٦٣
اخر ربيع
مساء الخير
هواي تشبه امك.
امي انت وين تعرف امي ؟؟
مو كتلك اني جنت صديق ابوك واشتغلت
وياه سنين فجنت صديق العائله
ها اهلا وسهلا بيك
بس ماكلتلي شنو اسمك ياصديق أبويه
قصي المحامي
سلمت عليه ورجعت
علئ المحاظراتي
كملتها وتالي للشركه
خابرتي امي كالت راح اروح ويه ابوك
للنجف وكملتك اكلك.
ظليت احجي وياها
تأخرت يالله رجعت للبيت اشتغلت هوايه هم طلعت
للمشروع كملت كل شغلي
رجعت للبيت هدوء
وفارغ صعدت بغرفتي سبحت
ونزلت لكيت امي مكمله اكلي ومخليته على الطاوله
ومغطيته
خطيه والله شكد تتعب لخاطرنا
بس مااشتهيت اكل وحدي
َطلعت بلحديقه
جو بارد بس اني احب الحديقه خابرت أبويه
وخابرت هيثم
كال وصلنا الى لزاخوا
واني هسه بالفندق
هو طالع الفجر سألته عن الجو
كال يخبل وباجر نطلع الصبح للتزلج
اوك تونس ودير بالك علئ نفسك.
سلمت عليه وسديته منه
شفت سياره رائد
دخلت
وكفت انتظره
ركنها وسلم عليه
وظلينت نسولف اني وياه
تعال ادخل جوه
لا أريد ارتاح.
اوك.
إله ريحت تعال اليوم يمي اني وحدي بلبيت
هاي؛ شنو
بعد
راح لبيتهم. واني بقيت افتر ماعرف شعجب مااجتي ربئ للحديقه
الئ أن بردت دخلت جوه شغلت الهيتر
واذكر هيثم شون راح يتزلج مخبل
هذا هو اني طلعت شويه متت برد
الئ أن اجه رائد.
دخلنا تعشينا سوه اني وياه وظلينا نسولف
بساعه تالي هو راح لبيتهم
واني هم قفلت وصعدت تمددت
نمت بعمق لأن البيت هدؤء واني هم تعبان
ثاني يوم كعدت صليت وظليت اراجع
بساعتين وهم خابرني امي توعيني كتلها كاعد
سألتها عن أبويه كالت زين
شفت بعد َكت والجو بارد رجعت نمت ماكعدت إله
ساعه ١١ علئ صوت الفون
بس، شنو جسمي كله خدران
حتئ ايدي مابيها تشيل الفون
رجع دة مره للأخ
اخذته اكيد أبويه
بس المفاجأة
جانت حبيتي
خلتني راستنا صححت
هي دكول بصوتها الناعم صباح الخير
ياحلئ صباح هذا
واني اسمع صوتج احس كلي نشاط
شنو بعدك نايم.
اي
شعجب
ماكو احد يمي وعطله
لعد اله عطله
تعال تغداء يمنا
مو اليوم باجر الئ أن يجون اخواني
اي وتعال هم باجر وياهم.
هاي شنو
والله شنو مامشتاق النه
اموت عليكم مو بس مشتاق
يعني تجي
نور
اممممم
الله عليج خالتي كلتلج خابريني لو. انتي
لا والله اني خابرت اليوم ماعندي امتحان وكعدت من
الصبح كلت خلي ادخل للمطبخ اسويلي كم نوع من المعجنات للبيت وللفاروق
تالي كلت خلي اخابرك
يعني المعجنات والطبخ بس لفاروق اني مالي نصيب
لا الكَم كلكم
بس هيج اني ازعل
ليش يعني حالي حال غيري
كول شنو تريد اسويلك واني ماقصر
بس انت ماتحب الاكل هلكد
هاي قبل
بس هسه ومن ايدج اموت عليه
ههههه بس لاتاكل هوايه وتسمن أنى ماأحب
السمين
يعني شنو
يعني احب جسمك يبقئ هيج.
ويلي يالله احس نفسي راح اوكع من الفرح
بقيت احجي وياها بنص الساعه
تالي كتلها بالله اني راح اسبح وابدل واجيكم
اصلا ضوجه وحدي
نقذتيني
رحت لبيتهم
وجان هم عازمين بيت خالي
كلش تونتست بس مالكيت فرصه احجي ويه نور وحدنا
كله بلمطبخ واحنه بالاستقبال
تغدينا وشربنا جاي وابويه خابرني
يسألني وين اني
طلعت من بيت خالتي
اعرفه يضوج لو أكله عدهم
كتله جاي بالطريق قريب علئ البيت
نور انطتني حلويات لفاروق
خليتهم بسياره ورجعت للبيت
لكيت ابويه منتظرني بلباب
نزلت
سلمت عليه وسألني وين جنت
كتله تغديت بره
وظل يحجي وياي شويه
عن سفرتهم ويسألني عن هيثم
اخابره هو مايخابره هوايه من يسافر
لأن يضوج دائما يكولي انت او امي
نخابره
خابرته و
اطمانيت عليه وكال باجر ارجع
وابويه ظل يوصيني علئ الشغل
وعن شركه هيثم
اوك يأبه ه. اني راح اشتغل بيها
