يعلئ
ويكسر
َشويه صعد إلى بس جان كلش عصبي همزين الباب مفقول
دك أول مره علئ كيف تالي اقوئ
فزيت من صَوته وخليت ايدي علئ
ذان يوسف اخاف يرعب من الصوت
رجع يصيح بصوت عالي
افتحي الباب لاكسره علئ راسج
سكتت ماحجيت
هو مستمر يصيح
رديت عليه بهجت عوفنا نايمين
والولد مو زين عليه الصوت العالي
تمام هسه حجتج بلولد يصير خير اسيل
اوووف هلرجال صعب مايرد اي شي
أو طلب مني
يردني إله مثل اللعبه ميصير احجي أو
اطلب شغله
ماكدرت انام بس، ظليت متمدده وطار النوم من عيني من وراه صوته
وافكر هاي اني ليش اتهرب منه وكل مايتعارك وياي
اني انعزل وكأني اعاقب نفسي مو اعاقبه
المفروض اواجهه من شنو خايفه اني يعني
اني ماريده يقترب مني هو يجراه
لو يموت هو يعرف طبعي كلش زين
كافي كل مره اني انهزم هل المره كلشي يتبدل
انتظرت
الئ أن كعد يوسف غسلته وبدلته و
ورضعته ونزلت جوه دخلت للمطبخ
وكعدت يوسف بكركوته
وحميت الاكل بين مايحمى
غسلت مواعينه إلى نصهم مكسرهم
المكسور ذبيته وباقي غسلتهم
وخلتلي تمن فوك مركه وخضره احب هيج
وكعدت اكل كم لكَه واجه وكف علئ راسي
سوى جاي يحجيها بيغه تامر
مارديت عليه خليت القوري َرجعت اكل كم لكَه واحس شعبت
هاي اني من انقهر مااشتهي الاكل
هو اخذ يوسف وطلع من المطبخ
كملت الجاي وديته إله
ورجعت للمطبخ كملت وهم صبيتلي جاي
وشربت وصعدت فوك شغلت التلفزيون
كعدت بس ضايجه رحت جبت ورقه وكعدت ارسم
واحسب بعد شكد للدوام
وآله رجع بكلامه وماخلاني الدوام شنو اسوي
ابقئ عنده لو ارح لبيت اهلي
لامعقوله هو وعدني وكدام امي
َظليت كاعده الئ أن صعدلي فوك
خله يوسف يمي
هو بس شافني ظل يبجي
يعني يريد يرضع
أخذته َرحت الغرفه
رضعته ونام واني هم تمددت ونمت وياه
وخليت الباب مفتوح
كعدنا المغرب ويوسف كلش متنحس
واني هم ضايجه
طليت افتر بي هو مستمر بلبجي
ضحكته لعبته ماكو فد نوب
كلت خلي اطلع بلحديقه
طلعنا اني وياه ورحت اتمشئ
والعبه وهم نفس البجي
ماهدئ ابد
ظلينا نفتر اني وياه افتريت وراه البيت
واني اكوله حيبي يوسف ماماتي
كطعتله، ورده بس هو وين يفهم
شنو ورده
بقيت الئ أن صارت ليل
واجه بهجت دخل السياره شفت ضوء
عكس علئ البيت
هو دخل للبيت واني مكاني وصوت يوسف بلبجي عالي مسموع
اسمعه يصيح باسمي
اول صوت ثاني صوت عالي وكآن يدور عليه
طلع
من البيت
ماعرف شنو يتصور وسمع صوت يوسف اجه صوبنا
بس شكله عصبي ونفسه عالي
سألني شبيه يوسف
ماعرف
بس يبجي
جيبي أخذه مني واني ايدي هم تعبت منه
كلش
أخذه وظل يبوس بي ويمسح علئ ظهره
ونفس البجي
واني وجهي احتقن كلش انقهرت من اشوفه هيج
الئ أن تقريبا هدء عفتهم ورحت اصلي
بعد ماغلست وارتاحيت
واني اصلي جابه إلى صح ساكت بس
يناشغ
خطيه وجهه وخشمه احمر
أخذته منه هو نزل
بس مارضعته انطيته ممه
الئ أن نام حسيت نفسي متت تعب
نزلت جوه اسوي عشاء
بس ماقبل كال لاتسوين مااشتهي
بس جاي
سويته إله
واني سويتلي لفه واخذتلي كلاص جاي وصعدت
شغلت التلفزيون بس مالي خلكه
بسرعه طفيت ورحت تمددت انام علئ نومته يوسف لأن اكيد هسه يكعد
بهجت هم ماطول اجه طفئ الضوء
ونام بس اني بصوب وهو لااقترب ولاحجه
وياي
الصبح هم سويته الريوك بدون كلام وخليته إله علئ
الميز
وصعدت وهذا الشي هوايه ينرفزه
من مااكعد وياه اكل
بس ماحجه شي اكتفئ بس ينفخ
الئ أن كعدنا اني ويوسف ساعه عشره
والبيت هدوء ماكو صوت نزلت جوه
سبحت يوسف وبدلته َبديت بشغلي
وهم الغدا واني تغديت قبله حضرتله وصعدت
خلصت وقتي ويه يوسف إلى احس الوقت يخلص بسرعه وياه
الئ أن صعد بهجت بدون كلام اخذ يوسف مني
هو صاير يعرف ابوه ومن يجي يضحك له ويفرفح بايده
وذاك متخبل عليه ماخذه عقله كله
اني نزلت رتبت المطبخ وعزلت المسواك وصعدت فوك أخذت يوسف نيمته واني هم نمت هو يحوس، ساعه يصعد وساعه ينزل مره يدخن مايعرف شنو يسوي
الئ أن اجه تمددت يمي وسحبني إله ابتعد عنه
اسيل كافي من الزعل اني ماحب ازعلج بس انتي تستفزني كم مره كتلج لسانج طوويل هو سبب المشاكل
يمعوده والله العمر كصير مابقى بي، شي ماريد اخلصه بالمشاكل اريد افرح بيج
وآلله من وراج يومين مزاجي متعكر واطلع الحركه بلعمال
حتئ بطلت كم واحد منهم تقلبين تكطعين رزقهم
مالي خلك الدنيا كلها بسببج
يوميه اروح فرحان ومزاحي عالي والي حمل
الشغل ومشاكله والتعب بس من تزعلين عليه
كلشي يتغير
حتئ يوسف هم زعلان وياي وصاير نحس
وبس، يبجي
مارديت عليه اكتفيت بالسكوت بس اسمع
كمل وعظاني بس مو قوي بأيدي
لج مو احجي وياج شنو اخرسيتي
لو صايره فقيره اليوم
سحبني إله وحظني ونام
واني هم نمت
كعدت العصر هو بعده نايم
يعني اكيد ماعنده شغل
أخذت يوسف َنزلت جوه
ورضعته كعدنا بالمطبخ
ماطول هو ورانه نزل بسرعه
شرب جاي واني طلعتلي فواكه ورحت بلحديقه
وحدي انتفس هواء نقي احسن من هوا البيت
