٥٠
اخر ربيع
مساء الخير
نخلي عد ام زياد
لايمه ابطل وما أخلى عد ام زياد
مالكيت إله هاي اخلي ابني عدها
مو غريبه عليها تأذي
اسيل احترمي نفسج والزمي السانج
لج انتي شنو محد يوكف بعينج.
ناسيه هاي مرت اخو واكبر منج يعني
المفروض تحترميها
واني شنو شايفني غالطه عليها مجاوزه
مكايله غلط
مره حقنه وماطيقني اصلا انت شنو تعرف
علئ كلام إلى تسمعنيها من والتقي ويا ها
أشكال الكلام اسمع منين اجه هذا الكلام
غير دلاله علئ أن ماطيقني بعد شنو
اخلي ابني عدها شنو هيج اني ماعندي احساس أو كرامه
وآله هي تحجي عليج أو ماتحب تشوفج مكان
انتي هم انزلي لمستواها واحجي مثلها
اني بحياتي مارديت عليها ولايوم شيكت منها أو من غيرها
مااهتم لكلامها بس اخلي ابني لو اموووت
كافي بهجت متعلمه اني اول نحجي تالي
نسوي نتعارك
يالله كافي سدى الموضوع ونامي اصلا تموتين علئ
الطلايب حتئ طلقين العنان للسانج
منا لباجر اني أحلها اشوف وين اخلي
مايحتاج تفكر واني مَامحتاجه مساعده من أي أحد امي موجوده
وكالت تجي عندي هنا إله اطلب الأمر
درت وجهي ونمت
اي سويها زعله َدرتي وجهج وابقى كم علئ
الحال واقفلي الغرفه وبعد
اكلج وحده وحده حفظتهم سوالفج تراه
مارديت عليه نمت هو بقئ يدردم ونزل جوه
ما طولت بلنوم كعدت ليوسف
هو صعد من سمع صوته يبجي خفف ملابسه
وتمدد
التفت عليه
وين جنت؟؟؟
يحجي ومخلي ايده علئ عيونه
طلعت اشتري جكاير
وشربتلي كم جكاره
شكم جكاره لعد شنو اتفقنا
ليش بهل اليل تشرب هلكد
إله تخافين عليه لعد شويه الزمي السانج
حتئ ابقئ مرتاح
مارديت عليه الئ أن كملت رضاعه يوسف
ونمت على صدره
هو ماصدك بسرعه حطني
..........
الصبح كعدت بعد الريوك بدلت إلى وليوسف. خليته
شغلاته بجنطه
ولهسه بهجت ماكل وين نخلي يوسف
وطبعا طول النظر لملابسي
ويفحص بوجهي اخاف مخليه مكياج.
اني بس اخلي مرطب وحمره ورديه
وشعري مفتوح بس سشورته
وليست تنورا طويله بس بيها جاكه
باوع وجان ساكت يعني قابل
نزلنا وهو قفل البيت ونطاني نسخه من المفاتيح
تعجبت هاي شنو
خليهم عندج.
إله يوم اتأخر عليج
أو ادز أركان
اي و خليتهم بلجنطه
طلعنا واحنه ساكتين
بس ماطلعنا من المنطقه بقينا بنفسها
واني روادني الشك معقوله ياخذه لام زياد
بس تعدينا
بيتهم اني جريت نفس يالله
حتئ مابيه ا حجي تعبت من كلام وتالي اطلع أنى موزينه
وصلنا بيت ام خلدون
نزل هو واني بقيت بالسياره
ضرب الجرس واشرلي انزل
فتحت الباب هي واستلمتنا بسلام وكلامها الحلو
كلش ارتاحله انطتني، طاقه ايجابيه من الصبح
كالت تفضلوا اول بهجت رفض بس هي أصرت
نسلم علئ الحجيه دخلنا
واني خجلانه
بس هي ظلت تسألني واني اجاوبها
واحنه نمشي للبيت
دخلنا الغرفه الحجيه
جانت مرتبه وعطرها بخور يخبل وهي سلامتها وكلامها الحلو
طولنا عدهم
وبهجت طلب يخلي يوسف عدهم هو يحجي اني استحي اكولها
وهي كلش رحبت وكالت ياريت ينوسنا
وصها عليه دير بالها عليه وماتخلي بيد الجهال أو يبجي
واحنه مانطول
حظنته قوي وبسته وهم بهجت
وطلعنا بس اني بالي كله يمه حتئ مالي خلك
وصلنا للكليه ماعرف افرح أو لا
هواي ذكريات عندي حلوه وحزينه
دخلنا بسيارتنا للقسم وصلنا ودخلنا للاداره سواه
