34
اخر ربيع
مساء الخير
الله بهجت شكد حلو عفيه خليني اسافر وياك
شنوووو؟؟؟
وين ترحين شنو اني رايح العب
واخدج وياي
بابا عندي شغل شنو اني رايح اتونس مثلا اخذج
وياي
اعرف عندك شغل بس امنيتي اشوف الأردن عفيه
اخذني وياك
حتئ لو ابقئ بالفندق هم قابله
والله ةحتى لو ماكو طلعه أو اروح مكان
بس عفيه
لج شنو الأردن َوراه البيت
سفر وجواز
اكول سدى الموضوع اني صوجي احجيلج
هاي انت واحد ماياخذ منك حق ولاباطل
اسكت هواي احسن
درت وجهي عنه
اي طبعا لأن طلبج مو معقول
تسافر وين تسافرين
شكد مغرور وشايف نفسه واناني
هو مو اخته واخو هناك شكو بيها لو اخذني
بس اناننيته مسيطره عليه
ثاني يوم الصبح بعد ماطلع واني اشتغل
اجتي عمه كالت اسيل هاي ملابس بهجت
خليتهم بالحمام اغسليهم واكويهم
عنده سفر
هاي يعني تعرف يريد
اكيد تعرف معقوله اني اعرف وهي لا
شوكت يسافر؟؟؟
خلال هذا الاسبوع
اكول عمه
امممم
ليش، ماتسافربن وياه
وين اروح
وين يقبل هو رايح عنده شغل
اي شكو بيها روحي تونسي هم؛ وهم شوفي ام
وسرمد
ومرت اخو بهجت
والله خوش فكره تحجي وهي مخليه ايدها علئ خدها
وكان تتخيل الفكره ومضيقه عيونها
بس الوقت متأخر لوما مذكرتني من وكت
وين ادري اني
هو البارحه يالله حجالي
اشوف
واني عندي جواز كامل
اي لعد مابقئ شي
بس تحضرين جنطتج
اي شنو عندي ملابسي نص ساعه اكملهم
اي والله سافري
كملت وصعدت
وهي بقت تخطط كلش عجبتها الفكره
ماعرف ليش هيج كلت يجوز اريد اشوف رده فعله
وكلامه نفسه وياي لو يختلف
اريد اشوف الحقانيه والعدل إلى يحجي عنه
صح اني ماحبه بس هم مااكره ولااحقد عليه
على الرغم الي سواه بيه
بسراني طبعي ابد مااحقد
ويجوز مااحبه مو قصور بي بس اني ،
كلبي مو بيدي
بس اني حاليا زوجته وعندي حق يمه
صح اني ماريد أطول وياه
بس هم اني عايشه عنده حتى لو
هو زواج مؤقت ومو كامل هوايه بي نقص
بس مهما يكون هو زوج واعيش وياه حياه كامله
واني مامقصره وياه بشي
والمره بطبعها تحب الاهتمام والدلال
تحب تسمع الكلام الحلو حتى لو مو من الشخص الي تحبه
لليل اجه بهجت
عمه كاعده نتنظره اليوم جوه بس هم مرات يصعدلي
حتئ دكوله علئ موضوع السفر
صح البيت مابي احد دائما هدوء
بس اليوم أصواتهم عاليه
طلعت من غرفتي اسمع صح اني ماأحب اسمع الهم خصوصا إله جان طالع مسلسل
لو يحتركون مااتحرك من مكاني
لو أبويه يطلع من الكبور مااكوم ويكولي كومي استقبله
اكلهم خلي يخلص المسلسل
بس اليوم السالفه دسمه وخصوصا سمعت بهجت يحجي باسمي أكثر من مره
طفيت التلفزيون
