26
اخر ربيع
للكاتبه بنت الرافدين
تسلم مايامر عليك عدو
واني دااحجي هاي الكلمات
والسماعه نجرت من ذاني
سحبها مني قوي وخلاها يم اذنه
يسمع احجي ويه منو
والرجال بعده يحجي وياي
ماطول بس سمعه صوته سده التلفون
اني صرت اغلي من العصبيه
شنو هاي ليش هيج سويت
لزمني من ايدي هو واكف واني كاعده
كومني صرت كباله
وين منو جنتي تحجين ؟؟؟
يحجي هو والشرار يطافر من عيونه..
شبيك بهجت مو سمعتني احجي
ويه الرجال شون تسد التلفون بوجه
ما احس اله راشدي قوي على خدي ..
يعني تحجينها ولا هامج احد
انتي منين جايه لج.
خزرته وخذيت التلفون
ودكيت على هدى مره ثانيه
اول رنه ورد ابوها
قربت السماعه على بهجت وحجيت
هلو عمو اسفه التلفون انكطع
لا بنتي عادي هسه اصيحلج
هدى بس حبيت اطمىن عليج
واي شي تحتاجين حسبيني ابوج
احس اختنكت وكتله عمو تسلم
سلملي على هدى وبعدين اخابرها
هسه اجاني ضيوف
ودعت الرجال وخليت التلفون
بيد بهجت وصعدت فوك وقفلت الغرفه
شوي واسمعه يدك الباب
ويكول اسيل فتحي الباب خلي نتفاهم ...
ما رديت عليه بس
يا قهر الي بكلبي يعني شون
اخلص هل سنه ويه هيجي بشر
اني الي بعمري محد حاسبي
يجي يطعن بشرفي
ما اكول بس يارب صبرني وعديها على
خير هل سنه الكشره وارجع لحياتي ودوامي
تمددت على الجربايه
واجتني الخنكه احس اريد اتنفس ماكو كعدت وضليت افرك بصدري واكول ويه
نفسي مي خالف اسيل تحملي
هم الهم فضل عليج
لو مو وهو هسه امي الله يعلم
بحالها اهم شي حسها بالدنيه وكلشي يتعوض
الحياه ما تنطي اله تاخذ شي
تحسنت شويه
كمت فتحت الباب واشوفه بوجهي
يعني ما نزل باقي منتظرني
باوع بوجهي وذب حسره ...
ردت اتعده سد الطريق ..
اسيل اسف بس شسوي
اجيت ولكيتج تحجين ويه
رجال
واني منبه عليج ما تخابرين يعني ترديني اصفكلج ..
رفعت وجهي بوجه وحجيت...
لا ما تصفكلي بس استفسر اول
تعرفني شنو تربيتي
مو اني الي اخون بهجت اعرف ناسك
عفته
ونزلت رحت للمطبخ ...
اجه وراي اسف حبي مره ثانيه استفسر
من عيوني بس لا تزعلين
شلت الصحن الي جان على الميز
وخليته بالسنك وحجيت
عادي ما صار شي..
اني اريد اخلص من وجهه
وهوه وراي
يعني سماح ... حجاها وتقرب علي
لزم خدي وكال ادي كسر ان شاء الله اني اضرب اسوله
بس حسي بيه والله اشوفج
بالبيت وما مصدك هجي جمال وشخصيه
الي اني بالحلم ما متخيل
تصيرين الي بس ساعه شيطان
جريت ايده الي على خدي ونزلتها وحجيت..
عندي شغل خلي اكمل وخرت من يمه
تمام اشتغلي براحتج.
عافني وراح للهول
واني بقيت بلمطبخ
بالله شنو اسوي غداء
فتحت الثلاجه و
طلعت دجاج الي زاد من امس
ونكعت تمن وحمست البصل
وشعريه وطبخت التمن وسويت حشو وكملت البرياني
واني اشتغل من غير واهس
بس إلهي نفسي
