دانا :
جمعت الورد المقطع اليابس و فتحت الكراسه برجعه شفتها راسمه بالكراسه رجال غريب استغربت وحطيت الورد داخل الكراسه وحطيتها فوق الطاوله وطلعت ، نزلت تحت شفت جود جالسه عند الاستقبال ومحمد جالس معها اشرت ل جود ولفت تنبه محمد عشان نروح ارتفع ضغطي وقلت ل جود لما جتني " ليه تنادينه معنا ! " قالت " هو قال لي انك بالغرفه وجلس ينتظرك معي " قلت " يا صبر شدخله ينتظرني معك ! كان ذلف مع خويه فهد " قالت " على طاري فهد شمسويه انتي يقولون انك كابه عليه القهوه ؟ " قلت " ايه لأنه يستاهل " قالت " اذا رجعنا تعلميني وش سوا الحين امشي لا نتأخر المشرف ينتظرنا " قلت " طيب " رحنا السياره ومشينا .
عمر :
جاني مصلح وجلسنا في مكتبه نسولف قال " عمر شسوي في هالبنت مو راضيه تعطيني فرصه اصلح غلطي " قلت " ليه صار شي ؟ " قال " حشرتها في المصعد و استمرت تعاند و لما جت تطلع قطت علي جمله قهرتني حسيت ولعت نار بقلبي من جملتها " قلت " وش قالت ؟ " قال " بالبدايه نكرت ان محمد مو خطيبها ولما عرفت اني ادري ان مو خطيبها ومتأكد قالت ان حاليًا ما بينهم شي رسمي بس لما يرجعون السعوديه بيصير كل شي رسمي " قلت " ذا الكلام ولع النار بقلبك ؟ " قال " موضوع ان بينها وبين محمد علاقه ولع النار بقلبي بس اللي كسرني لما جت تطلع قالت لي كنت بعزمك على عرسي بس بيكون بالسعوديه وانت ما تقدر تجي وراحت " قلت " مصلح لا تستسلم بسرعه وبعدين انت منجدك مصدق ان بينها وبين محمد علاقه ؟ ينلعب عليك بسرعه يا مصلح " قال " والله يا عمر ما استبعد ان تكون بينهم علاقه خمس سنين من تركتها اكيد تخطتني وحبته " قلت " مصلح شوفني انا و دانا ٥ سنين مو مع بعض ولما شفنا بعض نسينا كل شي حولنا و جلسنا مع بعض كأننا كل هالوقت كنا مع بعض وانا متأكد ان جود تحبك بس تكابر وتبي تكسر قلبك مثل ما كسرت قلبها يوم تركتها " قال " عمر اللي تسويه جود مو بس يكسر قلبي يكسرني كلي " قمت من مكاني وجيت عند كرسي مصلح وحطيت يديني على كتوفه وقلت " يا مصلح ياخوي ما يهون علي اشوفك متضايق كذا قوم خلنا نطلع نغير جو " قال " مافيني حيل اطلع " قلت " تعال معي لا تخليني لحالي اتمشى " قال " طيب " قمنا ونزلنا تحت .
مصلح :
نزلنا تحت وقلت " عمر تعال بوريك شي " قال " وش " قلت " فتحت قسم جديد بالفندق ل الاجانب " قال " وش القسم ؟ " قلت " بار " قال " منجدك ؟! " قلت " عمر حبيبي الفندق في جورجيا واغلب اللي يجونه اجانب وكل ما قيموا الفندق يكتبون ناقصه بار وسويته عشانهم " ضحك وقال " تروح له ؟ " قلت " ايه " طالع فيني بصدمه قلت " لا ياخوي اروح له اشوف الوضع وكذا ما اشرب " قال " تحمست اشوفه " قلت " تعال الحين مافيه النوعيات اللي تجي بالليل امش اوريك " خذيت عمر و دخلنا البار وجلست اوريه شكله قال " من متى فتحته ولا علمتني ؟ " قلت " يوم كنت رايح ذيك الفتره مع قحص لندن وقتها كنت اشتغل عليه خلصته ب ٣ شهور كان جاهز المكان بس ضبطنا الاضاءه وكذا وسوينا بعض الديكورات وجهز " قال " اختفيت عنك ٤ شهور وسويت كل ذا " قلت " انا تاركني ٤ شهور ورايح تفر الدنيا مع قحص وبس قلت لك ان دانا هنا ركبت اول طياره وجيت يا رجال انا بالليل علمتك انها هنا والصبح داخل علينا المكتب " قال " يا حبيبي طياره خاصه متى ما ابي اجي هنا او اروح هناك " قلت " انا ارسل لك تعال تقول لي كلها كم اسبوع واجي بس باقي كم منطقه نبي نشوفها بس قلت لك ان دانا هنا سحبت على قحص وجيت " قال " دانا غير " قلت " عمر انا معك طول الوقت وتقول لي دانا غير " قال " اقنعني انك تحبني اكثر من جود ؟ " قلت " هو انا احبك بس طبعًا جود محبتها بقلبي غير " قال " شفت كيف انت طول الوقت بوجهي واشوفك متى ما ابي بس دانا ما صدقت اشوفها بعد كل هالمده " ابتسمت له وقلت " ليت جود تسامحني واجلس معها زي ما جلست انت اليوم مع دانا وعوضتوا عن شوقكم لبعض " قال " يا مصلح صدقني بيجي يوم وتسامحك وبتجلس تسولف معها لين تمل منها " قلت " ما بمل بس هي خلها تسامحني وانا اللي بخليها تمل مني " قال " خلي قلبها يلين عليك و بتزين الامور " قلت " الله يسمع منك " طلعنا من البار ورحنا ل السياره .
