دانا :
ما امداني اكمل كلامي الا سمعت صوت احد يطق باب الحمام خبيت الجوال فوق ال شاور و فتحت الباب طلع في وجهي رشاش لما شفته خفت وجيت اطلع مسكني وقال " مين كنتي تكلمين ؟ " قلت له " ما كنت اكلم احد ! " قال " سمعتك تتكلمين " قلت له " انت تشوف في احد معي بالحمام عشان اكلمه ؟ " طالع فيني بنظره تخوف و طلعت ورحت انام .
رشاش :
مشيت لها السالفه و رجعت انام ، جاء الصبح جلست مع العيال نضبط خطتنا و نجهز اسلحتنا و وضعنا عشان نروح نربي العقيد عزام ونعلمه درس ما ينساه طول حياته وجهزنا وضعنا وطلعنا .
دانا :
لما طلعوا كنت خايفه ان تكون امي لسه بالبيت و يصير لها شي رحت عند جود وقلت لها " جود بقول لك شي " قالت لي " قولي " قلت " رشاش وعصابته رايحين يذبحون امي " قالت لي " ليه وش دخل امك يذبحونها " قلت لها " العقيد عزام اللي ماسك قضيتهم هو ابوي ويبون يذبحون امي عشان يترك القضيه " قالت لي " شنسوي الحين اخاف ما يمدي نلحق عليها !! " قلت لها " انا امس كلمت امي وقلت لها تطلع من البيت بس احس اني مو مرتاحه وابي اتأكد انها طلعت من البيت " قالت لي " تعالي اجل نحاول نطلع من هالبيت دامهم مو هنا ونتأكد انها مو بالبيت " قلت لها " يلا "
جود :
طلعنا الحوش لقينا حراس سعيد و رجعنا دخلنا البيت حاولنا نهرب بكذا طريقه بس ما قدرنا كانوا الحراس في كل مكان وكل ما نطلع يشوفوننا ، طلعنا انا و دانا نمشي في الغرف من الطفش و قعدنا نتليقف ونفتش الدروج لقيت في الدرج اوراق و قلم اخذتهم وناديت دانا و قلت لها " شرايك ارسمك ؟ " قالت لي " تعرفين ؟ " قلت " ايه اعرف شوي يلا اقعدي قدامي و برسمك " جلست دانا قدامي وجلست ارسمها .
عمر :
وصلنا بيت العقيد عزام و توزعنا حوله نراقب داهمنا البيت انا و رشاش و سلطان قعدنا ندور في الغرف ولا لقينا احد دخلت غرفه من الغرف لقيت فيها كتب عن الطب وقعدت افرفر في الكتب ولقيت بنص الكتاب صورة دانا مع امها انصدمت لما شفت الصوره وحطيتها في جيبي و سكتت .
دانا :
رجعوا العصابه ل البيت واجتمعوا في الصاله يتكلمون وقفنا انا وجود عند الباب نتسمع سمعت رشاش يقول ل سعيد " البيت فاضي مدري وين راحت واختفت " قال سلطان " شايله اغراضها كأنها منحاشه مننا " قعدوا يتكلمون عن بنت العقيد عزام وان يبون معلومات اكثر عنها الا قام عمر وجاء عند الغرفه بعدنا انا و جود عن الباب و جلسنا على الكنب دخل عمر الغرفه وقال " جود روحي الغرفه الثانيه ابي اكلم دانا لحالها شوي " قالت جود " طيب " طلعت جود وتركتنا لحالنا قرب عمر مني وقال " بسألك سؤال واحد وابيك تجاوبيني بصدق " قلت " اسأل " قال " مين انتي ؟ " استغربت من سؤاله وقلت " دانا يعني مين بكون ؟ " قال " اكلمك جد مين انتي ؟ وابوك مين ؟ " خفت وسكتت حط يده في جيبه و طلع صوره من جيبه و رمى الصوره قدامي و قال " انتي بنت العقيد عزام صح ؟ " طالعت فيه وانا مو عارفه ارد الا قاطعنا طلق نار ...
____________________________________
شرايكم ؟ 🕸
تتوقعون عمر بيعلم العصابه عن انها بنت العقيد عزام ؟
