35
اخر ربيع
مساء الخير
لج اسيل انتي شايله
شايله يمه ؟؟
لج. انتي شايله طفل
عزززاا بعيني ان شاء الله
بعيني شنو شايله طفل
يعني حامل
لاياربي ماريد.
اني يوميه شغله شكل تطلعلي
شوكت ارتاح
ويني وين طفل والله مابيه هبطه
جديده
ظليت اتولل وامي يمي
وهي تحاول تهديني
اعرف بيها مقهوره اكثر مني
اسيل شبيج. هذا رزق من الله
شبيج بنتي كولي يالله
ليش هيج اخترعتي
ساره هم جانت موجوده بس ساكته ماحجت شي
ردت امي
وثاني شي انتي مره ورجال شون مايصير عندج.
حمل وصارلج. كم. شهر من زوجتي
شنو تتوقعين
سكتت
هي ماتعرف لهسه اني موكعه طفل ماناقصه هم خطيه
ماكتلها واني هم وين شايفتها
واني اجر حسره
كمت اخذت ملابسي ورحت اسبح
احس البوخه تطلع مني من كد القهر
واني بلحمام اباوع لبطني يعني معقوله هنا اكو طفل
المن جاي لهاي الدينا الي مابيها رحم
واله طلعت مثل حظي اقرا على نفسك. السلام.
طلعت من الحمام ورحت تمددت
ولفيت نغسي ببطانيه واني افكر بس مغمضه عيوني
بدون مااغفى
ياربي اني وين والحمل وين شنو اسوي
يعني انقهر وهما يفرحون
واني هيج اجتي امي اسيل
اسيل
ها يمه شكو
اكعدي
هذا ابن حماج. بلباب يرديج.
شكو هذا يوميه جاي
انتي احجي وياه
مالي خلكه
ولج عيب الولد
يكلي اريدها شنو اكوله
امري للله اطلعه
بعد اني ناقصني بس اركان
اخاف ارتاحيت من بهجت طلعلي هذا
عدلت شعري بايدي الي تخربط من النوم
وباوعت لدشداشتي
ردنها قصيره
رحت بدلتها ورحت للباب
فتحت الباب جان واكف وداير وجهه بجه
الثانيه
وطابك السياره بلباب
هلو اركان شونك.
السلام عليكم شونج اسيل
اسيل !!
فتحت عيوني على وسعهن
كل مره يكولي مرت عمي
وعليكم السلام
الله يسلمك اني زينه
خير كالوا رايدني
اي البارحه عمي خابر وسالني عليج
وكال اجي الج
على شنو ؟؟؟
. واشوفج اخاف محتاجه شي
وكل سلملي عليها
الله يسلمك. لامامحتاجه تسلم.
يالله اني اروح
الله وياك.
راح للسياره واني سديت الباب
اكص ايدي اله مادازه يتجسس عليه
يسلم. عليه حنين مو على اساس، اني ورطه
هسه يدزه عليه اوكف واحجي وياه
بس بيته يتعارك وياي
اله جنت نازله هو موجود
يالله بعد شنو اشوف من هل الرجال
دخلت جوه
اوف ورطه وراح اجيب ورطه لاخ
يعني لو كلام امي صحيح
والله اقري على روحي السلام
زين اله خلصت السنه وانفصلت هذا
الطفل شون ياخذوا مني
يمه والله اموت اله واحد لمسه مو بعد انطي
هو ذاك اسقاط واني متت قهر عليه
لاياربي مابيه على الشي والله
رجعت للغرفه واني كلي الم وقهر
تمدت ونمت بدون عشاء اجتي ساره
تكعدني رفضت واني اكولها مااشتهي
حاولت وياي
واني ارفض
تالي ايست وراحت
واني بقيت اتكلب الى ان تعبت ونمت
ثاني يوم والي وراه نفس حالتي ماتحسنت وامي
تلح عليه تاخذني للمستوصف او
للتحليل
واني ارفص واعاند
الى وراه يومين اصرت تاخذني وماقبلت مني
اي عذر
بدلت العصر وطلعنا مشي كالت قريب بمنطقنتا
امشي واتعثر لو ينعوج حذائي
الي يشوفني
يكول هاي اول مره امشي
وين قبل وين هسه شكد. اكو فرق
عبالك. مو اني
عبالك وحده ثانيه
وصلنا للمختبر
وامي كلتله تحليل بدون استشاره طبيب او شي
طلب ادرار
انطيته اله وكعدنا ننتظر دورنا
واني ادعي ربي يكون النتيجه سلبيه
ياربي ياحبيبي طلبتك لاتخليني احمل واربط وياهم بطفل
يارب بجاه النبي عندك لاتخليني احمل
واني هيج اسمع امي دكلي
اكولج اسوله هذا التحليل يطول واني محتاجه
شغلات من السوك للخياط خلي نروح نجيبهم
بسرعه مانطول
وانتي هم شوفي السوك اخاف محتاجه شي
الى ان يطلع التحليل
يمه مابيه امشي روحي انتي
وانتي
ابقي هنا انتظرج.
شبيج اسوله والله مانطول
عفيه يمه عوفيني مال خلك
هزت راسها وراحت
