မောင့်နှောင်းငယ် (Complete)

Ep-18 (uni)

မနေ့ညကဖြစ်ပျက်ခဲ့သည့်ကိစ္စကြောင့် နှောင်းတစ်ယောက်ကတော့အိပ်မပျော်ခဲ့...ရင်ခုန်ရ၍လား ဒါမှမဟုတ် ငြင်းခဲ့မိသည်ကြောင့် စိတ်မကောင်းလို့လားဆိုတာကိုတော့ နှောင်းကိုယ်တိုင်ကပဲသိလိမ့်မည်။

ပုံမှန်နေ့တွေအတိုင်းဆေးရုံကိုသွားဖို့ပြင်ဆင်နေလိုက်သည်။ခါတိုင်းနဲ့မတူတာက အလုပ်သွားဖို့ပြင်ဆင်နေတိုင်း good morningဆိုတဲ့စာလေး၀င်မလာတာပဲဖြစ်သည်။သူအလုပ်တိုင်းဖို့ပြင်ဆင်နေတဲ့အချိန်ဆို ဇာမ်မင်းဆက်အိပ်ယာနိုးချိန်ဖြစ်ပေလိမ့်မည်။ဘာကြောင့်ဆို သူနဲ့အပြန်အလှန် morningဆိုသည့်စာပို့ပီးသည်တိူင်း "ကျွန်တော် မျက်နှာသစ်လိုက်ဦးမယ်နော်ကိုကို"ဆိုတဲ့စာလေးကြောင့်ပဲဖြစ်သည်။ဇာမ်ဘေးမှာရှိနေတုန်းက နွေးထွေးမှုကိုမေ့နေသည်လား.. နွေးထွေးမှုမရဖူးတဲ့ သူ့အတွက်တော့ မေ့နေခဲ့သည်ကမဖြစ်နိုင်။ရှိတုန်းကလဲ တန်ဖိုးထားခဲ့ပါလျှက် မရှိတော့လဲနောင်တရမိပြန်ပီ။ဘာတွေကများလွဲမှားစေခဲ့သလဲတော့မတွေးတတ်...

ဒီနေ့ဆေးရုံက ဟောပြောပွဲရှိသည်..ဘာတွေနားဒုက္ခပေးဦးမလဲတော့မသိ။ဒေါက်တာတချို့နဲ့ ကျောင်းသားတွေတက်ရမယ်တဲ့..သူနာပြုအနည်းငယ်လဲပါသေးသည်။ထို့ကြောင့်အဖြေစစ်နေတဲ့ စာအုပ်တွေကိုဘေးသို့ရွှေ့လိုက်ပီး ထိုင်နေရာမှထလိုက်သည်။တွန့်​ကြေနေတဲ့ အ၀တ်အစားကို အနည်းငယ်ပြုပြင်လိုက်ပီး ဟောခန်းထဲသို့ထွက်လာလိုက်သည်။သူနာပြုအချို့နဲ့ကျောင်းသားတွေရောက်နေပြီဖြစ်သော်လည်း ဆေးရုံအုပ်ကြီးနဲ့
ဆရာ၀န်တချို့လဲကျန်သေးသည်။ဘာရယ်မဟုတ် ကျောင်းတက်တဲ့ ကလေးတွေ assemblyစီရင် crushကိုခိုးကြည့်သလိုမျိုး အခုနှောင်းလဲ ဇာမ်မင်းဆက်ကိုတွေ့လိုတွေ့ငြား ခိုးကြည့်လိုက်သေးသည်။ နေရာအစုံကိုကြည့်လိုက်ပေမယ့် မတွေ့မိသောကြောင့် မရောက်သေးတာဖြစ်နိုင်သည်။

ခဏအကြာတော့ ဆေးရုံအုပ်ကြီးနဲ့ ရှေ့ဆင့်နောက်ဆင့်၀င်လာကြသည်။အခုလိုတွဲကြည့်မှ သားဖနှစ်ယောက် အတော့်ကိုတူတာပဲ။
လမ်းလျှောက်ပုံတွေကအစ အရပ်အမောင်းကလဲ သိပ်မကွာ ဇာမ်မင်းဆက်က နည်းနည်းပိုရှည်ရုံ၊ခန္ဓာကိုယ်အနေအထားဆိုလဲ အုပ်ကြီးက လူကြီးဆိုတော့ နည်းနည်းခပ်ပြည့်ပြည့်ဆိုပေမယ့် ရွယ်တူတွေကြားမှာဆိုရင်တော့နုတယ်ပြောရမယ်။ဒါတွေကြောင့် ဇာမ်မင်းဆက်နောက်မှာအရှိန်အ၀ါတစ်ခုခုရှိမှန်းသိသိသာသာ ဒီနေ့လက်တွေ့မြင်လိုက်ရသည်။အနောက်ကလိုက်ပါလာတဲ့ဇာမ်မင်းဆက်က လက်ရှိပစ္စုပ္ပာန်က ဇာမ်မင်းဆက်၊အရှေ့ကနေ အရှိန်အ၀ါကြီးစွာ လမ်းလျှောက်နေတဲ့ ဆေးရုံအုပ်ကြီးက အနာဂတ်က ဇာမ်မင်းဆက်....ဇာမ်မင်းဆက်၀င်လာကတည်းက ကောင်မလေးတချို့ အဓိကအားဖြင့် ဆေးကျောင်းသူတွေပေါ့ သမင်လည်ပြန်အောင်ထိလိုက်ငေးနေတာကြောင့် စိတ်ထဲစနိုးစနှောင့်ဖြစ်မိလေသည်။ဇာမ်မင်းဆက်က အနောက်ဆုံးတန်းက ထိုင်ခုံမှာနေရာယူလိုက်သည်။နှောင်းက ဇုမ်မင်းဆက်ရဲ့ မျက်စောင်းထိုး ၂ခုံကျော်နေရာမှာ...