دانا :
طالع عمر وراي وهو خايف لفيت شفت سلطان واقف وراي مشيت و رحت بعيد عنهم وانا خايفه لا يكون سلطان سمعني .
عمر :
راحت دانا و بقيت انا واقف مع سلطان طالع فيني سلطان وهو معصب وقال " كنت تدري من قبل ؟ " قلت " شتقصد ؟ " قال " عمر كنت تدري ان دانا بنت عزام من قبل ومهددها ! " قلت " ترى ما صار لي مده من عرفت " قال " طيب ليه ما علمت رشاش ؟ " قلت " رشاش لو يدري يمكن يسوي فيها شي " قال " لازم رشاش يعرف ترى ذا من صالحنا " قلت " سلطان انسى الموضوع ولا تجيب طاري انها بنت عزام عند اي احد " قال " وليه طيب ؟؟ " قلت " بدون ليه لا تجيب طاري وبس " رحنا انا وسلطان نضبط الخيمه .
قحص :
بعد ما ضبطنا الخيام وكلينا قمت انا و رشاش و مهل و رحنا عندنا كم شغله لقينا محطه على الطريق فيها كبينة اتصالات راح رشاش يكلم وحنا ننتظره بالسياره ، خلص رشاش المكالمه وجاء و قال لنا نرجع البر .
مصلح :
جوا العيال و اجتمعنا نخطط واتفقنا بكرا نقطع طريق سيارة بنك و علمنا رشاش من وين بتجي السيارة وكيف بنقطع طريقها ، جاء الليل وجلسنا حول النار طلعت دانا من خيمتها و راحت ورا الخيمه الا قام عمر وراح وراها .
عمر :
شفت دانا طالعه من الخيمه و لحقتها لما شافتني قالت " يا ليل شتبي انت ؟ " قلت " بقول لك كم كلمه بس " قالت " اخلص شتبي مني ؟ " قلت " دانا انا مابيك تكرهيني ولا كان قصدي اهددك " قالت " يا رجال اذلف عني " قلت " دانا ترى كل اللي سويته عشاني مابيك تروحين عني " سفهتني وراحت ل خيمتها و رجعت جلست مع العيال وانا متضايق .
جود :
جاء الصبح طلعت من الخيمه شفت العيال معهم اسلحه وجالسين يعبونها طلق خفت ورجعت الخيمه و قومت دانا وقلت " دانا قومي ذول يعبون اسلحتهم طلق لا يكون بيذبحوننا " قالت " جود ذول قطاعين طرق اكيد بيروحون يقطعون طرق الناس ما بيذبحونك لا تخافين " قلت " شعرفك ؟ " قالت " امس سمعتهم يخططون يقطعون طريق سيارة بنك " قلت " طيب وحنا بنقعد هنا ؟ " قالت " مدري والله امشي نطلع نشوف الوضع " طلعنا من الخيمه .
عمر :
طلعوا البنات من الخيمه قال رشاش " يلا يا بنات على السياره " قالت دانا " على وين ؟ " قال رشاش " امشي وانتي ساكته " قالت دانا " ماني رايحه مكان لين تقول لي وين بتودينا " قال رشاش " يا صبر " قلت " عندنا كم شغله وما بنتركم لحالكم هنا " طالعت فيني بنظره وراحت ل السياره ، وصلنا ل الموقع اللي بنقطع فيه طريق سيارة البنك وقفنا و نزلنا توزعنا ننتظر سيارة البنك .
دانا :
كنا انا و جود بالسياره وهم نزلوا يضبطون وضعهم و توزعوا حول الطريق ، لاحظت من بعيد سيارة البنك جايه وقفت سيارة البنك و قطعوا طريقها رشاش وعصابته الا انفتح الباب الخلفي ل السياره و نزلوا مجموعه من الشرطه ومن ضمنهم ابوي اول ما شفت ابوي فتحت باب السياره ونزلت جيت اركض ابي اروح ل ابوي مسك عمر معصمي وابوي والشرطه مصوبين عليهم ...
____________________________________
شرايكم ؟ ⏳
تتوقعون وش بيصير ؟
