مصلح :
ولعت دخاني وجلست امشي حول المحل وانا امشي سمعت صوت صراخ رحت من طريق الصوت و شفت ولدين ماسكين بنت و يتحرشون فيها رميت دخاني و ركضت و بعدتهم عنها وهي تصيح وتضاربت معهم و انحاشوا لفيت على البنت ورمت نفسها في حضني وهي تبكي استغربت وحسيت بشعور غريب لما حضنتها وجلست اهديها ما كنت وقتها مركز في البنت بس بعد ما هدت ركزت في وجهها طلعت جود طالعت فيني وهي ساكته حسبتها ما عرفتني بس تأكدت انها عرفتني لما وخرت عني ولفت تبي تنحاش مسكتها مع يدها وقلت " على وين ! " حاولت تدف يدي عشان تروح بس جاء قحص وشافنا .
قحص :
شفت مصلح واقف ومعه بنت قربت منهم طلعت البنت جود اللي بلغت علينا جيت ومسكتها وقلت لها " اجل مبلغه علينا يا ملعونه " قالت لي وهي معصبه " ايه انا بلغت عليكم شبتسوي ؟ " سحبتها بقوه وقلت " بتشوفين وش بسوي " حاولت تصارخ بس سديت فمها و خذناها معنا بيت سعيد ، وصلنا بيت سعيد ودخلنا كانوا العيال منصدمين دفيتها وطاحت على الارض قدامنا جاء رشاش ومسكها ورفعها من على الارض ومسكها مع فكها و صارخ بوجهها وقال " انتي شكلك نسيتي انا مين هاه اجل تبلغين علي تحسبينهم بيجيبوني مسويه فيها انك بطله ؟ والله لا اربيك " ضربها رشاش لين طاحت على الارض من كثر الضرب ورحنا نتعشى .
مصلح :
رحنا نتعشى بالمطبخ و طلعت انا اشوف جود لقيتها طايحه على الارض تعبانه من كثر الضرب جيت عندها و جلست قدامها و وخرت شعرها عن وجهها وساعدتها ورفعتها من على الارض وجلستها على الكنب رحت جبت اسعافات اوليه وجلست انظف لها الجرح اللي في وجهها و قالت " شكرًا " قلت لها " على وش ؟ " قالت " لو ما جيت في ذاك الوقت كان .. " وسكتت ما كملت جملتها وجلست تصيح قلت لها " مين اللي كانوا عندك ؟ " قالت وهي تصيح وصوتها مهزوز " ولد عمي و صديقه " سكتت ما بغيت اسألها اكثر عن ذا الموضوع وهي متضايقه وقلت " انتي بيتك هنا ؟ " قالت " لا بس بيت جدي هنا " طلعوا العيال من المطبخ وقمت و قلت ل جود تروح ل الغرفه اللي فيها دانا .
دانا :
كنت بالغرفه الا دخلت علي جود انصدمت لما شفتها بهالحاله و قمت ساعدتها وجلستها على الكنب و سألتها شفيها وعلمتني عن اللي صار حزنت عليها وجلست اهديها واحاول انسيها الموضوع و خليتها تنام وترتاح ، نامت جود و انا ما قدرت انام شايله هم اللي بيصير بكرا على امي ومو لاقيه حل انتظرت الكل ينام وطلعت من الغرفه و قعدت امشي بالصاله لقيت جوال على الكنب اخذته ودخلت الحمام و دقيت على بيتنا وردت امي قلت لها " يمه اسمعي انا دانا ابيك بكرا ما تكونين في البيت ابدًا وياليت من الحين تطلعين من البيت ولا ترجعين له ولا تخافين علي انا بخير لا تشيلين همي وانتبهي على نفسك و.. " ما امداني اكمل كلامي الا سمعت صوت ...
____________________________________
شرايكم ؟💣
تتوقعون بتنقفط دانا ولا ؟
