دانا :
دخلت الغرفه الا تسكر علي الباب التفت شفت واحد متلثم واقف عند الباب بديت اتراجع بخطواتي على ورا قلت " مين انت ؟! " ما رد علي وبقى واقف ويطالع لي وانا اتراجع على خفيف قلت " والله لو ما تقول مين انت لا اصرخ واجمع الكل عليك " بدا يقرب مني وانا خايفه كنت بصرخ بس كان اسرع مني وبحركه سريعه سد فمي بيده وحشرني عند الجدار طالعت فيه وانا خايفه قال " لا تخافين انا عمر " رفعت يدي وحطيتها على شماغه ونزلت الشماغ عن وجهه انبسطت لما شفته ورميت نفسي في حضنه وضميته .
عمر :
رمت نفسها في حضني وضمتني وانا مصدوم شديت الحضن عليها استوعبت انها حاضنتني وبدت تبعد وتوخر خصلات شعرها اللي لصقت في وجهي من قوة الحضن طالعت فيها وانا مبسوط نزلت راسها مستحيه مني رفعت وجهها بيدي وقلت " لا تطالعين في الارض انا قدامك مو تحتك " مسكت يدي المحترقه وقالت " ليه لفيت يدك بشاش " قلت " ما عليك حرق بسيط " قالت " تبي افكه واسويه من جديد " قلت " لا تتعبين نفسك ماله داعي " قالت " ما بتعب نفسي ترى كلها شاش بفكه وبحط لك كريم وبلف لك واحد ثاني " قلت " ما يحتاج يا بنت الناس ترى حرق بسيط من شاهي " قالت " لا يكون من شاهي مهل الملغم ؟ " قلت " ايه " قالت " اجل تستاهل " ضحكنا بعدين قالت " فيني فضول ابي اعرف كيف جيت هنا ؟ " قلت " بطرق عمر الخاصه " قالت " وش هي طرق عمر الخا.. " سمعنا صوت احد يتكلم قريب من الغرفه وخرت دانا عني وراحت عند الباب مسكت مقبض الباب ولفت علي وحطت يدها على فمها بمعنى اسكت فتحت الباب بشويش وطلت التفتت علي واشرت لي بيدها اني اروح الزاويه رحت الزاويه وقعدت اعدل شماغي واتلثم طلعت وسكرت الباب وراها وتركتني بالغرفه .
دانا :
شفت احد الدكاتره جاي مع الممرضه عند الغرفه اللي حنا فيها ولما قربوا طلعت من الغرفه وسكرت الباب وقفت عند الباب من برا وانا اطالع لهم وابتسم حرك الدكتور راسه باستغراب حركت راسي زيه قال الدكتور " دكتوره دانا ممكن تبعدين عن الباب شوي نبي ندخل الغرفه " ارتبكت وقلت " ممنوع " قال " ايش ممنوع ؟! " قلت " ممنوع تدخل الغرفه ذي " قال " وليه ممنوع ! الغرفه فاضيه وش السبب لمنع دخولها ؟ " قلت " لأني توني نقلت احد المرضى ل الغرفه ذي والمريض يبي يرتاح وممنوع تدخل عليه الغرفه " قال " بس دكتوره دانا انتي وظيفتك هنا مو نقل المرضى من غرفهم ؟! " قلت " صح بس صديقتي صار عندها ظرف طارئ واخذت مكانها اليوم ونقلت المريض " قال " تمام بس انتي بعد اتركي المريض بحاله ينام لا توقفين عند غرفته وتزعجينه " قلت " ابشر " راح الدكتور والممرضه وبقيت واقفه انتظرهم يبعدون ، لما بعدوا عن الغرفه فتحت باب الغرفه بشويش ودخلت بهدوء شفت عمر واقف ورا الباب خايف ضحكت عليه وقلت " تحسبني رحت وسحبت عليك " قال " خفت يوم جيتي المره الثانيه حسبت احد غيرك " قلت " لا معليك مو انا اللي اسحب عليك واغدر فيك " طالع فيني قلت " نزل شماغك عن وجهك " نزل شماغه عن وجهه قلت " شعندك جاي هنا ؟ لو احد شافك كان رحت فيها " قال " جيت اشوفك " قلت " طيب شفتني يلا تقدر تروح " قال " ما بروح لين اشبع من شوفتك " جيت وسحبته مع يده وقلت " روح الحين وتعال بعدين بمكان عدل مو بالمستشفى هنا بسهوله بيصيدونك " قال " مقدر اجي بعدين " قلت " لو تبي بتقدر الحين روح مثل ما جيت انت وخططك الخاصه قبل ما يجي احد ويصيدك " قال " دانا دقيقه بكلمك شوي " سحبته عند الدريشه وقلت " وراك دقايق كثيره تتكلم فيها بس الحين مو وقته يا عمر " قال " دانا انا بعد شوي بهج من هالبلد " وقفت وطالعت فيه وانا مصدومه قلت من الصدمه " ما فهمت ؟ " قال " يعني ذي اخر مره نشوف بعض " تركت يده وطالعت فيه مو مستوعبه اللي يقوله .
