٦٠.
اخر ربيع
للكاتبه بنت الرافدين
بغداد
سنه ٢٠١٨
بيت الحاج بهجت
أو يوسف
يوسف
من بعد مارجعنا من النجف
هذا أبويه من يوم وفاه امي اسيل
لليوم لازم كل ليله جمعه يبات عند قبرها
من واني زغير
ولهسه لازم كل جمعه هو يروح.
الها
من واني و زغير وهو يأخذنا اني واخواني
اني عندي هواي عندي ذكريات وياها
حتئ وجهها لهسه اذكره
هواي اني واخواني نشابهه وكلنا نشبها لأمي
الله يرحمها
ابد ماخذين من ابونه شي يجوز بالصفات واو بلتربيه
نشبها بس بشكل لا
بس امي اكثر احد يشبها
هو هيثم من عدنا وهم عنيد ولسان ابد ماينطني مجال لأحد
حتئ بوجهه اوبوي يوكف
مرات يعصب عليه وخصوصا إله الشي متعلق
بدراسته ومستقبله
بس بسرعه يتراجع
ويرجع يصالحه ويسوي إلى يرده
هواي يعشق السفر والسهر
والطلعه ابد مايحب البيت
وآله كعد للبيت
منو يسلم من لسانه علئ رغم ماياذي احد ومرح
ويسوي حركه بلبيت
بس ابد ماينطي مجال كل كلمه بعشره يردها
يعني هو السنه بالسادس ولازم يدرس
ويشد حيله اول شهر ثاني شهر
كال مليت اريد اسافر دبي كم يوم.
مدام. شتاء والجو حلو
اول ابوي عصب تالي
وراه يومين من شافه زعلان مايكعد ويانه
علئ الاكل هو راح بنفسه
حجزله وكمله الفيزا َوخلاه يسافر
يرجع كم يوم ويكول اريد اسافر لغير
دوله
هيج. مخلص حياته
ودائما هاي كلمته إلى هواي تأثر
بابويه وتخلي يحظنه ويسولي إلى يرده
اني اعشق الحياه ماأحب ابقئ بالبيت اختنك.
ماعرف شنو هل السر بهاي الكلمات
اخوي الزغير فاروق أو فراق مثل ماسمته
أمي وكأني دكول راح افترق عنه
فاورق هذا ورح لأبويه مو بس ابنه
ماينام إله صدره صح هو عنده غرفه
اله بس أبويه ينام وياه
فاروق احنه نسمي مانحب نسميه
فراق
نحسه بي كميه قهر لذلك نغيره
بس أبويه يسمى فراق مايبدل اسمه ابد
هذا يحب الاكل أهم شي بحياته
علئ طول ياكل
حتئ وزنه يزيد
مرات من يريد شغله من أبويه ويرفض
أكله سوى مثل هيثم وازعل وعوف الاكل
يرد عليه وشون إله مااكلت ابقئ
جوعان ماكدر
ههههه هسه مو اني اريد اساعدك
وآله علئ الاكل ادزلك. دليفري من ينام
أبويه
هو وين ينام غير بغرفتي
بعد وين اكل
اسكت عنه يوسف هو هذا وين يكدر بدون الاكل
شنو دلفيري وين ينفع وياه
ماتشوف امي شكد تطبخ منو ياكل غيره
ههههههه
اسكت علئ اساس انت الي ماتكل بس غير كله بره
وتجي ودكول مااشتهي
يظلون ينتاكرون هو هيثم
بس اني قليل احجي أكثر شي
اسمع الهم. واضحك مانسكت اله لمن يجي
أبويه
هسه هو ثالث متوسط بس ماشاء الله
أطول مني وسمين يبن رجال شكده
اني من ناحيه اخواني
اقصرهم
هما علئ أبويه أو خالي أحمد طوال
بس اني طولي مربوع علئ امي
هيج يكولي
٠٠٠٠٠٠
أبويه
من يوم وفاه امي لليوم هو مايضحك.
بس مرات ويانه كوه تطلع منه
اذكر قبل وفاتها واحنه زغار
اذكر شون جانت توصيني على خواني علئ رغم اني زغير
بس دائما دكلي انت رجال مو زغير
كبرت واني اعتز بهاي الكلمه
وتوصيني اصير شاطر واصير مهندس
طبعا ابوي عمل المستحيل من كنت بسادس
حتئ اجيب معدل يدخلني هندسه
صح اني جنت شاطر
بس أبويه
ماخلئ مدرس ولامرشحات ولاملازم
أكفه المدرسين جانوا يجيبهم الي
بلعفل جبت معدل عالي وردت
صيدله أو طب أسنان وجان معدلي ياهلني
ادخل
بس هو أصر علئ الهندسه
اني اعرف هو يقصد علئ وصيه امي
قبلت وسجلت
هيج أبويه كلامها محفور بكلبه
اذكر بيوم وفاه ومن راح دفنها
مارجع بقى هناك يمها بايت ٣ ايام.
الئ أن نقلوا للمستشفئ صار وياه ذبحه
صدريه
عمي وأولاده هما الي جانوا متكلفين بي يهتمون بي
أركان عاش عدنا سنه كامله. هو يشيل و يخدم يابويه
واخويه فراق جان
زغير
ودائما مريض
عشنا معناه جبيره
وفاه آمنا واحنه أطفال وابويه إلى مايدري بدنيا
عازل نفسه ويبجي وينحب
ولايحجي هوايه ولايعرف عن شغله شي
ولايستقبل احد ولايكعد
يم خطار بس عمى و عمتي هما يصعدوله
فوك. وماينفع يملون وينزلون
بس احنه جان يطلب نصعدله يحظنه ويظل يبجي
واحنه أطفال مانحب البجي والحزن.للذلك.
صرنا بعيدين عنه
بقئ هيج أكثر من سنه ونص
بس تالي بدء يرجع ينزل
يهتم بينا سجلت مدرسه وبد هو يوصلني ويسألني
عن دروسي
وهيثم. هم سجل روضه وهو يوصلنا
شويه شويه بد يرجع لشغله
بس نفس حزنه وقهره
تعلق باخويه فراق هواي
جان حتئ الاكل هو يكوله ويطلعه وين مايروح. يمكن هو السبب إلى طلعه من عزلته
واحنه جنه مسؤوليه امي عفاف هاي الي ربتنا
اني واخواني نعرف هي مو آمنا مرت ابونا
بس احنه نحسها هي آمنا
هواي تعبت لحدما كبرنا وصرنا شباب
