13
اخر ربيع
مساء الخير
طلع الزرع مالت امي وياه
الاشعه والسونار
وكومه تحاليل كلها تاكد.
اصابتها بسرطان الرحم
جنت اني وياها من
اسلتمنا نتيجه التحليل
واصريت ادخل وياها على عكس كل مره
من دكلي ابقى برا
اسكت
هل المره عاندت
وسمعت كلام الدكتورا
احس الهواء وكف بصدري
ضكت بيه الوسيعه
بوقتها كلشي صار اسود.بعيني
على الرغم امي
ابد.ماانطت رده فعل
بس الي كالته
الحمد.الله على كل حال
لااعتراض على حكم الله وسكتت
ظلت تحجي هي والدكتورا
ولازم تدخل مستشفى علمود.
العلاج ونكمل اجراءات
وبعد.ماعرفت الدكتورا حالتنا
مو مال عياده خاصه
سوتنا دخول للمستشفى
عفت امي وطلعت
من العياده وكفت برا العماره
جان مغرب والجوامع تكبر بلاذان
وصوت المأذن يعلى بالله أكبر
يارب سالتك بهذا الاذن
خفف امتحانك علينا
مو حمل هلشي والله
قابلين بكلشي ونحمد الله بس مو سرطان
سرطان يايمه خليتي كل الامراض الي بيها علاج
اله هذا المرض اجاج
حتى المرض يدري بيج فقيره وعلى نياتج
وتستقبلي بجسمج وماتذمرين لا تزعيج
ظليت اخذ النفس بصعوبه بلنص اني واكفه
واحجي بلكبي
مو بلساني وعيني على السماء
طلعت امي
اسيل يمه وين انتي ادور عليج
شبيج يابعد.امج
يعني شبيه يايمه
شنو يصير بعد.اكثر من هذا
اسم الله ماكو شي هياتني يمج
مابيه شي هل جاي امشي
على رجليه ماعليج بكلام الاطباء
هما يكبرون الموضوع
ويسون من الحبه كبه
يالله خلي نرجع للبيت اختج وحده
ياريت يايمه كلامهم كذب
طلعنا للشارع اجرت تكسي
وصعدنا
واني فتحت الجامه وخليت
وجهي كله بيها بس اريد
اطفي نار الي واجه بصدري
وصلنا لبيتنا وساره
واكفه وراه الباب ومخليته مردود
عبالك كلبها حاس امي بيها شي
وتنتظرنا
دخلنا
امي واني وارها وساره تكلتنا
ها بشروا
امي ابتسمتلها ودخلت جوه
هلوو ساره
احجي اسيل امي شبيها رحت غسلت بلمغسله
واني ساكته
فدوه ساره جيبلي ماي من الثلاجه وجهي عطب
لج احجي مو كلبي راح يوكف
بعد وبعد ياساره راح نشوف ايام سود.
راحت جابتلي مي بارد
غسلت وجهي وشمرت الباقي
على راسي كام ينزل على وجهي وركبتي
وصدري
واني اتنفس بصعوبه
كعدت على بالأرض،
بظهر الهول يم المبرده وساره واكفه
يالله ارتاحيتي احجي لعد
سرطان ياساره امي بيها سرطان
لطمت على وجهها وظلت
تبجي والدموع تنزل
