٥١
اخر ربيع
مساء الخير
تعجبت من واحد سلم علئ اللاخ
التفت علئ ساره وكلي دهشه واني اهز برسي
بمعنئ شنو ؟؟
بس هو سبقني
ام يوسف منين تعرفين ساره
رفعت حواجبي واني مستغربه
منين اعرفها غير
اختي ساره تصير
تشاقين !! كالها وهو متعجب
هاي هي واسأله شنو
مجذبه عليك قبل
اني
كلش مااطيقه
واني اكول مشبه عليج واكول وين شايفج
طلعتي اخت ساره
بس انتي ماشاء الله وين تنطين مجال واحد يحجي وياج
يالله احنه نترخص ورايه امتحان
ووين وين
شنو ترحون اني اوصلكم
نفس الطريق يالله تفضلوا هو يفتح الباب
إلي
أشرت لساره تصعد وراه واني كدام
حرك السياره
صح اني مااطيقه
بس كلت خلي اسأله
زياد شوكت شفت عمك
التفت عليه
البارحه جانوا عشاهم عدنا هو عمي شاكر
اممممم
شنو تسأليني إلي عليه بس لامتزاعلين
هههههه ويضحك
اوووع
شكد مكروه ياربي
لاعلئ شنو مزاعلين
بس تعرف هو يوم هنا ويوم هناك
اي صح
طبعا اني اعرف ساره من زمان بس هاي اول مره اعرفكم
اخوات يحجي ويباوع عليها بلمرايا علئ الرغم
هواي بينكم شبه هو اني من زمان مشبه بيج واكول وين شايفج
بس انتي ماشاء الله عليج ماتنطين مجال
بس ماتوقعت انتم اخوات
اي صح احنه نشابهه بس اني احلئ من ساره مووو؟؟
ماشاء الله عليكم ثنينكم ماناقصكم شي
اكيد انتي احلى
ماتشوفين اخذتي كلب عمي ومختبل عليج
بكلبي كلش اصلا مايكدر علئ فراكي
رجع باوع لساره بلمرايا وظل يسألها علئ
الامتحانات والمواد
الئ وصلنا اول وصلوني اني بس ساره نزلت ويايه
حاول راد ترجع وياه ماقبلت كالت
عندي شغل بقسم اسيل
دخلت للقسم واني متحلفه بيها
كتلها حسابج بعدين وياج
عافتني وراحت للكراج حتى تروح لكليتها واني صعدت للقسم
بلرجعه نرجع كل وحده وحدها
اني بالي يم
يوسف وامي
بس كملت امتحان رجعت للبيت
وساره اجتي ورايه
كملنا غداء وامي راحت نامت
واني نظفت المطبخ
وساره نظفت البيت وشغلت الغساله
أخذت نيمت يوسف
وصحت لساره تجي يمي للغرفه
اجتي شكو اسيل
اكعدي اني إلى اسالج شكو
هزت برأسها شنو
شنو بينج وبين زياد
اوووع زياد امده حظي والله وغمت كصتنا
هسه مالكيت إله هذا المتهور
ههههههه هاي شنو صدك متهور
والله مو اني كلها تسمى
يلوكله هذا الاسم
لعد شون يعرفج
هو نفس الكليه بس غير قسم بس مرات ناخذ
محاظرات سواه
هو كتلج معروف بالكليه لأن عايد كم سنه
من جنت بالاول اجه صارحني
واريد اتعرف عليج واريد اسوي وياج علاقه
ومز هل الحجي
واني رفضت وهو يوميه وحده شكل
كل مكان إله نروح إله نلكي ويه وحده كاعد
هههههههه صدك والله بين عليه مراوغ
وهيج ظل يسلم عليه من يشوفني بس اني
ابد مانطي وجهه
اصلا اكره هيج نماذج
والله احسن منه بمرات واني مااقلدهم اقلد لهذا
