11
مساء الخير
اخر. ربيع
رفعت ايدي من الطابعه وكمت على حيلي
انت منو سمحلك تكعد.هو مدنك
كتلك عوفهم اكملهم اريد.اكمل كلامي
وانصدم بي
شجابك.
وكف خبال حتى خبال انتي ماتعرفين اله تعاركين رجعت كعدت اشتغل وماحجيت شي
هو يضحك اباوع على اوراقه الي جايب هم اطبعهم
قصيده شطولها
وكاتب جوه من قلبي الملوع بنارك
الى روحي العنيده اسيل
جوه الورقه ورده جوريه طبيعيه تخبل
عفت الاوراق على جهه
واني اشتغل مابينت اي ردت فعل بقيت بزعلي
شوكت تخلصين
مارديت
مو داحجي وياج
التفت منا ومنا لان جنان وموفق بلغرفه
خبله انتظرج برى مو طولين
روح قصي اني عندي هواي شغل.
كام انتظرج بره وعمزلي وطلعي
يالله الفرحه ماسايعتني احس روحي ردت الي
طبكت الاوراق وظميتهم بجنتطي هي بلورده ماكدر اطلعها عيب من للموظفين
ظليت اشتغل بكل طاقاتي بس اريد اخلص
واباع بعد.نص ساعه لنهايه الدوام
سرعت اكثر حتى اخلصهم واسلمهم واطلع
كملت طلعت ورحت للحمام اعدل بنفسي وحلكي مفتوح وحده يضحك بدون سبب
صدك لو كالوا الفرح نص العافيه
طلعت اخذت جنطتي ومحاظراتي وطلعت لكيته واكف يدخن ويروح ويرجع نفس مكانه
ولايبطل طبعه لازم يدخن من ينتظرني
جريت نفس وكلت
لنفسي اثكلي شويه كافي مخفه
اجيت وصلت يمه باوعتله بطرف عيني وكملت
طريقي
هو ظل مستغرب
اجه ورايه لج اوكفي
اني مستمره امشي
والقران يااسيل اله ما وكفتي اله اشوفج
منو قصي
وكفت شرايد
شبيج وجههج مايكصه السيف ها
والله
وتسال شنو اني عندك لعبه شوكت ماعجبك تزرل
وشكوت ماعجبك تصالحني واني تريدني افرح بجيتك وانتظرك
رووح بابا
للرخيصات الي تشوف العالم كلها مثلهم
بس اني لا
مشيت سريع وصعدت بسياره بس كلبي يدعي ربي يكون يرجع ومايروح ويزعل
باوعت للباب اجه صعد.كعد يمي
اي ست اسيل شون ترديني اراضيج
بالله
درت وجهي عنه
يابه اني اسف وحقج عليه ولو انتي ماقصرتي وياي بس اني كلبي جبير َاني إلى ابادر
الله ياكبير
جان ضبطت اعاصبك وبوقتها بلا
هل الهوسه كله
غير من غيرتي عليج انتي ليش ماتصدكين
اني احبج اسيل مو بيدي
بشنو تصدكين احبج
ماريد اصدك.
تريدن اصيح بعلو صوتي واسمع كل الي بلسياره
حتى تصدكين
مو بيدك مفضوح هههههه
اي هيج اضحكي مو نشفتي ريكي
تستاهل حتى ماتعيدها
عمي والله ماعيدها بس اكلج انتي هاي علئ
طول تعاركين
صفنت بوجهها شون ؟؟
من ساعه من اجيتج وردتي★ تتعاركين وياي
لعد انت
مكيف تريد تكعد يمي
ايباه لعد هسه اني وين كاعد
مو يمج
بقينا نسولف الى وصلت للبيت كلي طاقه
والفرحه ماليه صدري واني ماريد انزل من السياره
رجعنا اني وياه احلى من قبل
هم الصبح سواه والعصر يجي عليه يوصلني للبيت
بس السنه بدت تنتهي وهما راحوا يسون حفلتهم ويريدني احضر وياه
بس اني متردده استحي ماعرف احد.بكليتهم بس هو علي صديقه
وااني ماحاضره حفله قبل
حجيت لهدى وهي شجعتني وكالت روحي وياه
صعبه هدى بصفتي منو احضر وياه
هسه لو مخطوبين بيها مجال بس هيج
يامعوده عادي زميلج وعازمج
مادبرها هدى
لج اليشوف لسانج يكول هاي
ماتعرف الخوف وهسه تكليلي
استحي واخاف هي حفله
زين ليش مانروح اني وياج
واني شنو موقعي من الاعراب
جار ومجرور
ههههههه اشوف اكل لامي وارجعج خبر وصراحه بلكي اشوفلي محامي حيلوه بدل مامكابله
شباب الاداب العقد.
والاوستاذ شو نسيتي
لا هذا حبي الاول مايتبدل ابد
والله ياهدى اليسمعج يكول هاي مامخليه واحد
مامصداقته بس انتي بس السان
منين ياحسره هو واحد وماكو
ان شاء الله يجي قريبا ان شاء الله
اجه قصي العصر وكتله استحي وماعرف احد.يحوز مااحضر ضاج وكال شمعنى انتي
كل اصداقائي حبيباتهم وياهم بس
انتي تستحين وماتردين تجين لو
اخاف شويه تفرحيني
استحي والله
هو منين تستحين غير اني وياج
ظل يقنعني بس اني متردده
