36
اخر ربيع
مساء الخير
بهجت
اسمي، بهحت يعني الفرح والسرور بس،بحياتي ماشفت الفرح
خلصت عمري بس اشتغل واكد.واتعب اني من طبعي
عصامي احب اطور نفسي واجمع ثروه وفلوس،
احب اكون مميز مااحب يكون احسن مني
احنه عائله ميسوره الحال
بس مو عائله جبيره 3اخوان و2اخوات
ابونا جان عنده محل قماش،يعني بزاز
واحنه الولد.جنه نشتغل وياه
من نرجع من المدرسه وايام العطل
بس اني ماحبيت شغله ابويه والقماش
جنت دائما اروح لبيت خالتي
وزوج خالتي يشتغل بلعقار والبناء ودائما
يطلب مني اشتغل وياها
اشتغلت وياها تعلمت على شغله العقارات والبناء
ؤصرت شاب
وصرت ابيع واشتري
واستقليت بشغلي عن
اهلي
وهي بيها وارد زين
وطورت من نفسي
قررت اغير شغلي عن شغل اهلي
واشتغلت
تالي اخوي مؤيد.ابو زياد.هم اشتغل وياي
ومشت الدنيا واني اشتغلت
وطورت هواي من نفسي وحالتنا صارت احسن بهواي من قبل
اخوي مؤيد.ازوج
بقى ويانه فتره تالي طلع بيت وحده
بعد.ماصار ابنه زياد.
بقينا اني وشاكر
واختي
وامي ابويه
اختي احلام زوجت الي هي ام سرمد.
واني حبيت بنيه اشوفها على طريق المدرسه
من اجي واروح للشغل
هي من عائله فقيره
تصير قريبه على منطقتنا منطقه شعبيه
جان عمرها 17./18
بس جانت ثالث متوسط
يجوز راسبه او تاركه
من تشوفني تبتسم وتمشي بطى
حتى صاحبتها تعوفها وتروح
واني اظل امشي واسولفها لو اقرالها شعر دارمي
مو هواي بيت او بييتن
الى اوصلها لبيتهم.
امي بهاي الفتره ظلت تلح عليه حتى ازوج
وصل سراك. ولازم تتزوج ويصير عندك.عائله
وبدت تلح عليه ويوميه تحجيلي نفس الموشح
سنه ١٩٧٩
حجيتلها عن عفاف وكتلها اني رايدها
اول ماقبلت كالت الك بنت خالتك.
كتلها مو بيدي يمه كلبي هو يريدها
وابويه هم جان يكول هو كيفه لاتجبري
بس ظلت تقنعني واخطب بنت خالتي الى ان ملت
و،قبلت وراحت لبيتهم.حتى تشوفها
حسب ماهي تحجيلي
دكول اول مادكيت الباب طلعتلي بنبه شابه
تخبل
صاحبه بشره بيضه
بياض ناصع
امي مكيفه عبالها هاي العروس
بس طلعت جنتهم.ام احمد.
من شافت العروس ماقبلت عليها
دكول مو هواي حلوه
خشمها جبيره وبشرتها مو بيضه
ومابيها شي مميز
شنو عجبك بيها
يمه اريدها وشبيها مو حلوه
اشو اني اشوفها حلوه
هي وينها وين الجمال بعد.الشرق عن الغرب
هيج بينها وبين الجمال
انت لو شايف مرت اخوها
هاي الي ياخذها يكول عندي مره
مو هاي
فوك فقرهم وبيتهم هلكدتوه وقديم
يمه وانت شاب وطول ضخامه
وفلوس واهل وسمعه خلي اخطبلك.بنت خالتك.
بقت تلح
كم.يوم معانده تالي قبلت وراحت خطبتلها وصارت القسمه
