9
اخر ربيع
مساء الخير
اسيل
مر شهر على
شغلي بلمجله واني نوعما مرتاحه
وصرت كلش ماهره بشغل الطابعه
يعني تقريبا شغل المجله كله صار عندي
والكل تعتمد.عليه هيج اني احب اتميز بشغلي
وصار يوم الي استلم بي راتبي وثمره تعبي
حتى لو جان قليل بس جنت كلش فرحانه بي
بهذا الشهر
قصي تقر يبا يوميه يجي يوصلني
يمكن كم يوم مااجه واضوج
ويصير الطريق طويل عليه بدونه
وثاني يوم ازعل عليه واثكل وجهي
وهو يحتار شون يصالحني
ويتعذر مني
لان هو هم يشتغل العصر بمعرض مال اثاث
بس هو حريص ان يجي يوصلني ويعوف شغله
وصلت للبيت وكلش فرحانه
خليت قسم من الراتب كروه الطريق
وعملت حساب عزيمه هدى
خطيه تعبت وياي يمكن لوماهي ماتعينت
خليت الفلوس بيد امي كتلها
هذا راتبي استلمته
بس اخذت قسم وحجيتلها عن عزيمه هدى
ماقبلت كالت هذا تعبج خلي عندج.
شنو يمه هو اكو فرق بيني بينج من
احتاج اكلج انطيني
اخذت وهي دكلي ربي يرزقج
ثاني يوم دوامت بلكليه وقررت نطلع اني وهدى وكت الغداء للمطعم
بس هي ماقبلت واصرت ناكل
لفات من الكشك مال الكليه
لاهدى والله اني وعدتج ولازم اوفي بوعي
اي ياعيني هاي راح نتشري لفات قابل شبيها
وان شاء الله اني اعزمج من يخطبني الاوستاذ
ههههههه خرب يومج
اجتي ويانه نجلاء كعدنا ناكل
وعلى سوالف هدى الي ماتنمل ابد
اجن بنات صديقات نجلاء من قسم الانكليزي
سلموا وكعدا يمنا
تقربيا نعرف بعض بس احنه مانحبهم
يتفيكون وكل كلمه وثانيه حجوا انكليزي
وحده منهم سالتني اكول اسيل
نعم
صدك هذا بياض بشرتج كله كريمات
شون يعني مافهمت ؟؟
كالت يكولون ابوح يجبيلج
منتجات من البحر الميت وكلها اصليه
وهيج انتي بيضه وشكله مميز
ضحكت بعلوا صوتي واني ضحكتي فضيحه
اي صح ابويه يجيبلي كريمات
بس مو البحر الميت
من مقبره النجف
هي صفنت بوجهي شون ؟؟؟
ولج ابويه ميت وشبعان موت بعد وين كريمات
الي جابهن الي
سكتت البنيه وحست بلفشله
وهدى استلمتها
اكلج منين جبتي هل الحجي
كالت والله كل الكليه يكولون هيج
اكو يكولون هي مسيحه مو مسلمه لهذا هيج
حلوه وبشرتها بيضه
رديت يالله عليها
صيت الغنى ولاصيت الفكر
احنه دانحجي
واجه قصي اشرلي اكوم وياه
بعد ماسلم على البنات
سلمت عليهم واريد اكوم
هدى خلت ايدها اثنيهم يم صدرها
وهي دكول الرب والعذراء تحميكي من كل شر
خرب اني ضحكت بعلو صوتي
يمه متت ضحك
واله قصي تخبل
لج شنو هل الضحكه واحنه بنص الكليه
واني مستمره اضحك لحدما تعبت
هو مستمر يرزل بي
والعصبيه غزت ملامحمه
شبيج تخبلتي
خرب وضرب ايده بايده ثانيه
لج تستكين لو شون
جريت نفس لان اختنكت من الضحك
ورديت عليه انت الي شبيك
شنو شمسويه اني
اضحك حرام واحد يضحك اني وصديقاتي قابل ضاحكه ويه شباب
والله عوزج تضحكين ويه شباب بعد
اي اعرف انتي وصديقاتج بس
صوتج عالي
وانتي ماشاء الله بدون هاي وهاي
وجههج يجيب التاهي بعد تضحكين
