42
اخر ربيع
مساء الخير
ايدج. تاذيج.
لا بس اله احركها او اشتغل عليها
ولايهمج وداعه يوسف بس تولدين اسويلها عمليه واخليها ترجع احسن من الاول واقوى
غطيت وجهي ونمت
مجرد . افكر بيها اضوج.
هو هم. حظني ومامصدك.تصالحنا اليل كله
يتغزل بيه
ثاني يوم صلى الفجر ورجع نام وتاخر بنومته ماكعد.
وقت كعدته
اني هم تعجبت منه هاي اول مره يتاخر بنومته
اجتي عمه.دكت الباب عليه
كلها ماروح.اليوم
راحت عمه
شنو اليوم حتى بعرسك.ماسويتها وهيج.بقيت نايم
ههههههه هو اني اليوم عريس والله ماكو اسعد.
مني بلحظه خليني ارتاح ملحك.على الشغل
اي كم يوم وترجع تتخبل ماترهم بدون مشاكل
لو اعرف هذا لسانج من شنو مصنوع من حديد.
من فولاذ حتى من صباحيات الله مايعرف يسكت
هسه صار لساني مو زين عفته رحت للحمام
سويت نفسي زعلانه
غسلت واجيت اجيت لكيته يريد.ينزل
ها مو عندك.شغل
اشوفج.ضجنتي مني كلت خلي انزل احسن
قابل شنو سويتلك ضربتك لو حجيت عليك
لو انت كل شغله تذبها براسي احجي بدلع
هو عيونه ذبلن
اويلي امو ت علي يدلع عليه
سبحني اله كوه خلصت نفسي منه
وطلب انزل تريك وياه
اول ماقبلت تالي لح عليه لان صارلي هواي مانازله جوه
قبلت بس كتله
بس ابدل وانزل
نزل هو واني بقيت ابدل وامشط.شعري
بايد وحده اطول يعني مو بسرعه
لكيتهم.محضرين الريوم منتظريني
وعمه هم كاعده وكبالها استكان الجاي
سلمت عليها
ماردت عليه بس هو رد كعدت يمها هو كبالنا
كدامه صحن بيض وصحن جبن
وصحن زيتون وخيار هو هيج ياكل
كال سموا
بدوا ياكلون باوعت ماكو حليب
رحت للثلاجه طلعت بطل وخليته
وبغلايه حميته
وعمه.تسال بي
ليش اليوم ماتريد.تروح.
هسه اروح.
مو كعدتك.وكتلي ماروح
اي مو جنت نعسان فكرت ماروح
بس هسه كعدت بعد.شعندي باقي
هو اصلا شغلنا هل الفتره قليل السوك ميت مابي حركه
كملت الحليب واجبت كعدت وهي تخزر بيه
ياربي وتالي وياها
واني اكل بليسرى هما كملوا قبلي وراح.هي راحت وراه
اووف ارتاحيت ظليت اكل على راحتي
كملت واخذت المواعين اغسلهم.
اجه وشافني يم السنك
باس،خدي اني التفت عليه هو يتصور راح احظنه
ابتع عفيه وخر راح تجي عمه
هو رجع حظني قوي
بهجت وخر ماكو
انت تريد.توبني بعد.ماانزل جوه وانت موجود.
مو بيدي افقد.من اشوفج
همست يم اذنه
وحده من هاي البوسات انطيها لعمه بلكي شوي تخف عليه
هههههههه ظل يضحك من كل كلبه
هو حاظني بصوت عالي
تجتي عمه على صوته واحنه هيج.
ابتعد. هي تخزر بيه واني درت وجهي للسنك.اكمل غسل
هو يسوي احم.احم وعدل ملابسه وطلع
وهي طلعت وراه واكفوا بلحديقه
واني كملت شغلي
بس انسى واشتغل بليمني
الى ان تاذيني انتبه على نفسي
كملت المطبخ ورحت على البيت
هاي الفتره كلها عمه تنظف وانتم تعرفون شون تنظيف مايتحتاج اوصفه
اول مابديت بالاستقبال تالي رجعت للهول اني
شغلي كله غسل ماسحه وصونده مي والبس دشداشه قصيره لو ارفعها هيج.شغلي
وصلت للهول والمي انكطع رحت اشوف ليش
امشي،قبل لا اوصل للحمام.
اجتي عمه ودفعتني
كافي اسيل لهنا وكافي تعبت منج ماصارت سنه عليه صارت انتقام.
اني صافنه بوجهها وملاحمي حدت
شنو مناسبه هل الكلام.
بس،هي مستمره تحجي ماتنطي مجال
حتى اسالها
وعيونها ناطه من مكانها ومنفعله وعصبيه كلش
وتحرك براسها من تحجي
كافي ذبي حملج.ولي من هنا تعبت تعرفين شنو تعبت
تبهذلت احوالي
لج.كلشي تغير من يوم الي دخلتي للبيت لليوم
دخلت الكشره يوم الي دخلتي علينا
