مصلح :
قاطع تأملي لها صوت طق دريشة السياره التفت اشوف مين عند الدريشه لقيت ولد صغير فتحت الدريشه وقلت " شتبي ؟ " رفع الورد اللي معاه وقال " تشتري ؟ " قلت " لا شكرًا " طالع فيني بنظره حزن ونزل راسه طالعت في عمر قلت " معك فلوس ؟ " طلع عمر من جيبه الفلوس وعطيتها الولد وقلت " خذ ذي و روح عند امك " مد لي الورد قلت " خله معك مابيه " قال " امي بتعصب لو ما خذيته " قلت له " امك ما بتعرف اني ما خذيته " قال " الا هي هناك تشوفنا " لفيت شفت امه تطالع لنا ولفيت شفت جود ماشيه وهي شايله قطوتها قلت له " اجل اسمع شفت البنت اللي تمشي ذيك ؟ " اشرت على جود قال " تقصد جود ؟ " استغربت انه عرفها قلت " ايه جود ابيك تعطيها هالورد و تقول لها في واحد اسمه بحرف الميم يسلم عليك " قال " وش اسمك ؟ " قلت " انت قول لها واحد اسمه بحرف الميم وهي بتفهم " قال " طيب بس وش اسمك انت ؟ " طالعت في عمر وقلت " استقعد لي ذا " ضحك عمر وقال ل الولد " اسمه محمد " قال الولد " والنعم " مسحت على راسه وقلت " ماعليك زود يلا اركض ودي الورد ل جود قبل لا يذبل " راح الولد يركض قفلت الدريشه وقلت ل عمر " هالورع يعرف يتكلم احسن مني " ضحك عمر وقال " بس انه عنيد اصر يعرف اسمك " قلت " شكل كل اللي في هالحي متوارثين صفة العناد " قال عمر " زين بعد ما عاند واصر ننزل الشماغ عن وجهنا " قلت " صرفته عشان ما يوصل ل ذي المرحله ويزعجنا بصياحه لو قلت له لا " شغلت السياره ومشيت راجع ل البر .
جود :
كنت ماشيه راجعه ل البيت وانا شايله قطوتي ، وصلت عند الباب البيت وانا داخله سمعت احد يناديني التفت شفت ولد الجيران جاي يركض نزلت القطوه من يدي داخل الحوش وصل الولد عندي مسحت على راسه وقلت " يا عيون جود " قال " ذا الورد من واحد اسمه بحرف الميم ويسلم عليك " طالعت فيه مستغربه وقلت " اسمه بحرف الميم ؟! " قال " اسمه محمد " نزلت له عشان اصير طوله قلت " كيف شكله ذا اللي اسمه محمد ؟ " قال " مغطي وجه في شي زي كذا " قلت " زي وش ؟ " اشر بيده وراي التفت شفت فارس واقف وراي قال " زي كذا " استوعبت انه يأشر على شماغ فارس وقفت عدل وقلت " طيب حبيبي سلم على ماما " جيت ادخل البيت مسك كتفي فارس وسحبني داخل بالحوش وسكر الباب وخرت يده عني قال " مين محمد ؟ " قلت " ما يخصك " مشيت بدخل البيت سحبني بقوه واخذ الورد من يدي عصبت وقلت " خير ؟ مين سمح لك تاخذه ؟؟؟ " قال " محمد مين ؟ " قلت " مالك دخل ! " جيت اسحب الورد منه وهو مو راضي يفكه قلت " اتركه لا اكسر يدك ! " قال " والله ما تتهنين فيه دامه من محمد اللي مدري مين هو " دفني بقوه بعدني عنه وقطع الورد بيده ورماه على الارض ودعسه وراح وقفت مكاني مصدومه التفت عليه شفته رايح لحقته وسحبته من ظهره وانا معصبه وقلت " جعل يدك الكسر ! " ضحك وقال " خلي محمد يجيب لك ورد بدال اللي خرب " قلت " وش يفكك من يدي الحين ! " ضربته على بطنه بقوه مسك بطنه وهو يتوجع ويطالع لي وهو معصب جيت بكمل عليه ضرب بس سمعت صوت الباب ينفتح التفت شفت عمي داخل بعدت عنه وعمي يطالع مصدوم قال عمي " فارس شبلاك " طالع فيني فارس قال " مافيني شي " قال عمي " تعال الصاله الاكل بيجي الحين " قال فارس " طيب جاي " راحوا عمي و فارس داخل البيت ، رحت عند الورد وانا دموعي بعيوني من القهر قعدت اشيل الورد وهو متقطع جمعته و دخلت البيت و رحت غرفتي .
