25
اخر ربيع
مساء الخير
كعدت.الصبح على همسة
بهجت وشفايفه على ركبتي وهو يكعدني
اكعدي اسوله
باوعت واني بعيني النعاس شكو
بهجت مو بعد وكت
وهاي الجريايه عدها عزف موسيقي بس اتحرك تلحن بصوت شكل
فضيحه مو جربايه
اكعدي صلي ورجعي نامي
اي كعدت
اريد اكوم احس ظهري مكسور
امشي جني عجوز محدبه
هاي بعد.كم يوم الزم عصا
وامشي اله ابقى انام عليها
عمي فراشي الي عند اهلي هواي ارحم
الي شفته بهجت هوايه مواظب على الصلاه
غسلت واجيت اصلي لكيته نازل
خفه وراحه صليت ورجعت نمت
هو بعد ماصعد
كعدت الصبح هم على صوت بهجت
صباح الخير
صباح النور هو يتلمس بخدي
ياربي علئ الترافه
اكعدي اسوله
امج حجتي
امي
اي مو البارحه كتيلي
اي صح
بسرعه طفرت رحت بدلت لبست
الدراعه الي جابتها الي
وخليت مكياج اسوي نفسي سعيده يمها
وشعري سشورته
عدلت الغرفه ونزلت جوه لكيت
مواعين بلمطبخ
يمكن هو متريك رفعت ردني
وغسلتهم ورتبت السنك والطباخ
واني بلمطبخ شفت الباب الكراج
انفتح ودخلت امي يمه احس
روحي جانت غايبه ورجعت الي
ركضت عليها حظتنها وهي
هم بوستني بشغف
بقيت بحظنها واحنه نمشي بلحديقه
دخلنا واشوف بهجت واكف بلباب
وعينه عليه دخلنا للمطبخ سلم
على امي وباركتله وهم كلمتها
المعروفه من تنادي
تعر وفها ميحتاج اكتبها
اخذتها للهول
وظلينا نسولف
سالتها على ساره كالت تستحي تجي
وبقت عدها خياط.
سالتني عن. زواجي كتلها حمد الله
تمام
وظلت توصي ماطول لساني واتحمل
واصير حبابه
جايبه وياها علاكه بيها بدله هي مخيطتها
قصيره حفر وفوكها
يلك او هسه يسمو بوليره
وكلها تطريز تعرفني احب القصير
وياها ملابس نوم هم من خيطاها
وكعك.وحلويات بعلاكه
صعدتها تشوف غرفتي التحفه
شافتها وهي تصلي على البني
اخاف الباب مال الكنتور
يوكع من كد الجمال والفخامه
والله يامي شكد.فطيره
وليسمعها تصلي على النبي
يكول هاي الفخامه مالت الغرفه ماكو مثلها
سألتني كالت ليش ماكو برده والشباك فارغ
سولفتها عل البرده
كالت هسه امر للسوك
واخيطلج برده بلون الفرشه
اي عفيه يمه ماريد الوان طوخ
تسوي عتمه واني اختنك وخلي جواها شيفون
صاح عليه بهجت عفتها ونزلت
كالت تعاي سوي لامج ريوك
شنو ؟؟
شبيها هي ماتريكه مثلا
هي تكعد..من الفجر
اي بس عيب غير ضيفيها تخلين كدامها شي
اي هسه اضيفه بس مو ريوك
فتج الثلاجه وكال هذا بطاله
ببسي اخذي قدمي الها
اخذت بطل وكلاص وصعدت
وهي امي اصلا ممنوعه من هاي
الشغلات الي بيها سكر
لان تاخذ كيماوي
خليته كدامها ابد مشاربته
ظلت توصيني احاف تجي
عمتج صيري حبابه وياها
ترى المشاكل تقصر العمر وتجيب الفكر
يمه لا كل كلمه تسمعيها تردين عليها
اسمعي من هنا طلعي منا
